بۇقارانىڭ تاماشا ءادىس - امالى حالىق تۇرمىسىنىڭ يگىلىگىنە اينالدى (ءماجىلىس ناق مايدانى، ۋاكىلدەر ءدالىزى)

”مەملەكەتكە اقىل - كەڭەس بەرىپ، حالىق بۇقاراسى ءۇشىن قىزمەت وتەپ، از - ازدان مىندەت اتقارۋ قىزمەتى بارىسىندا جالپى بارىستىق حالىق دەموكراتياسىن امالياتتا ايگىلەيمىز“. 3 - ايدىڭ 8 - كۇنگى ”ۋاكىلدەر دالىزىندە“ مەملەكەتتىك حالىق قۇرىلتايىنىڭ ۋاكىلى، شاڭحاي قالاسى چاڭنيڭ رايونى حۇڭچياۋ ءمالى باسقارماسى گۋبەي رۇڭحۋا 4 - تۇرعىندار رايونى پارتيا باس ياچەيكاسىنىڭ شۋجيى شىڭ حۇڭ وسىلاي دەدى.

2019 - جىلى 11 - ايدا باس شۋجي شي جينپيڭ حۇڭچياۋ ءمالى باسقارماسىندا قىزمەت تەكسەرگەندە، جالپى بارىستىق حالىق دەموكراتياسى سىندى كەلەلى ۇستانىمدى تۇڭعىش رەت العا قويدى.

”حالىق ۇنىنەن“ ”حالىق تۇرمىسىنا“ دەيىن، ”حالىق تىلەگىنەن“ ”حالىقتى رازى ەتۋگە“ دەيىن، جالپى بارىستىق حالىق دەموكراتياسىن نەگىزگى ساتىدا قالاي تەرەڭدەتۋ، ناقتىلاندىرۋ كەرەك؟

ءبىر رەتكى جاعداي ۇعىسۋ بارىسىندا كەيبىر تۇرعىنداردىڭ شىمين باقشاسىنىڭ جانىنداعى جاسىل جولدىڭ ەكى جاعىنان ەكى ەسىك اشىلسا دەگەندى ورتاعا قويادى، مۇنداي بولعاندا اينالىپ ءوتۋدىڭ قاجەتى جوق. وسى ماسەلەگە بايلانىستى شىڭ حۇڭ شاعىن رايوندا دەموكراتيالىق جولمەن پىكىر الۋدى ۇيىمداستىردى ءارى تولىق داۋىسپەن قۇپتاۋعا يە بولدى، سونىمەن بىرگە، قاتىستى ورىنداردى ۇسىنىس ەتىپ، جوبا جاساپ، ەڭ سوڭىندا ەڭ جاقسى شەشىمدى تاۋىپ، قورعاندى بۇزىپ، جاياۋلار جولىن اشتى.

”دەموكراتيالىق ءتاسىل ارقىلى حالىق تۇرمىسىنداعى قيىن ماسەلەلەردى شەشۋدە كوپشىلىكتىڭ حالىق تۇرمىسىنداعى ناقتى ىستەردى ورتاعا قويۋشى، وعان قاتىناسۋشى جانە ودان يگىلىكتەنۋشى بولۋىن ءۇمىت ەتەمىن“ دەدى شىڭ حۇڭ.

2015 - جىلى 7 – ايدا مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتى حۇڭچياۋ ءمالى باسقارماسىنان نەگىزگى ساتى زاڭ شىعارۋ بايلانىس ءتۇيىنىن قۇردى. بۇل كۇندە نەگىزگى ساتى زاڭ شىعارۋ بايلانىس تۇيىندەرىندەگى ينفورماتسيا قىزمەتكەرلەرىنىڭ قاتىناسۋ قىزعىندىلىعى بارعان سايىن جوعارىلاپ، پىكىرگە قۇلاق اسۋ كولەمى دە بارعان سايىن كەڭەيدى.

”كوپتىڭ ءىسىن كوپشىلىك اقىلداسادى، اناعۇرلىم كوپ بۇقارانىڭ تاماشا ءادىس - امالىن حالىق تۇرمىسىنىڭ يگىلىگىنە اينالدىرۋدى ءۇمىت ەتەمىن“ دەدى شىڭ حۇڭ.

كەلۋ قاينارى: حالىق تورابى