جوعارى ساپالى دامۋ تالابىن تياناقتاندىرىپ، ارميامىز قۇرىلىسىنىڭ ”14 - بەسجىلدىق“ جوباسىن تابىسپەن اياقتاتۋ كەرەك

3 - ايدىڭ 7 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 14 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى ازاتتىق ارميا جانە قارۋلى ساقشى ءبولىمى ۋاكىلدەر ۇيىرمەسىنىڭ جالپى ماجىلىسىنە قاتىناستى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

شينحۋا اگەنتتىگى، 3 – ايدىڭ 7 – كۇنى، بەيجيڭ (تىلشىلەر مەي شىشيۇڭ، مەي چاڭۋەي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 7 - كۇنى تۇستەن كەيىن 14 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى ازاتتىق ارميا جانە قارۋلى ساقشى ءبولىمى ۋاكىلدەر ۇيىرمەسىنىڭ جالپى ماجىلىسىنە قاتىناسقاندا بىلاي دەپ باسا دارىپتەدى: ارميامىز قۇرىلىسىنىڭ ”14 - بەسجىلدىق“ جوباسىن تابىسپەن اياقتاتۋ ارميا قۇرىلعاندىعىنىڭ 100 جىلدىعى كۇرەس نىساناسىن ۋاعىندا ىسكە اسىرۋدا، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە كەلەلى ماڭىز الادى. سەنىمدى بەكەمدەپ، سىن – سايىسقا بەتپە – بەت كەلىپ، جوعارى ساپالى دامۋ تالابىن تياناقتاندىرىپ، بەلگىلەنگەن نىسانا - مىندەتتەردى ۋاعىندا ورىنداۋ كەرەك.

ماجىلىستە جوۋ گاڭ، لي دۇڭ، فىڭ يان، جىڭ يۋانلين، سۇي داۋحۋ، ليۋ شۋۋەي قاتارلى 6 ۋاكىل ىلگەرىندى - كەيىندى ءسوز سويلەپ، قارۋ - جاراقتى سىناق ەتۋ، ساراپتاۋ بايلىعىن ءبىر تۇتاس جوسپارلاۋ، جوسپار اتقارۋ باسقارۋىندا جاڭالىق اشۋ، قاراجاتتان پايدالانۋدى باسقارۋ ونىمدىلىگىن جوعارىلاتۋ، اسكەري ونەركاسىپ ءوندىرىس قۋاتىن قامتاماسىزداندىرۋدى كۇشەيتۋ، مەملەكەت قورعانىسى شەبى ينجەنەريا قۇرىلىسىن ىلگەرىلەتۋ، جاڭادان گۇلدەنگەن سالالارداعى بايلىقتان ويداعىداي پايدالانۋ سياقتىلار جونىندە جەكە - جەكە ۇسىنىس - پىكىر بەردى.

ۋاكىلدەردىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: ارميامىز قۇرىلىسىنىڭ ”14 - بەسجىلدىق“ جوباسى اتقارىلعان 4 جىلدان استام ۋاقىتتان بەرى ءبىر قىدىرۋ كەلەلى تابىسقا قول جەتكىزدى، سونىمەن بىرگە، كوپتەگەن قايشىلىق جانە ماسەلەلەرگە دە ءدوپ كەلدى. قارقىن مەن ساپانىڭ، وزىندىك قۇن مەن ونىمدىلىكتىڭ، جالپى جاعداي مەن ماڭىزدى ءتۇيىننىڭ، دامۋ مەن باقىلاپ باسقارۋدىڭ، جوسپاردى اتقارۋ مەن قابىلەتتىڭ قالىپتاسۋىنىڭ قاتىناسىن ويداعىداي ءبىر جاقتى ەتىپ، جوعارى ساپالى، جوعارى ءونىمدى، وزىندىك قۇنى تومەن، باياندى دامۋ جولىمەن ءجۇرىپ، قۇرىلىس جەتىستىكتەرىنىڭ تاريح پەن ناقتى سوعىستىڭ سىنىنان وتۋىنە شىنايى كەپىلدىك ەتۋ كەرەك.

شي جينپيڭ بىلاي دەپ اتاپ كورسەتتى: جوسپاردى اتقارۋ بارىسىنداعى بوگەتتەردى، كەدەرگىلەردى جەدەل شەشىپ، تاراۋلار، سالالار، ارميا مەن جەرگىلىكتى ورىندار اتتاعان ءبىر تۇتاس جوسپارلاۋدى كۇشەيتىپ، ساياساتتان پايدالانۋ مەن قامداۋدى كۇشەيتىپ، ساياساتتىق بەتالىس پەن قىزمەت باعىتىنىڭ بىردەيلىگىن كۇشەيتىپ، جوسپاردى اتقارۋ تىزبەگىن بار كۇشپەن ىركىلىسسىزدەندىرۋ كەرەك. وسى زامانعى باسقارۋ تانىمى مەن ءادىس - امالىنان شەبەرلىكپەن پايدالانىپ، ستراتەگيالىق باسقارۋ ءتۇزىمى مەحانيزمىن ۇزدىكسىز كەمەلدەندىرىپ، جوسپاردى اتقارۋدىڭ جۇيەلىلىگىن، تۇتاس تۇلعالىعىن، سايكەسىمدىلىگىن كۇشەيتۋ كەرەك. ارميانى ۇقىپتىلىقپەن، ۇنەمشىلدىكپەن قۇرۋعا تاباندى بولىپ، مەملەكەت قورعانىسى بايلىعى ۇسىنىلىم باعىتى مەن ۇسىنىلىم مولشەرىن عىلمي ورنالاستىرىپ، قاراجاتتى پايدالانۋدىڭ دالدىگى مەن ونىمدىلىك قاراجاتىنىڭ سالىستىرماسىن جوعارىلاتۋ كەرەك.

شي جينپيڭ بىلاي دەپ اتاپ كورسەتتى: ارميامىز قۇرىلىسىنىڭ ”14 - بەسجىلدىق“ جوباسىنداعى نىسانا - مىندەتتەردى ورىنداۋ مەملەكەتتىڭ ەكونوميكالىق، قوعامدىق دامۋ ۇلكەن جۇيەسىنىڭ تىرەك بولۋىنان ايرىلا المايدى. ارميا مەن جەرگىلىكتى ورىننىڭ بىرىككەن كۇشىن نىعايتىپ، جەرگىلىكتى ورىننىڭ ابزالدىققا يە كۇشى مەن بايلىعىنان ويداعىداي پايدالانىپ، ارميامىز قۇرىلىسىنىڭ ساپاسى مەن ونىمدىلىگىن جوعارىلاتۋ كەرەك. ەلىمىزدىڭ جاڭاشا وندىرگىش كۇشتەرىنىڭ قارىشتاپ دامۋ ورايىن مىقتى يگەرىپ، جاۋىنگەرلىك قۋات قۇرىلىسى مەن پايدالانۋ ۇلگىسىندە جاڭالىق اشىپ، وزىق تەحنيكاعا قاعىلەزدىكپەن ءۇن قوسۋ جانە ونى جەدەل پايدالانۋ مەحانيزمىن اقاۋسىزداندىرىپ، جاڭاشا جاۋىنگەرلىك قۋاتتى جەدەل دامىتۋ كەرەك.

شي جينپيڭ بىلاي دەپ باسا دارىپتەدى: جوبانى اتقارۋدىڭ تۇتاس بارىسىن ارنايىلاندىرىپ باعالاۋدى ورىستەتىپ، دامۋ ساپاسىن، قۇرىلىس ونىمدىلىگىن، جۇيەلىك سوعىس جۇرگىزۋ قابىلەتىن باعالاۋ كەرەك. باقىلاپ باسقارۋدى اناعۇرلىم كورنەكتى ورىنعا قويىپ، كەمەلدى، ءونىمدى باقىلاۋ - باسقارۋ جۇيەسىن ورناتىپ، توعىسپالى باقىلاۋدى، بىرلەسىپ قازىنالىق باقىلاۋدى كۇشەيتىپ، شىرىكتەسۋ ماسەلەلەرىن ىشكەرىلەي تەكسەرىپ ءبىر جاقتى ەتۋ كەرەك. باقىلاۋ - باسقارۋدىڭ جوبانى اتقارۋعا قىزمەت وتەۋ جانە جەبەۋ فۋنكتسياسىن اناعۇرلىم ويداعىداي ساۋلەلەندىرىپ، جوبانى ورىنداۋ ساپاسىنا، قابىلەتىنە، كىرشىكسىزدىگىنە كەپىلدىك ەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا ءماجىلىستى باسقاردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى حى ۋەيدۇڭ، ورتالىق اسكەري ىستەر كوميتەتىنىڭ مۇشەلەرى ليۋ جىنلي، جاڭ شىڭمين ماجىلىسكە قاتىناستى.

كەلۋ قاينارى: حالىق تورابى