وقۋ - اعارتۋدىڭ عىلىم - تەحنيكاعا جانە دارىندىلارعا تىرەك بولۋ رولىن كۇشەيتىپ، دارىندىلار توپ - توبىمەن شىعاتىن، اركىم ءوز قابىلەتىن تولىق ايگىلەيتىن، قابىلەتتەن تولىق پايدالاناتىن جاندى جاعداي قالىپتاستىرۋ كەرەك

3 - ايدىڭ 6 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك ساياسي كەڭەس 14 - كەزەكتى كوميتەتىنىڭ 3 - ماجىلىسىنە قاتىناسىپ جاتقان جۇڭگو دەموكراتيالىق وداعىنداعى، جۇڭگو دەموكراتيانى ىلگەرىلەتۋ قوعامىنداعى، وقۋ - اعارتۋ سالاسىنداعى مۇشەلەرگە امانداسا باردى ءارى بىرىككەن گرۋپپا ماجىلىسىنە قاتىناسىپ، پىكىر جانە ۇسىنىس تىڭدادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي امانداسا بارۋدا جانە تالقىدا بىرگە بولدى.

سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن

«حالىق گازەتى»، 3 – ايدىڭ 6 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 6 - كۇنى تۇستەن كەيىن مەملەكەتتىك ساياسي كەڭەس 14 - كەزەكتى كوميتەتىنىڭ 3 - ماجىلىسىنە قاتىناسىپ جاتقان جۇڭگو دەموكراتيالىق وداعىنداعى، جۇڭگو دەموكراتيانى ىلگەرىلەتۋ قوعامىنداعى، وقۋ - اعارتۋ سالاسىنداعى مۇشەلەرگە امانداسا باردى ءارى بىرىككەن گرۋپپا ماجىلىسىنە قاتىناسىپ، پىكىر جانە ۇسىنىس تىڭدادى. ول بىلاي دەپ باسا دارىپتەدى: جاڭا ءداۋىردىڭ جاڭا جورىعىندا، ءسوزسىز، جۇڭگو ۇلگىسىندەگى وسىزامانداندىرۋدىڭ وقۋ - اعارتۋعا، عىلىم - تەحنيكاعا، دارىندىلارعا بولعان قاجەتىن تەرەڭ يگەرىپ، وقۋ - اعارتۋدىڭ عىلىم - تەحنيكا مەن دارىندىلارعا تىرەك بولۋ رولىن كۇشەيتىپ، دارىندىلار توپ - توبىمەن شىعاتىن، اركىم ءوز قابىلەتىن تولىق ايگىلەيتىن، قابىلەتتەن تولىق پايدالاناتىن جاندى جاعدايدى ىشكەرىلەي قالىپتاستىرۋ كەرەك.

”8 - ناۋرىز“ حالىقارالىق ەڭبەكشى ايەلدەر مەرەكەسى قارساڭىندا شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان مەملەكەتتىك ەكى ماجىلىسكە قاتىناسىپ جاتقان ايەل ۋاكىلدەرگە، ايەل مۇشەلەرگە، ايەل قىزمەتكەرلەرگە، بۇكىل ەلدەگى ءار ۇلت، ءار سالا ايەلدەرىنە، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى، تايۋان رايونىنداعى ايەل باۋىرلاستارعا جانە شەتەلدەگى ايەل چياۋمين باۋىرلاستارعا مەرەكەلىك سالەم جولدادى جانە ىزگى تىلەك ءبىلدىردى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي امانداسا بارۋدا جانە تالقىدا بىرگە بولدى.

بىرىككەن گرۋپپا ماجىلىسىندە جاڭ يۇنكاي، ساي گۋاڭجيە، جىڭ جياجيان، شۇي كۇن، سۇي يالي، ما جيڭلين قاتارلى 6 مۇشە كاسىپتىك وقۋ - اعارتۋ مەن وڭىرلىك كاسىپ سالالارىنىڭ سايكەستى دامۋىن ىلگەرىلەتۋ، نەگىزدىك وقۋ - اعارتۋ بايلىعىن ورنالاستىرۋدى ساپالىلاندىرۋ، بالالاردىڭ، جاستار مەن ورەندەردىڭ كىتاپ وقۋ ەكولوگياسىن قالىپتاستىرۋ، مەملەكەتتىڭ وقۋ - اعارتۋ، اقىل - پاراسات تورابى قۇرىلىسىن ىلگەرىلەتۋ، وقۋ - اعارتۋ، عىلىم - تەحنيكا دارىندىلارىن ءبىر تۇلعالاندىرا دامىتۋدى ىلگەرىلەتۋ، مەكتەپتەردىڭ ساباعىن تياناق ەتىپ ءداستۇرلى مادەنيەتتى ساۋلەلەندىرۋ سياقتىلاردى ارقاۋ ەتىپ ءسوز سويلەدى.

كوپشىلىكتىڭ ءسوزىن تىڭداعاننان كەيىن شي جينپيڭ ماڭىزدى ءسوز سويلەدى. ول مىنالاردى ءبىلدىردى: كوپشىلىكپەن بىرگە تالقى جۇرگىزىپ، پىكىر - ۇسىنىس تىڭداعانىما توتەنشە قۋانىشتامىن. ول جۇڭگو كوممۋنيستىك پارتياسى ورتالىق كوميتەتى اتىنان ماجىلىسكە قاتىناسقان مۇشەلەرگە ءارى جۇڭگو دەموكراتيالىق وداعىنىڭ، جۇڭگو دەموكراتيانى ىلگەرىلەتۋ قوعامىنىڭ مۇشەلەرىنە جانە وقۋ - اعارتۋ سالاسىنداعى قايراتكەرلەرگە، قالىڭ ساياسي كەڭەس مۇشەلەرىنە شىنايى سالەم جولدادى.

شي جينپيڭ بىلاي دەپ اتاپ كورسەتتى: وتكەن ءبىر جىلدا حالىق ساياسي كەڭەسى وزەكتى مىندەتپەن تىعىز بايلانىستىرا وتىرىپ مىندەت اتقارىپ، جاۋاپكەرشىلىكتى ادا ەتىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى. جۇڭگو دەموكراتيالىق وداعىنىڭ، جۇڭگو دەموكراتيانى ىلگەرىلەتۋ قوعامىنىڭ ءار دارەجەلى ۇيىمدارى مەن قالىڭ مۇشەلەر نازاردى وزەكتى قىزمەتكە شوعىرلاندىرىپ، بەلسەنە اقىل - كەڭەس بەرىپ، قوعامدىق قىزمەت وتەۋگە ات سالىسىپ، ءتۇرلى قىزمەتتەردە تىڭ تابىستارعا قول جەتكىزدى. وقۋ - اعارتۋ سالاسىنداعى قالىڭ قايراتكەرلەر وقۋ - اعارتۋدا قۋاتتى ەل قۇرۋ قۇرىلىسىنا بەلسەنە ات سالىسىپ، ”بەس ءتۇرلى تاربيەنى“ قاتار جۇرگىزۋدە، ونەگە كورسەتىپ ادام تاربيەلەۋدە تىڭ قادام تاستاۋدى ىلگەرىلەتتى.

شي جينپيڭ بىلاي دەپ باسا دارىپتەدى: وقۋ - اعارتۋدا قۋاتتى ەل، عىلىم - تەحنيكادا قۋاتتى ەل، دارىندىلاردا قۋاتتى ەل قۇرۋدا، ءسوزسىز، دۇرىس مەكتەپ باسقارۋ بەتالىسىنا تاباندى بولىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن جەتىلدىرۋ كەرەك. نازاردى جاڭا ءداۋىر جۇڭگوشا سوتسياليزم يدەياسىمەن ادام تاربيەلەۋگە شوعىرلاندىرىپ، ءمورال تاربيەسىن اقىل - وي تاربيەسىنىڭ، دەنە تاربيەنىڭ، ەستەتيكالىق تاربيەنىڭ، ەڭبەك تاربيەسىنىڭ تۇتاس بارىسىنا ءسىڭىرۋ كەرەك. يدەيا - ساياسي نازاريا ساباعى قۇرىلىسىن جانە پارتيانىڭ جاسامپازدىق نازارياسىمەن قارۋلانۋدى قاتار ىلگەرىلەتۋگە، يدەيا - ساياسي نازاريا ساباعى مەن ساباقتاعى يدەيا - ساياسيدى قاتار ىلگەرىلەتۋگە تاباندى بولىپ، يدەيا - ساياسي تاربيەسى ”شاعىن ساباقحاناسى“ مەن قوعامدىق ”ۇلكەن ساباقحانانى“ ءونىمدى توعىستىرىپ، ءمورال تاربيەسى قىزمەتىن اناعۇرلىم تياناقتى، اناعۇرلىم ءونىمدى ىستەۋ كەرەك.

شي جينپيڭ بىلاي دەپ اتاپ كورسەتتى: جوعارى ساپالى وقۋ - اعارتۋ جۇيەسىن ورناتىپ، حالىق رازى بولاتىن وقۋ - اعارتۋدى ويداعىداي جۇرگىزۋدىڭ نەگىزى وقۋ - اعارتۋدىڭ جالپىلىق رەفورماسىن تەرەڭدەتۋدە. وقۋ - اعارتۋدى باعالاۋدىڭ عىلمي جۇيەسىن ورناتىپ، قولباسشىلىق تاياقشاسىنىڭ رولىن ءونىمدى ساۋلەلەندىرۋ كەرەك. مەكتەپ باسقارۋ جۇيەسىن كەمەلدەندىرىپ، مەكتەپتەردىڭ مەكتەپ باسقارۋ دەربەس ۇقىعىن تياناقتاندىرىپ، وقۋ - اعارتۋدى زاڭمەن باسقارۋ دەڭگەيىن ۇزدىكسىز جوعارىلاتۋ كەرەك. وسىزامانداندىرۋ قاجەتىن كوزدە ۇستاپ، حالىق سانى قۇرىلىمىنىڭ وزگەرىسىنە سايكەسىپ، نەگىزدىك وقۋ - اعارتۋدى، جوعارى دارەجەلى وقۋ - اعارتۋدى، كاسىپتىك وقۋ - اعارتۋدى ءبىر تۇتاس جوسپارلاپ، ۇكىمەتتىڭ ۇسىنىلىمى مەن قوعامدىق ۇسىنىلىمدى ءبىر تۇتاس جوسپارلاپ، ءتىپتى دە ۇيلەسىمدى، جوعارى ءونىمدى وقۋ - اعارتۋ بايلىعىن ۇلەستىرۋ مەحانيزىمىن قۇرۋ جانە كەمەلدەندىرۋ كەرەك.

شي جينپيڭ بىلاي دەپ باسا دارىپتەدى: عىلىم - تەحنيكادا دەربەس جاڭالىق اشۋ مەن دارىندىلاردى دەربەس تاربيەلەۋدىڭ ءتيىمدى ىقپالداستىعىن جۇزەگە اسىرۋدا وقۋ - اعارتۋدىڭ جەتەكشىلىك، نەگىزدىك تىرەكتىك رولىن اناعۇرلىم ساۋلەلەندىرۋ كەرەك. نەگىزدىك پاندەر مەن توعىسپالى پاندەردەن قامال الۋ جوسپارىن ويداعىداي اتقارىپ، مەكتەپ، كاسىپورىن، جەرگىلىكتى ورىن بىرلەسىپ جاڭالىق اشۋ تۇعىرىن ورناتىپ، عىلىم - تەحنيكا جەتىستىكتەرىن كادەگە جاراتۋ ونىمدىلىگىن جوعارىلاتۋ كەرەك. دارىندىلاردى تاربيەلەۋ ەكونوميكالىق، قوعامدىق دامۋدىڭ قاجەتىنە ۇيلەسۋ مەحانيزمىن كەمەلدەندىرىپ، دارىندىلاردى دەربەس تاربيەلەۋدىڭ ساپاسىن، ونىمدىلىگىن جوعارىلاتۋ كەرەك. مەملەكەتتىڭ وقۋ - اعارتۋدى سيفرلاندىرۋ ستراتەگياسىن اتقارىپ، ۇيرەنىمپاز قوعام قۇرىپ، ءتۇرلى تيپتەگى، ءار جىكتەگى دارىندىلاردىڭ باسەكەلەسە جارىققا شىعۋىن ىلگەرىلەتۋ كەرەك.

شي جينپيڭ بىلاي دەپ اتاپ كورسەتتى: وقۋ - اعارتۋدا قۋاتتى ەل، عىلىم - تەحنيكادا قۋاتتى ەل، دارىندىلاردا قۋاتتى ەل قۇرۋ − بۇكىل پارتيانىڭ، بۇكىل قوعامنىڭ ورتاق جاۋاپكەرشىلىگى. حالىق ساياسي كەڭەسى ارناۋلى كەڭەس قۇرىلىمىندىق رولىن تولىق ساۋلەلەندىرىپ، جۇرت تىلەگىن، ورتاق تانىمدى، اقىل - پاراساتتى، كۇش - قۋاتتى كەڭىنەن ۇيىستىرىپ، وقۋ - اعارتۋ، عىلىم - تەحنيكا، دارىندىلار ىستەرىنىڭ جوعارى ساپالى دامۋىن جەبەۋى كەرەك. جۇڭگو دەموكراتيالىق وداعىنىڭ، جۇڭگو دەموكراتيانى ىلگەرىلەتۋ قوعامىنىڭ قالىڭ مۇشەلەرى جانە وقۋ - اعارتۋ سالاسىنداعى قايراتكەرلەر ءوز ابزالدىقتارىن ساۋلەلەندىرىپ، وقۋ - اعارتۋ، عىلىم - تەحنيكا دارىندىلارى ءتۇزىلىس، مەحانيزمىن ءبىر تۇلعالاندىرۋ رەفورماسى مەن دامۋ امالياتىنا ات سالىسۋدى اناعۇرلىم ويداعىداي قولداپ، مەملەكەتتىڭ جاڭالىق اشۋ جۇيەسىنىڭ جالپى تۇلعالىق ونىمدىلىگىن جوعارىلاتۋعا اقىل - پاراساتتارى مەن كۇش - قۋاتتارىن ارناۋى كەرەك.

شى تايفىڭ، ديڭ جۇڭلي، ساي دافىڭ، حۋ چۇنحۋا، ۋاڭ دۇڭفىڭ، جياڭ شينجى، ۋاڭ گۋاڭچيان، جۋ يۇڭشين قاتارلىلار بىرىككەن گرۋپپا ماجىلىسىنە قاتىناستى.

كەلۋ قاينارى: حالىق تورابى