باتىس بولىك جونىندەگى ماڭىزدى حابار! تۇڭعىش رەت 4 تريلليون يۋاننان استى! 

كەدەن باس باسقارماسىنىڭ حابارىنا قاراعاندا، 2024 – جىلى ەلىمىزدىڭ باتىس بولىگىندەگى 12 ولكە، اۆتونوميالى رايون، توتە قاراستى قالانىڭ زات ساۋداسى جاعىنداعى يمپورت – ەكسپورتى تۇڭعىش رەت 4 تريلليون يۋاننان اسىپ، 4 تريلليون 500 ميلليارد يۋانعا جەتىپ، سايكەستى مەزگىلدەگىدەن %8.3 ارتقان.

2 - ايدىڭ 28 - كۇنى باتىس بولىكتەگى قۇرلىق پەن تەڭىزدەگى جاڭا ارنانىڭ ماڭىزدى تورابى − چىڭدۋ تەمىر جول شەكارا وتكەلىندە تۇرلىشە كاسىپورىنداردان كەلگەن ءبىر توپ ەلەكتروندىق ونىمدەردى كەدەننەن وتكىزۋدە ”الدىمەن تەكسەرۋ، ونان سوڭ تيەۋ – تاسۋ“ سىندى جاڭاشا ءتاسىل قولدانىلىپ، جوعارى ونىمدىلىكپەن قوراپتاپ، كەدەننەن وتكىزۋ ۋاقىتى %50 قىسقارتىلىپ، زات اينالىمىنىڭ وزىندىك قۇنى %20 ازايتىلعان، كەدەننەن وتكىزىلگەننەن كەيىن، بۇل زاتتار جۇڭگو - ەۆروپا كەزەكشى پويەزىمەن 12 كۇندە مەجەلى جەر پولشاعا توتە جەتكىزىلەدى، جولعا كەتەتىن ۋاقىت ءداستۇرلى تەڭىز تاسىمالىمەن سالىستىرعاندا 20 نەشە كۇن قىسقارادى.

اشىق ارنادا جاڭا قارقىن جارىققا شىقتى، قازىر باتىس بولىكتەگى قۇرلىق پەن تەڭىزدەگى جاڭا ارنالىق زات اينالىمى تورابى 125 مەملەكەت پەن رايوندى قامتىپ، زات اينالىمىنىڭ ونىمدىلىگىن كورنەكتى جوعارىلاتتى. تايلاندتىڭ ايداعار كوز جەمىسىن جيناپ الۋدان چۇڭچيڭگە جەتكىزۋگە دەيىن، ءداستۇرلى تەڭىز تاسىمالى مەن تاس جول تاسىمالىنا كەمىندە 10 كۇن ۋاقىت كەتەتىن، ال جۇڭگو ـ لاوس ـ تايلاند توڭازىتىپ تاسىمالداۋشى كەزەكشى پويەزى ارقىلى تەك 88 ساعاتتا جەتكىزىلەدى؛ سولتۇستىك شىعاناقتاعى چينجوۋ پورتىنان شىعىس وڭتۇستىك ازيا ەلدەرىنە توتە قاتىنايتىن تەڭىز جولى تورى دا بارعان سايىن جيىلەدى، چۇڭچيڭدە وندىرىلگەن اۆتوموبيل بولشەكتەرىن يندونەزياعا ەكسپورت ەتكەندە، تەمىر جول - تەڭىز جولى بىرلەسپە تاسىمالى ارقىلى گۋاڭشيدىڭ چينجوۋ پورتىنا اپارىلىپ سول ارادان ەكسپورت ەتۋگە كەتەتىن ۋاقىت شىعىس بولىكتەگى وڭىرلەردەن تەڭىز ارقىلى تاسىمالداناتىن ءداستۇرلى جولعا كەتەتىن ۋاقىتتان 10 نەشە كۇن قىسقارتىلىپ، زات اينالىمىنىڭ وزىندىك قۇنى تەڭ جارىمىنا جۋىق تومەندەدى.

كەلۋ قاينارى: حالىق تورابى