كوكتەمدە ءۇمىت ۇشقىنى كورىندى (ەكى ماجىلىستە) 

3 ـ ايدىڭ 6 ـ كۇنى تۇستەن بۇرىن، بەيجيڭ حالىق قۇرىلتايى سارايىنداعى شيزاڭ زالىندا، 14 – كەزەكتى مەملەكەتتىك حالىق قۇرىلتايى 3 – ماجىلىسىنە قاتىناسقان شيزاڭ ۋاكىلدەر ۇيىرمەسىنىڭ اشىق ۇستالاتىن ۇيىرمەلىك گرۋپپالار ماجىلىسىندە تالقى بارعان سايىن قىزا ءتۇستى. ءسوز كەزەگىنە شىققاندار ەڭ كوپ اۋىزعا العان ءسوز ”ديڭرى اۋدانىندا تۋىلعان جەر سىلكىنىسى“ بولدى. جەر سىلكىنگەنىنە ەكى ايدان اسقان ساتتە، اپاتتان كەيىنگى قالپىنا كەلتىرۋدىڭ، قايتا كوركەيتۋدىڭ اياق الىسى قانداي؟

”كەشە بۇكىل قالاداعى اپاتقا ۇشىراعان 243 مەكتەپتە وقۋ باستاپ، ساباقتى قالپىنا كەلتىرۋ ىسكە اسىرىلدى“. رىكازى قالالىق پارتكومنىڭ ورىنباسار شۋجيى، قالا باستىعى ۋاڭ فاڭحۇڭ ۋاكىل: ”10 – ايدىڭ سوڭىنان بۇرىن، اپاتقا ۇشىراعان جۇرتشىلىقتىڭ حاۋىپسىز دە جايلى جاڭا ۇيگە كوشىپ كىرۋىنە كۇش سالامىز“ دەگەن قۋانىشتى حاباردى جەتكىزدى.

”مەندە ساۋلە شاشامىن، نۇرلانار بولاشاق، سەن باردا سەزىندىم مەيىرىم...“ 3 –ايدىڭ 5 – كۇنى ۋاكىلدەر بەيجيڭدە ماجىلىسكە قاتىناسقان كەزدە، چومولاڭمانىڭ ەتەگىندەگى ديڭرى اۋدانىنداعى ورتا، باستاۋىش مەكتەپ وقۋشىلارى «بولاشاقتى نۇرلاندىرايىق» دەگەن ءاندى شىرقاپ، وقۋ باستاۋ بارىسىنداعى ءبىرىنشى ساباققا قاتىناستى. دەنە تاربيە الاڭىندا چۇيلو اۋىلىنان كەلگەن اپاتقا ۇشىراعان وقۋشىلار ديڭرى اۋداندىق 2 ـ باستاۋىش مەكتەپتىڭ وقىتۋشى ـ وقۋشىلارىمەن بىرگە راديو گيمناستيكاسىن وينادى. 2 – جىلدىق وقۋشىسى سوجىن ساڭمۋ جانارىنان نۇر ويناپ: ”تاماعىمىز توق، جاتاعىمىز جىلى. بۇل جەردە مەن جاقسى وقيمىن“ دەدى.

سامال جەل ەسكەن بەيجيڭنىڭ كوكتەمى شۋاقتى؛ مىڭ شاقىرىم شالعايداعى ديڭرى اۋدانىندا كوكتەمنىڭ اياق الىسى بارعان سايىن جاقىنداي ءتۇستى. كوكتەمدە ءۇمىت ۇشقىنى كورىندى.

كەلۋ قاينارى: حالىق تورابى