”قوعامدىق قىزمەتتى، ءسوز جوق، كۇشەيتۋ كەرەك“ (ەكى ماجىلىستەگى ناق مايدان بايقاۋى)

ۋاقىتى: 3 - ايدىڭ 5 – كۇنى تۇستەن كەيىن

كۇن ءتارتىبى: باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى

جيىن زالىنداعى سۇراۋعا جاۋاپ ”قوعامدى جونگە سالۋدىڭ“ ”مەملەكەتتى جونگە سالۋدى وسىزامانداندىرۋدى“ ارقاۋ ەتەتىندىگىن جاندى بەينەلەدى.

الەۋمەتتىك اۋماقتا 12 جىل ىستەگەن ۋاكىل لي شياۋنا نەگىزگى ساتى قىزمەتىنە بەس ساۋساعىنداي قانىق.

”الەۋمەتتىك اۋماقتارىڭىزدىڭ حالىق سانى قانشا؟“ باس شۋجي شي جينپيڭ ەگجەي - تەگجەيلى سۇرادى.

”7266 ادام بار، 5 تۇرعىندار شاعىن رايونىنان قۇرالعان. العاش كەلگەنىمدە نە ءبارى 3000 نەشە ادام عانا بولاتىن، قازىر ەكى ەسەلەندى“.

وسى بىرنەشە ساندى مالىمەتتى ەستىگەن باس شۋجي قاتتى اسەرلەنىپ: ”بۇرىنعى تۇرعىندار كوميتەتىنىڭ اسەرى ءبىرشاما شاعىن ەدى. الەۋمەتتىك اۋماق شۋجيى ’كوشەنىڭ زۇڭليى‘ ىسپەتتى، باسقاراتىن ىستەرى ەرەكشە كوپ، وڭاي ەمەس“ دەدى.

الەۋمەتتىك اۋماق − قالانى جونگە سالۋدىڭ نەگىزگى بىرلىگى. سان سالالى كاسىپ، سان مىڭداعان وتباسىلار ءىرى ەلدىڭ ۇلكەندىگىن، ءىرى ەلدىڭ اۋىر سالماعىن ايگىلەيدى. الەۋمەتتىك اۋماقتاعى سول ىستەر باس شۋجي شي جينپيڭنىڭ كوكەيىنەن كەتپەيدى.

قامقورلىقتىڭ ءبىر قىرى قارتتار مەن بالالارعا سايادى.

الدىمەن ”قارتتارعا“ توقتالايىق: ”قازىر قارتتار اسحاناسىن اشۋ ءبىرشاما جالپىلاسقان ءىس، ءبىراق بۇل ىستە تىم مۇددەشىلدىككە سالىنۋعا بولمايدى، ويتپەگەندە جالعاستىرۋ قيىن. جەرگىلىكتى جاعدايعا قاراي ىستەۋ، باياندى دامۋ كەرەك. سونىمەن بىرگە، قارتتارعا ۇيدە قىزمەت وتەۋدە شارالاردى كەمەلدەندىرىپ، ەرىكتىلەر قوسىنى قۇرىلىسىن كۇشەيتىپ، قارتتاردى كۇتىمدەۋ كاسىبىن ويداعىداي جەتىلدىرۋ كەرەك“.

ەندى ”بالالارعا“ كەلسەك: ”حالىق سانى قۇرىلىمىنا جانە بالالار باقشاسىنىڭ ساپاسىنا قاراي، قازىرگى بالالاردى اماناتتاۋ قىزمەت وتەۋىندە كەيبىر رايونداردا ءالى دە جەتپەۋ نەمەسە اسىپ قالۋ قۇبىلىسى ءومىر ءسۇرىپ وتىر، ونى ءىس جۇزىندىك جاعدايعا قاراي رەتتەپ كەمەلدەندىرۋ كەرەك. ءبىز بالالاردىڭ حاۋىپسىز، اقاۋسىز بولۋىن، اماناتتاۋ قىزمەت وتەۋشىلەرىنىڭ ارنايىلانۋىن، جاۋاپكەرشىلىك ارقالاۋىن ءۇمىت ەتەمىز، سونداي - اق وسى جاعىنداعى قۇرىلىس پەن باسقارۋدى كۇشەيتەمىز“.

قامقورلىقتىڭ ءبىر قىرى جاڭا جۇمىستانعان قاۋىمعا سايادى.

ساندى مالىمەتتەرگە قاراعاندا، بۇكىل ەل بويىنشا جاڭا جۇمىستانۋ كۇيىندەگى ەڭبەكشىلەر 84 ميلليون ادامعا جەتىپ، جۇمىسشى - قىزمەتكەرلەر جالپى سانىنىڭ %21 ىن ۇستاعان.

مۇنىڭ مىناداي ءبىر ارتقى كورىنىسى بار: پارتيا 20 - قۇرىلتايىنىڭ بايانداماسىندا ”قوعامدىق باسقارۋ جۇيەسىن كەمەلدەندىرۋ“ ورتاعا قويىلدى. 2023 - جىلى ورتالىق قوعامدىق قىزمەت ءبولىمى قۇرىلدى، جەر - جەردىڭ قوعامدىق قىزمەت ءبولىمى ىركەس - تىركەس قۇرىلدى؛ 2024 - جىلى ورتالىقتىڭ قوعامدىق قىزمەت ءماجىلىسى تۇڭعىش رەت اشىلدى. ”حالىققا پايدالى ءىستى، ءسوز جوق، گۇلدەندىرۋ كەرەك“.

”قوعامدىق قىزمەتتى، ءسوز جوق، كۇشەيتۋ كەرەك“. بۇل ءىس جونىندە باس شۋجي بىلاي دەپ اتاپ كورسەتتى:

”ءبىزدىڭ قوعامدىق توپتارىمىز جىكتەلىپ، اشالانىپ جاتىر، سوڭعى جىلدارى جارىققا شىققان جەدەل جەتكىزۋشى، ينتەرنەتتە كەلىسىلگەن اۆتوكولىك شوفەرى، ەلەكتروندىق ساۋدا كاسىپكەرلەرى سياقتىلاردى باسقارۋ، قىزمەت وتەۋ جاعىندا ىلەسىپ، وسى بوستىقتى تولتىرۋ كەرەك. باسقارۋ دا، قىزمەت وتەۋ دە بولۋى كەرەك“.

نەگىزگى ساتىنى شەبەرلىكپەن جونگە سالۋ ارقىلى جۇڭگونى جونگە سالۋدى بەكەمدەۋ كەرەك. ءماجىلىس الاڭىندا باس شۋجي شىن ىقىلاسپەن بىلاي دەپ تاپسىردى: ”نەگىزدىك، جالپىعا ءتيىمدى، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن كۇشەيتۋ جانە بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشۋ جاعىندا كوبىرەك ناقتى ءىس تىندىرۋ، قوعامدىق قامتاماسىزداندىرۋ جۇيەسىن اقاۋسىزداندىرۋ، نەگىزگى الەۋمەتتىك قىزمەت وتەۋدىڭ بىركەلكىلىگىن كۇشەيتۋ جاعىندا تاعى دا تىڭ ورەگە كوتەرۋ كەرەك“. حالىق ءۇشىن قىزمەت ىستەۋ قاسيەتى ءاربىر اۋىز سوزدەن بەينەلەنىپ جاتىر.

كەلۋ قاينارى: حالىق تورابى