ەكى تاراۋ كەدەيلىكتەن ارىلعانداردىڭ جۇمىستانۋىنا كومەكتەسۋ قىزمەتىن ويداعىداي ىستەيدى 

جۇمىسشىلار گازەتىنىڭ ءتىلشىس لي دانچيڭ حابارلايدى. جۋىردا ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەن اۋىل شارۋاشىلىعى جانە اۋىل – قىستاق مينيسترلىگى كەدەيلىكتەن ارىلعانداردىڭ جۇمىس ورنىن ورنىقتىرىپ، ولاردى جۇمىستاندىرۋ قىزمەتى جونىندە بەينە ەكران ءماجىلىسىن اشىپ، كەدەيلىكتەن ارىلعانداردىڭ جۇمىستانۋىنا كومەكتەسۋ قىزمەتىندەگى تاجىريبەلەر مەن ادىستەردى قورىتىندىلاپ، كەزەكتە ءدوپ كەلىپ وتىرعان جاعدايلارعا، مىندەتتەرگە تالداۋ جاساپ، كەلەسى قادامداعى ءتۇيىندى قىزمەتتەردى ويداعىداي ىستەۋ جونىندە ورنالاستىرۋ جاسادى.

ماجىلىستە مىنالار اتاپ كورسەتىلدى: 2024 ـ جىلى جەر ـ جەر قايتا كەدەيلەسۋدىڭ الدىن الۋ، جۇمىسقا ورنالاستىرۋدان قامال الۋ ارەكەتىن ىشكەرىلەي ورىستەتىپ، جۇمىس ىستەيتىندەردىڭ سانىن ورنىقتىرىپ، ەڭبەكاقى كىرىسىن ارتتىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ جانە كەڭەيتۋ، اۋىل – قىستاقتى گۇلدەندىرۋدى جاپپاي ىلگەرىلەتۋ جاعىندا بەلسەندى ۇلەس قوسىپ، ەكونوميكانىڭ دامۋىنا، حالىق تۇرمىسىنىڭ جاقسارۋىنا، قوعامنىڭ ورنىقتىلىعىنا پارمەندى تىرەك ازىرلەدى.

ماجىلىستە مىنالار باسا دارىپتەلدى: بيىل كەدەيلىكتەن ارىلتۋدان قامال الۋ جاعىنداعى جەتىستىكتەردى بەكەمدەۋدىڭ جانە كەڭەيتۋدىڭ وتپەلى مەزگىلىنىڭ ەڭ سوڭعى جىلى. جۇمىسقا ورنالاستىرۋ بويىنشا كومەكتەسۋ ـ سۇيەمەلدەۋ قىزمەتىندەگى جاڭا نىسانانى، جاڭا تالاپتاردى، جاڭا سىن ـ سايىستاردى، جاڭا تۇيىندەردى ىشكەرىلەي يگەرىپ، ”ەكىنى ورنىقتىرۋ، ءبىردىڭ الدىن الۋ“ جاعىنداعى نىسانالىق مىندەتتەردى كوزدەپ، كوپ ارنالار ارقىلى جۇمىس ورنىن كەڭەيتۋدى كۇشەيتىپ، سىرت جەردە جۇمىس ىستەۋ مەن جاقىن ماڭدا جۇمىسقا ورنالاستىرۋدى ارقاۋ ەتە وتىرىپ، ەكى جاقتان كۇش سالۋ؛ جۇيەلى، سايكەستى كۇش سالۋدى كۇشەيتىپ، قىزمەت وتەۋدى، باۋلۋدى، ۇقىقتى قورعاۋدى ءبىر تۇلعالاندىرىپ ىلگەرىلەتۋ؛ جان ـ جاقتى بەيىمدەلىپ قولداۋ كورسەتۋدى كۇشەيتىپ، ءتۇيىندى ادامدار شوعىرىن، ءتۇيىندى وڭىرلەردى توڭىرەكتەي وتىرىپ، كۇش ـ قۋاتتى قامال الۋعا شوعىرلاندىرىپ، قايراتتى السىرەتپەۋ، سەرپىندى بوساڭسىتپاۋ كەرەك. جۇمىسقا ورنالاستىرۋ ارقىلى كومەكتەسۋ ـ سۇيەمەلدەۋ قىزمەتىنىڭ زاڭدىلىعى جونىندەگى تانىمدى تەرەڭدەتىپ، ءتۇرلى مىندەتتەردىڭ تياناقتانۋىن تىڭعىلىقتى ىلگەرىلەتىپ، وتپەلى مەزگىلدەن ورنىقتى ءوتۋدى، تارتىپپەن ۇشتاستىرۋدى جۇزەگە اسىرۋ كەرەك.

كەلۋ قاينارى: حالىق تورابى