ەكونوميكالىق ءىرى ولكەلەر ۇلكەن تىرەك بولىپ بۇكىل ەلدىڭ دامۋ جالپى جاعدايىنا ۇلەس قوسۋى كەرەك

3 - ايدىڭ 5 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءوزى قۇرامىندا بولعان 14 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

«حالىق گازەتى»، 3 - ايدىڭ 5 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 5 - كۇنى تۇستەن كەيىن ءوزى قۇرامىندا بولعان مەملەكەتتىك 14 - كەزەكتى حالىق قۇرىلتايىنىڭ 3 - ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقان كەزدە بىلاي دەپ باسا دارىپتەدى: ”14 - بەسجىلدىق“ دامۋ نىساناسىن تابىسپەن جۇزەگە اسىرۋدا ەكونوميكالىق ءىرى ولكەلەر ۇلكەن تىرەك بولۋى كەرەك. جياڭسۋ ۇلكەن تىرەكتىڭ كۇش سالۋ ءتۇيىنىن مىقتى يگەرىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدى توعىستىرۋدى ىلگەرىلەتۋ جاعىندا اتويلاپ الدا ءجۇرىپ، تەرەڭ قاتپارلى رەفورما مەن جوعارى دەڭگەيدەگى ەسىك اشۋدى ىلگەرىلەتۋ جاعىندا باتىلدىقپەن الدىعا ۇمتىلىپ، مەملەكەتتىڭ كەلەلى دامۋ ستراتەگياسىن تياناقتاندىرۋ جاعىندا الدا ءجۇرىپ، جالپى حالىقتىڭ بىرگە اۋقاتتانۋىن جەبەۋ جاعىندا ۇلگى كورسەتۋى كەرەك.

جياڭسۋ ۋاكىلدەر ۇيىرمەسى باياندامانى ىقىلاسپەن قارادى، ورتا ەرەكشە دۋماندى بولدى. جاۋ جيانجۇن، شۇي گۋاڭحۇي، جاڭ جۇنجيە، لي شياۋنا، مياۋ حانگىن، كى جۇن قاتارلى 6 ۋاكىل جاسىل، تومەن كومىرتەكتى دامۋعا بۇرىلىس جاساۋدى جەدەلدەتۋ، كاسىپ سالاسى عىلىم - تەحنيكاسىندا جاڭالىق اشۋ ورتالىعىن قۇرۋ، مەديتسينا قۇرىلىسىندا جەتىستىكتى كادەگە جاراتۋدى ىلگەرىلەتۋ، جاراسىمدى، كوركەم الەۋمەتتىك اۋماق قۇرۋ، ءداستۇرلى كاسىپ سالالارىنىڭ دامۋىن ىلگەرىلەتۋ، ءداستۇرلى تەاتردى قورعاۋ، جالعاستىرۋ سياقتىلار جونىندە جەكە - جەكە ءسوز سويلەدى.

كوپشىلىكتىڭ ءسوزىن تىڭداعان سوڭ شي جينپيڭ ءسوز سويلەدى. ول الدىمەن ۇكىمەت قىزمەتىنەن باياندامانى قۇپتايتىندىعىن ءبىلدىرىپ، جياڭسۋدىڭ قىزمەتىن تۇراقتاندىرىپ، جياڭسۋدىڭ نەگىزگى تىرەك بولۋ جاۋاپكەرشىلىگىن ويداعىداي تياناقتاندىرىپ، تىڭ دا اناعۇرلىم زور تابىستارعا قول جەتكىزۋگە قۇلشىنۋىن ءۇمىت ەتتى.

شي جينپيڭ بىلاي دەپ اتاپ كورسەتتى: عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋ − جاڭاشا وندىرگىش كۇشتى دامىتۋدىڭ نەگىزگى جولى. عىلىم - تەحنيكادا جاڭالىق اشۋدى يگەرۋدە وسىزاماندانعان كاسىپ سالاسى جۇيەسىن ورناتۋدى كوزدە ۇستاپ، وقۋ - اعارتۋدى، عىلىم - تەحنيكانى، دارىندىلاردى بىرگە يگەرۋگە تاباندى بولىپ، عىلىم - تەحنيكا جەتىستىكتەرىن كوپ شىعارۋمەن بىرگە، عىلىم - تەحنيكا جەتىستىكتەرىن ناقتى وندىرگىش كۇشكە اينالدىرۋ كەرەك. كاسىپ سالاسىندا جاڭالىق اشۋدى يگەرۋدە ناقتى ەكونوميكا سىندى نەگىزدى بەكەمدەپ، ءداستۇرلى كاسىپ سالاسىن جاڭالاۋدى، دارەجەسىن جوعارىلاتۋدى ىلگەرىلەتۋگە جانە ستراتەگيالىق جاڭادان گۇلدەنگەن كاسىپ سالاسىن اشۋعا، بولاشاقتاعى كاسىپ سالاسىنىڭ جاڭا جارىس جولىنا تەڭ ءمان بەرۋگە تاباندى بولۋ كەرەك. عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدى توعىستىرۋدى يگەرۋدە تۇعىر ورناتىپ، ءتۇزىلىس، مەحانيزمدى اقاۋسىزداندىرىپ، كاسىپورىنداردىڭ جاڭالىق اشۋداعى تۇلعالىق ورنىن كۇشەيتىپ، جاڭالىق اشۋ تىزبەگى مەن كاسىپ سالاسى تىزبەگىنىڭ ساڭلاۋسىز ۇشتاسۋىنا مۇمكىندىك جاساۋ كەرەك.

شي جينپيڭ بىلاي دەپ باسا دارىپتەدى: ەكونوميكالىق كولەم زور بولعان ەكەن، العا قاراي دامۋ اناعۇرلىم زور قوزعاۋشى كۇشتى قاجەت ەتەدى. جياڭسۋ الدىمەن سىناق ەتىپ، ءىش پەن سىرتتى قاتار يگەرىپ، رەفورما جاساپ، ەسىك اشۋدى تەرەڭدەتۋ ارقىلى كەدەرگىلەردى ۇزدىكسىز الاستاپ، قوزعاۋشى كۇشتى ارتتىرۋى كەرەك. جاڭا دامۋ ۇستانىمىن تولىق، دالمە - ءدال جاپپاي دايەكتىلەندىرىپ، ەل ءىشى مەن حالىقارانى ءبىر تۇتاس جوسپارلاپ، قالا مەن اۋىلدىڭ توعىسۋىن، وڭىرلەردىڭ بىرلەسىپ ارەكەتتەنۋىن ويداعىداي يگەرىپ، وندىرگىش كۇشتەردىڭ ورنالاسۋىن ساپالىلاندىرىپ، جوعارى ساپالى دامۋدى كۇش سالا ىلگەرىلەتۋ كەرەك. ماڭىزدى فاكتورلاردى بازارلاندىرىپ جايعاستىرۋ رەفورماسىن تەرەڭدەتىپ، جەرگىلىكتى قورعانىمپازدىقتى، بازاردى ءبولۋدى جانە ”ىشكى قاراتالاسۋ ۇلگىسىندەگى“ باسەكەنى ىرىقتىلىقپەن جويۋ كەرەك. حالىقتىق كاسىپورىندار اڭگىمە ءماجىلىسىنىڭ رۋحىن جاپپاي تياناقتاندىرىپ، ءتۇرلى مەنشىكتەگى كاسىپورىندارعا بىردەي مامىلە جاساپ، ساۋدا ورتاسىن ۇزدىكسىز ساپالىلاندىرۋ كەرەك. تۇزىمدىك ەسىك اشۋدى ورنىقتى كەڭەيتىپ، حالىقارالىق سەلبەستىك كەڭىستىگىن ۇزدىكسىز كەڭەيتۋ كەرەك.

شي جينپيڭ بىلاي دەپ اتاپ كورسەتتى: ەكونوميكادا ءىرى ولكەلەر مەملەكەتتىڭ كەلەلى دامۋ ستراتەگياسىن تياناقتاندىرۋدا اناعۇرلىم زور جاۋاپكەرشىلىك ارقالاۋى كەرەك. جياڭسۋ چاڭجياڭ اتىراۋىن ءبىر تۇلعالاندىرىپ دامىتۋ جانە چاڭجياڭ ەكونوميكالىق بەلدەۋىن دامىتۋ سياقتى دامۋ ستراتەگيالارىندا ىرىقتىلىقپەن ءىس تىندىرىپ، سايكەسە قيمىلداۋى كەرەك. بەيجيڭ - تيانجين - حىبەيدىڭ سايكەستى دامۋى، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى سياقتى ستراتەگيالارمەن ۇشتاسۋدى كۇشەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋمەن تەرەڭ توعىسىپ، شيزاڭعا كومەكتەسۋ، شينجياڭعا كومەكتەسۋ سياقتى باعىتتامالى كومەكتەسۋ قىزمەتىن ويداعىداي ىستەۋ كەرەك. ەگىستىك جەردىڭ قىزىل سىزىعىن بەرىك ساقتاۋ، استىق حاۋىپسىزدىگىن قامتاماسىزداندىرۋ، ەكولوگيالىق ورتانى قورعاۋ، وڭتۇستىكتەن سولتۇستىككە جەتكىزىلەتىن سۋ قاينارىنىڭ حاۋىپسىزدىگىنە كەپىلدىك ەتۋ سياقتى جاقتاردا مىندەتتى، جاۋاپكەرشىلىكتى ادا ەتۋ كەرەك.

شي جينپيڭ بىلاي دەپ باسا دارىپتەدى: ەكونوميكادا ءىرى ولكەلەردىڭ دامۋى تەزىرەك، جالپى حالىقتىڭ بىرگە اۋقاتتانۋىن جەبەۋ جاعىندا بەلسەنە تاجىريبە قاراستىرىپ، ۇلگىلىك، جەتەكشىلىك رولىن ساۋلەلەندىرۋى كەرەك. جياڭسۋ اۋىل - قىستاقتى جاپپاي گۇلدەندىرۋ جانە قالا مەن اۋىلدىڭ توعىسپالى دامۋىن ىلگەرىلەتۋ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ سياقتى جاقتارعا ۇزدىكسىز كۇش سالىپ، نەگىزدىك، جالپىعا ءتيىمدى، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن كۇشەيتۋى جانە بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشۋ جاعىندا كوبىرەك ناقتى ىستەر ىستەپ، قوعامدىق قامتاماسىزداندىرۋ جۇيەسىن كەمەلدەندىرۋ، نەگىزگى الەۋمەتتىك قىزمەت وتەۋدىڭ بىركەلكىلىگىن كۇشەيتۋ جاعىندا تاعى دا تىڭ ورەگە كوتەرۋى كەرەك. اسىرەسە، جۇمىستانۋ سىندى وسى ەڭ نەگىزگى حالىق تۇرمىسىن مىقتى يگەرۋ كەرەك. قالا مەن اۋىلدىڭ رۋحاني وركەنيەت قۇرىلىسىن تەرەڭدەتىپ، مادەنيەت ونىمدەرىمەن جانە قىزمەت وتەۋمەن قامداۋدى ساپالىلاندىرىپ، مادەنيەت ارقىلى ەكونوميكانى، قوعامدى دامىتۋ كەرەك.

شي جينپيڭ بىلاي دەپ اتاپ كورسەتتى: ەكونوميكادا ۇلكەن ولكە ۇلكەن تىرەكتى ارقالاۋدا، ءسوز جوق، پارتيانىڭ جاپپاي باسشىلىعىنا تاباندى بولىپ، جوعارى ساپالى پارتيا قۇرىلىسى ارقىلى جوعارى ساپالى دامۋعا جەتەكشىلىك ەتۋ كەرەك. ءار دارەجەلى پارتيا ۇيىمدارى ساياسي فۋنكتسيا مەن ۇيىمدىق فۋنكتسيانى كۇشەيتىپ، قالىڭ پارتيالى كادرلار اۋىر جۇكتى جۇرەكتىلىكپەن ارقالاپ، ءورىس اشا العا ىلگەرىلەپ، شىندىققا جۇگىنىپ، ناقتى ءىس ىستەۋ، شىنايى يگەرىپ، ناقتى ىستەۋ ستيلى جانە ەرەجەگە، تارتىپكە بويسۇنۋ، پاك، كىرشىكسىز بولۋ وبرازى ارقىلى حالىق بۇقاراسىن ىنتىماقتاستىرىپ جانە باستاپ، ەكونوميكالىق، قوعامدىق دامۋدىڭ جاڭا جاعدايىن ۇزدىكسىز اشۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي قاتىناستى.

مۋ حۇڭ قاتارلىلار قاتىناستى.

كەلۋ قاينارى: حالىق تورابى