14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدە اشىلدى

3 - ايدىڭ 5 - كۇنى 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدەگى حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ماجىلىسكە قاتىناستى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

3 - ايدىڭ 5 – كۇنى تۇستەن بۇرىن 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدەگى حالىق سارايىندا اشىلدى. مەملەكەتتىك كەڭەستىڭ زۇڭليى لي چياڭ ۇكىمەت قىزمەتىنەن بايانداما جاسادى.

سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن

3 - ايدىڭ 5 – كۇنى تۇستەن بۇرىن 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدەگى حالىق سارايىندا اشىلدى. جاۋ لىجي اشىلۋ ءماجىلىسىن باسقاردى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

شينحۋا اگەنتتىگى، 3 - ايدىڭ 5 – كۇنى، بەيجيڭ. 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى 3 - ايدىڭ 5 - كۇنى تۇستەن بۇرىن بەيجيڭدەگى حالىق سارايىندا اشىلدى. مەملەكەتتىك حالىق قۇرىلتايىنىڭ 3000 عا جۋىق ۋاكىلى حالىقتىڭ ماڭىزدى تاپسىرماسىن ارقالاپ ماجىلىسكە قاتىناسىپ، نەگىزگى زاڭ مەن زاڭداردا بەرىلگەن قاسيەتتى قىزمەت جاۋاپكەرشىلىكتەرىن وتەدى.

حالىق سارايىنىڭ ۇلكەن زالى سالتاناتتى دا قىزۋ مەرەيگە شومدى، ءتوراعالار مىنبەسىندەگى شىمىلدىقتىڭ ءدال ورتاسىنداعى مەملەكەت گەربى نارت قىزىل تۋلار اراسىندا جايناي ءتۇستى.

ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاۋ لىجي ءماجىلىستى باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى لي حۇڭجۇڭ، ۋاڭ دۇڭميڭ، شياۋ جيە، جىـڭ جيانبـاڭ، ديـڭ جۇڭلي، حاۋ ميڭجين، ساي دافـىڭ، حـى ۋەي، ۋ ۋەيـحۋا، تيـە نيڭ، پىڭ چيڭحۋا، جاڭ چيڭۋەي، لوساڭجياڭسۇن، شوكىرات زاكىر، ليۋ چي ءتوراعالار مىنبەسىندەگى اتقارۋشى ءتوراعالار ورنىنا جايعاستى.

شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ جانە ءماجىلىس ءتوراعالار القاسىنىڭ مۇشەلەرى ءتوراعالار مىنبەسىنەن ورىن الدى.

14 - كەزەكتى مەملەكەتتىك حالىق قۇرىلتايىنىڭ 3 - ماجىلىسىنە قاتىناسۋعا ءتيىستى ۋاكىل 2929 ادام. 3 - ايدىڭ 5 - كۇنى تۇستەن بۇرىنعى ماجىلىسكە 2880 ادام قاتىناستى، 49 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

تۇستەن بۇرىن ساعات 9 دا جاۋ لىجي جۇڭحۋا حالىق رەسپۋبليكاسى 14 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ اشىلعاندىعىن جاريالادى. ءماجىلىس الاڭىنداعى بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.

ءماجىلىستىڭ كەڭەس ءتارتىبى بويىنشا، مەملەكەتتىك كەڭەستىڭ زۇڭليى لي چياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. بايانداما جالپى ءۇش بولىمنەن قۇرالعان: ءبىرىنشى، 2024 - جىلعى قىزمەتتەرگە شولۋ؛ ەكىنشى، 2025 - جىلعى ەكونوميكالىق، قوعامدىق دامۋدىڭ جالپى تۇلعالىق تالابى جانە ساياساتتىق بەتالىسى؛ ءۇشىنشى، 2025 - جىلعى ۇكىمەت قىزمەتىندەگى مىندەتتەر.

لي چياڭ باياندامادا بىلاي دەپ اتاپ كورسەتتى: وتكەن ءبىر جىلدا ەلىمىزدىڭ دامۋ بارىسى وتە وزگەشە بولدى. سىرتقى قىسىم ارتىپ، ىشكى قيىنشىلىق كوبەيگەن كۇردەلى دە قاتاڭ جاعداي الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى ءار ۇلت حالقى ۇدەرە العا تارتىپ، قامال الىپ، قيىنشىلىقتاردى جەڭىپ، ەكونوميكالىق اينالىم جالپى جاقتان ورنىقتى بولىپ، ورنىقتىلىق بارىسىندا ىلگەرىلەپ، تۇتاس جىلداعى ەكونوميكالىق، قوعامدىق دامۋدىڭ باستى نىسانا - مىندەتتەرى ءساتتى ورىندالىپ، جوعارى ساپالى دامۋ تىڭعىلىقتى ىلگەرىلەپ، جاڭاشا وندىرگىش كۇشتەر ورنىقتى دامىدى، ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، جالپىلىق مەملەكەت قۋاتى ۇزدىكسىز كۇشەيىپ، جۇڭگو ۇلگىسىندەگى وسىزامانداندىرۋدا تىڭ دا بەرىك قادام تاستالىپ، جاڭا ءداۋىردىڭ جاڭا جورىعىندا جاپپاي سوتسياليستىك وسىزاماندانعان مەملەكەت قۇرۋ بەكىمىمىز بەن سەنىمىمىز اناعۇرلىم بەكەمدەلدى.

لي چياڭ باياندامادا بىلاي دەپ اتاپ كورسەتتى: ءبىر جىلدان بەرى ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ باسشىلىعىن ۇكىمەت قىزمەتىنىڭ ءار جاعىمەن ساباقتاستىرىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارى بويىنشا، باستىسى مىناداي قىزمەتتەر ىستەدىك: ءبىرىنشى، ماكرولىق تىزگىندەۋدى ۋاقىتقا، جاعدايعا قاراي كۇشەيتىپ جانە وندا جاڭالىق جاراتىپ، ەكونوميكانىڭ وڭالۋىنا دەم بەردىك؛ ەكىنشى، رەفورمانى بۇلجىماستان جاپپاي تەرەڭدەتىپ، ەسىكتى ايقارا اشىپ، دامۋدىڭ ىشكى قوزعاۋشى كۇشىن ارتتىردىق؛ ءۇشىنشى، جاڭالىق جاراتۋ ارقىلى دامۋعا دەم بەرۋدى زور كۇشپەن ىلگەرىلەتىپ، شارۋاشىلىق قۇرىلىمىنىڭ ساپالىلانۋى مەن دارەجەسىنىڭ جوعارىلاۋىن جەبەدىك؛ ءتورتىنشى، قالا مەن اۋىلدىڭ وڭىرلىك سايكەستى دامۋىن ءبىر تۇتاس جوسپارلاپ، ەكونوميكانىڭ ورنالاسۋىن ساپالىلاندىردىق؛ بەسىنشى، قوعامدىق ىستەردى بەلسەنە دامىتىپ، حالىقتىڭ ىرىس - قۇتىن ارتتىردىق؛ التىنشى، ەكولوگيالىق ورتانى قورعاۋدى ۇزدىكسىز كۇشەيتىپ، جاسىل، تومەن كومىرتەكتى دامۋ دەڭگەيىن جوعارىلاتتىق؛ جەتىنشى، ۇكىمەت قۇرىلىسى مەن باسقارۋدا جاڭالىق اشۋدى كۇشەيتىپ، قوعامنىڭ جاراسىمدىلىعىن، ورنىقتىلىعىن ساقتادىق.

لي چياڭ باياندامادا بىلاي دەپ اتاپ كورسەتتى: ناتيجەنى تۇراقتاندىرۋمەن بىرگە، ءبىز ءدوپ كەلگەن ماسەلەلەر مەن سىن - سايىستى دا سەرگەكتىكپەن كورە ءبىلۋىمىز كەرەك. ءبىز قيىن ماسەلەلەرگە دۇرىس مامىلە جاساۋىمىز، دامۋ سەنىمىن ونان ارى بەكەمدەۋىمىز كەرەك.

لي چياڭ باياندامادا بىلاي دەپ اتاپ كورسەتتى: بيىل − ”14 - بەسجىلدىق“ جوبا اياقتالاتىن جىل. بيىلعى دامۋدىڭ باستى مەجەلى نىسانالارى مىنالار: ىشكى ءوندىرىستىڭ جالپى ءونىم قۇنىن %5 شاماسىندا ارتتىرۋ؛ قالا - قالاشىقتاعى تەكسەرىپ انىقتالعان جۇمىسسىزدىق شاماسىن %5.5 كولەمىندە مەڭگەرىپ، قالا - قالاشىقتا 12 ميلليوننان استام ادامدى تىڭنان جۇمىستاندىرۋ؛ تۇرعىنداردىڭ تۇتىنۋ باعاسىنىڭ قىمباتتاۋ مولشەرىن %2 كولەمىندە مەڭگەرۋ؛ تۇرعىندار كىرىسىنىڭ ارتۋى مەن ەكونوميكانىڭ ارتۋىن سايكەستىرۋ؛ حالىقارالىق كىرىس - شىعىستىڭ نەگىزگى تەپە - تەڭدىگىن ساقتاۋ؛ استىق ءونىم مولشەرىن ءبىر تريلليون 400 ميلليارد جىڭ اينالاسىنا جەتكىزۋ؛ بىرلىك ىشكى ءوندىرىس جالپى قۇنىنىڭ ەنەرگيا جۇمسالىمىن %3 شاماسىندا تومەندەتىپ، ەكولوگيالىق ورتا ساپاسىن ءۇرتىس جاقسارتۋ.

لي چياڭ باياندامادا بىلاي دەپ اتاپ كورسەتتى: بيىلعى نىسانا - مىندەتتەردى ويداعىداي ورىنداۋ ءۇشىن، ءسوز جوق، شي جينپيڭ ەكونوميكالىق يدەياسىن ىشكەرىلەي دايەكتىلەندىرىپ، جوعارى ساپالى دامۋ سىندى ماڭداي الدى مىندەتتى مىقتى يگەرىپ، ساپا ارقىلى جەڭىسكە جەتۋ مەن كولەم اسەرىن ساۋلەلەندىرۋدىڭ بىرلىگىنە تاباندى بولىپ، ساپانىڭ ءونىمدى جوعارىلاۋى مەن ساننىڭ ۇيلەسىمدى ارتۋىن جۇزەگە اسىرۋ كەرەك.

لي چياڭ باياندامادا مىنالاردى ورتاعا قويدى: بيىلعى ەكونوميكالىق، قوعامدىق دامۋ مىندەتى توتەنشە اۋىر. ءبىز ماڭىزدى ءتۇيىندى كورنەكتىلەندىرىپ، تەتىكتى يگەرىپ، مىنا بىرنەشە جاقتاعى قىزمەتتى باسا يگەرەمىز: تۇتىنۋدى بارىنشا سەرپىلتىپ، قارجى قوسۋ ونىمدىلىگىن جوعارىلاتىپ، ىشكى سۇرانىستى جان - جاقتى ۇلعايتامىز؛ جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، وسىزاماندانعان كاسىپ سالاسى جۇيەسىن جەدەل قۇرامىز؛ مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسىن ىشكەرىلەي اتقارىپ، مەملەكەتتىڭ جاڭالىق اشۋ جۇيەسىنىڭ جالپىلىق ونىمدىلىگىن جوعارىلاتامىز؛ نىشاندىق رەفورما شارالارىنىڭ جەدەل تياناقتانۋىن ىلگەرىلەتىپ، ەكونوميكالىق ءتۇزىلىس رەفورماسىنىڭ جەتەكتەۋ رولىن اناعۇرلىم ويداعىداي ساۋلەلەندىرەمىز؛ جوعارى دەڭگەيدە سىرتقا ەسىك اشۋدى كەڭەيتىپ، سىرتقى ساۋدانى، شەتەل قارجىسىن بەلسەنە ورنىقتىرامىز؛ ءتۇيىندى سالالارداعى حاۋىپ - قاتەردەن ءونىمدى ساقتانىپ جانە ونى شەشىپ، جۇيەلىك حاۋىپ - قاتەردىڭ تۋىلماۋىن مىقتاپ ساقتايمىز؛ اۋىل شارۋاشىلىعى، اۋىل - قىستاق، شارۋالار قىزمەتىن كۇش سالا مىقتى يگەرىپ، اۋىل - قىستاقتى جاپپاي گۇلدەندىرۋدى ىشكەرىلەي ىلگەرىلەتەمىز؛ جاڭاشا قالا - قالاشىقتاندىرۋ مەن وڭىرلەردىڭ سايكەستى دامۋىن ىلگەرىلەتىپ، دامۋ كەڭىستىگى جاعدايىن اناعۇرلىم ساپالىلاندىرامىز؛ كومىر قىشقىل گازىن ازايتۋدى، لاستاۋدى ازايتۋدى، جاسىل دامۋدى كەڭەيتۋدى سايكەستى ىلگەرىلەتىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەدەلدەتەمىز؛ حالىق تۇرمىسىن قامتاماسىز ەتۋ مەن جاقسارتۋ تەبىنىن ارتتىرىپ، قوعامدىق باسقارۋ ونىمدىلىگىن جوعارىلاتامىز.

باياندامادا لي چياڭ تاعى ۇكىمەتتىڭ وزىندىك قۇرىلىسى، ۇلت، ءدىن جانە چياۋمين ىستەرى قىزمەتى، مەملەكەت قورعانىسى جانە ارميا قۇرىلىسى، شياڭگاڭنىڭ، اۋمىننىڭ دامۋى جانە ەكى جاعالاۋ قاتىناسى، سونداي - اق ەلىمىزدىڭ ديپلوماتيالىق ساياساتى سياقتىلار جونىندە دە بايىمداۋ جاسادى.

ءماجىلىستىڭ كەڭەس ءتارتىبى بويىنشا ءماجىلىس مەملەكەتتىك كەڭەستىڭ 2024 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2025 - جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى بايانداماسىن، سونداي - اق 2025 - جىلعى حالىق شارۋاشىلىعى مەن قوعامدىق دامۋ جوسپارى جوباسىن، مەملەكەتتىك كەڭەستىڭ ورتالىق پەن جەرگىلىكتى ورىنداردىڭ 2024 - جىلعى مەجە ەسەبىنىڭ اتقارىلۋ جاعدايى جانە ورتالىق پەن جەرگىلىكتى ورىنداردىڭ 2025 - جىلعى مەجە ەسەپ جوباسى جونىندەگى بايانداماسىن، سونداي - اق ورتالىق پەن جەرگىلىكتى ورىنداردىڭ 2025 - جىلعى مەجە ەسەپ جوباسىن قاراپ تەكسەردى.

مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ مەملەكەتتىك حالىق قۇرىلتايى مەن جەرگىلىكتى ءار دارەجەلى حالىق قۇرىلتايلارىنىڭ ۋاكىلدەرى زاڭىنا وزگەرىس ەنگىزۋ جوباسى جونىندە تۇسىنىك جاسادى.

مەملەكەتتىك حالىق قۇرىلتايى مەن جەرگىلىكتى ءار دارەجەلى حالىق قۇرىلتايلارىنىڭ ۋاكىلدەر زاڭىنا وزگەرىس ەنگىزۋ جوباسى جونىندەگى تۇسىنىكتە بىلاي دەپ اتاپ كورسەتىلدى: ۋاكىلدەر زاڭى − حالىق قۇرىلتايى ۋاكىلدەرىنىڭ زاڭ بويىنشا ۋاكىلدىك قىزمەت ۇقىعىن جۇرگىزۋىن، ۋاكىلدىك بورىشىن وتەۋىن، ۋاكىلدىك رولىن ساۋلەلەندىرۋىن ارناعا تۇسىرەتىن جانە قامتاماسىزداندىراتىن نەگىزدىك زاڭ. بۇل زاڭنىڭ جاريالانىپ اتقارىلۋى ۋاكىلدەردىڭ مىندەتىن زاڭ بويىنشا وتەۋىن ارناعا تۇسىرۋدە جانە وعان كەپىلدىك ەتۋدە، ۋاكىلدەردىڭ رولىن تولىق ساۋلەلەندىرۋدە، حالىقتىڭ وزىنە - ءوزى قوجايىن بولۋىنا كەپىلدىك ەتۋدە ماڭىزدى رول اتقاردى. شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن دايەكتىلەندىرىپ، تياناقتاندىرىپ، داۋىرمەن بىرگە العا باسۋ نەگىزىندە ۋاكىلدەر زاڭىنا وزگەرىس ەنگىزىپ جانە ونى كەمەلدەندىرىپ، حالىق قۇرىلتايى ۋاكىلدەرى قىزمەتىنىڭ جوعارى ساپالى دامۋىن قامتاماسىزداندىرىپ جانە جەبەپ، حالىق قۇرىلتايى ءتۇزىمىنىڭ كورنەكتى ابزالدىعىن اناعۇرلىم تولىق ساۋلەلەندىرۋ قاجەت. ۋاكىلدەر زاڭىنا وزگەرىس ەنگىزۋ − پارتيانىڭ جاپپاي باسشىلىعىنا تاباندى بولۋدىڭ، جۇڭگوشا سوتسياليستىك ساياسي دامۋ جولىمەن بۇلجىماي ءجۇرۋدىڭ تابيعي تالابى؛ حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتىپ، حالىق قۇرىلتايى تۇزىمىنە ويداعىداي تاباندى بولۋدىڭ، ونى كەمەلدەندىرۋدىڭ، ىسكە قوسۋدىڭ ماڭىزدى كەپىلى؛ جالپى بارىستىق حالىق دەموكراتياسىن دامىتىپ، ءار دارەجەلى حالىق قۇرىلتايلارىنىڭ جانە ولاردىڭ تۇراقتى كوميتەتتەرىنىڭ حالىق بۇقاراسىمەن باستان - اياق ەتەنە بايلانىستى ساقتايتىن ۋاكىلدىك ورگانعا اينالۋىنا مۇمكىندىك جاساۋدىڭ وبيەكتيۆ تالابى. ۋاكىلدەر زاڭىنىڭ وزگەرىس ەنگىزىلگەن جوباسى جالپى 34 تارماقتان تۇرادى، باستى وزگەرىس ەنگىزىلگەن مازمۇندار مىنالاردى قامتيدى: جالپى ەرەجەنىڭ ءىشىنارا بەلگىلەمەلەرى تولىقتانىپ، ”ەكى بايلانىس“ ءتۇزىمى مەحانيزمىن كەڭەيتىلدى جانە تەرەڭدەتىلدى، حالىق قۇرىلتايى ۋاكىلدەرىنىڭ قىزمەت قابىلەتى قۇرىلىسىنا قاتىستى بەلگىلەمەلەر، ۋاكىلدەردىڭ دارەجەلەس حالىق قۇرىلتايىنىڭ ءماجىلىسى كەزىندەگى قىزمەتىنە قاتىستى بەلگىلەمەلەر، ۋاكىلدەردىڭ دارەجەلەس حالىق قۇرىلتايى جابىق كەزدەگى قيمىلدارىنا قاتىستى بەلگىلەمەلەر كەمەلدەندىرىلدى، ۋاكىلدەردىڭ مىندەت اتقارۋىن قامتاماسىز ەتۋگە قاتىستى بەلگىلەمەلەر كەمەلدەندىرىلدى، ۋاكىلدەردىڭ كەڭەس جوبالارى مەن ۇسىنىستارىن ءبىر جاقتى ەتۋ مەحانيزمى كەمەلدەندىرىلدى، ۋاكىلدەردىڭ مىندەت اتقارۋىن باسقارۋعا، باقىلاۋعا قاتىستى بەلگىلەمەلەر كەمەلدەندىرىلدى، باقىلاۋ - تەكسەرۋ ءتۇزىلىسى رەفورماسىنىڭ قاجەتىنە قاتىستى مازمۇندار تولىقتاندى.

ما شيڭرۇي، ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، حى ۋەيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جينيڭ، چىن مين - ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋ جىڭلۇڭ، شىن ي - چين، جاڭ جۇن، يىڭ يۇڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن، سونداي - اق ورتالىق اسكەري ىستەر كوميتەتىنىڭ مۇشەلەرى ليۋ جىنلي، جاڭ شىڭمين قاتارلىلار دا ءتوراعالار مىنبەسىنەن ورىن الدى.

شياڭگاڭ ەرەكشە اكىمشىلىك رايونىنىڭ اكىمى لي جياچاۋ، اۋمىن ەرەكشە اكىمشىلىك رايونىنىڭ اكىمى سىن حاۋحۇي ماجىلىسكە سىرتتاي قاتىناستى ءارى ءتوراعالار مىنبەسىنەن ورىن الدى.

مەملەكەتتىك ساياسي كەڭەس 14 - كەزەكتى كوميتەتىنىڭ 3 - ماجىلىسىنە قاتىناسىپ جاتقان ساياسي كەڭەس مۇشەلەرى ماجىلىسكە سىرتتاي قاتىناستى.

ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ جانە قارۋلى ساقشى بولىمدەرىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە ءماجىلىستى سىرتتاي تىڭدادى.

شەتەلدەردىڭ جۇڭگودا تۇراتىن ەلشىلەرى ءماجىلىستى سىرتتاي تىڭدادى.