جاڭالىق اشۋ − كومبەسى جوق ۇزاققا جۇگىرۋ (ءماجىلىس ناق مايدانى، ۋاكىلدەر ءدالىزى)

43 سەكۋندتا نە ىستەۋگە بولادى؟

”ءبىز 43 سەكۋندتا جاڭا ەنەرگيالى اۆتوموبيل تۇلعاسىن لازەر نۇرىمەن دانەكەرلەي الامىز. بۇل وسى كاسىپتەگى ەڭ تەز قارقىن سانالادى“. 3 - ايدىڭ 8 - كۇنى تۇستەن بۇرىن مەملەكەتتىك حالىق قۇرىلتايىنىڭ ۋاكىلى، حۋاگۇڭ عىلىم - تەحنيكاسىنىڭ پارتكوم شۋجيى، القا باستىعى ما شينچياڭ ”ۋاكىلدەر ارناسىنا“ شىعىپ، ءوز جاۋابىمەن ءبولىستى.

لازەر نۇرى − وسى زامانعى جاساۋ كاسىبىنىڭ شەشۋشى تەحنيكاسى، ”ءبىزدىڭ ۇستاپ جۇرگەن قول تەلەفونىمىزدىڭ، جۇرگىزىپ جاتقان اۆتوموبيلىمىزدىڭ %70 ۇساق بولشەكتەرى تۇگەلدەي لازەر نۇرى ارقىلى وڭدەپ جاسالادى“.

”20 نەشە جىلدىڭ الدىندا جۇڭگونىڭ جوعارى دەڭگەيلى لازەر نۇرىمەن مانەرلەۋ جابدىعى نەگىزىنەن يمپورت ەتۋگە سۇيەنەتىن“. ما شينچياڭ ەسكە الىپ بىلاي دەدى: ”ءبىر بۇراندا شەگەنى دە شەتەلدەن ساتىپ الۋعا تۋرا كەلەتىن“.

بۇراندا شەگە تۋدىرعان مازاسىزدىق ما شينچياڭعا، ءسوز جوق، ءوزىن الۋەتتەندىرۋ، كۇرەس جۇرگىزۋ جولىمەن ءجۇرۋ كەرەكتىگىن ەسكەرتتى. دەن قويا قامال الىپ، قايراتتانا العا ۇمتىلعان حۋاگۇڭ عىلىم - تەحنيكاسى اۆتوكولىكتى لازەر نۇرىمەن دانەكەرلەۋ جابدىعىن ءساتتى زەرتتەپ جاساپ، شەتەلدىڭ ۇقساس تۇردەگى ونىمدەرىنىڭ باعاسىن تومەندەتۋدى جەبەدى.

ناتيجەنىڭ استارىندا نەندەي سىر جاتىر؟

”عىلىم - تەحنيكادا جاڭالىق اشۋدىڭ جان تامىرىن ءوز قولىمىزدا مىقتاپ يگەرۋىمىز كەرەك“. ما شينچياڭ بىلاي دەدى: بۇگىن ءبىز جۇڭگونىڭ لازەر ساۋلەسى كاسىبى دۇنيە ءجۇزىنىڭ الدىڭعى لەگىنە ءوتتى دەپ سەنىممەن ايتا الامىز. ءبىراق جاڭالىق اشۋ − كومبەسى جوق ۇزاققا جۇگىرۋ“.

”قازىر ءبىز يمپورت ەتىلگەن ونىمدەردىڭ ورنىنا ءوزىمىز وندىرگەن جوعارى دارەجەلى لازەر نۇرى اسپاپتارىن قويىپ قعانا قالماي، ەكسپورتقا شىعارا باستادىق“. ما شينچياڭ بىلاي دەدى: حۋاگۇڭ عىلىم - تەحنيكاسىنىڭ ونىمدەرى جىلىنا %35 تىك ارتۋ جىلدامدىعىمەن بۇكىل دۇنيە جۇزىنە ساتىلۋدا، ”ءبىز ۇزدىكسىز جاپالى ەڭبەك ەتىپ، قيىن جولمەن ءجۇرىپ، تاعى دا تىڭ ابزالدىق جاراتىپ، جۇڭگونىڭ اناعۇرلىم كوپ جاساۋ كاسىپورىندارىنىڭ جوعارى دەڭگەيلى لازەر نۇرى جابدىقتارىنان پايدالانۋىنا مۇمكىندىك جاسايمىز“.

كەلۋ قاينارى: حالىق تورابى