ۇكىمەت قىزمەتىنەن بايانداما: بالالى بولۋدى جەبەۋ ساياساتىن بەلگىلەپ، بالا تاربيەلەۋ قوسىمشا قاراجاتى بەرىلەدى

حالىق تورابىنىڭ 3 – ايدىڭ 5 – كۇنى بەيجيڭنەن بەرگەن حابارى. 3 – ايدىڭ 5 – كۇنى تۇستەن بۇرىن، 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى حالىق سارايىندا اشىلدى. مەملەكەتتىك كەڭەستىڭ زۇڭليى لي چياڭ ۇكىمەت قىزمەتىنەن بايانداما جاسادى.

ۇكىمەت قىزمەتىنەن باياندامادا مىنالار اتاپ كورسەتىلدى: بالالى بولۋدى جەبەۋ ساياساتىن بەلگىلەپ، بالا تاربيەلەۋ قوسىمشا قاراجاتىن تاراتىپ، بالالار باقشاسى ءبىر تۇلعالانعان قىزمەت وتەۋدى زور كۇشپەن دامىتىپ، جالپىعا ءتيىمدى اماناتتاپ تاربيەلەۋ قىزمەت وتەۋىمەن قامداۋدى ارتتىرادى. زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋ رەفورماسى ورنىقتى اتقارىلادى. اسكەريلەر مەن ولاردىڭ وتباسىنداعىلارعا، ارميادان قايتقان اسكەريلەرگە جانە باسقا دا قامقورلىق جاسالاتىن وبيەكتىلەرگە قامقورلىق جاساۋ قىزمەتى ويداعىداي ىستەلەدى. قيىنشىلىق قىسپاعىندا قالعان بالالارعا، پاناسىز بالالارعا جانە ۇيدە قالعان بالالارعا قامقورلىق جاساۋ، قىزمەت وتەۋ كۇشەيتىلەدى. اۋىر دارەجەدەگى مۇگەدەكتەردى باعىپ - قاعۋعا، كۇتىمدەۋگە قىزمەت وتەۋدى ويداعىداي ىستەپ، مۇگەدەكتىكتەن ساقتانۋ جانە ساۋىعۋعا قىزمەت وتەۋ دەڭگەيىن جوعارىلاتادى. جان سانىن اۋقىمدىق باقىلاۋ جانە ۇنەمىلىك قۇتقارۋ، سۇيەمەلدەۋ كۇشەيتىلىپ، قوعامدىق قۇتقارۋ جۇيەسى كەمەلدەندىرىلىپ، قيىنشىلىعى بار بۇقارانىڭ نەگىزگى تۇرمىسى قامتاماسىزداندىرىلادى.

كەلۋ قاينارى: حالىق تورابى