تۇرعىن ءۇي جانە قالا – اۋىل قۇرىلىسى مينيسترلىگىنىڭ مينيسترى: ”جاقسى ۇيلەردى“ سالىپ، ونى كۇش سالا جالپىلاستىرامىز 

تۇرعىن ءۇي جانە قالا – اۋىل قۇرىلىسى مينيسترلىگىنىڭ مينيسترى ني حۇڭ 3 – ايدىڭ 9 – كۇنى 14 – كەزەكتى مەملەكەتتىك حالىق قۇرىلتايى 3 – ماجىلىسىندەگى حالىق تۇرمىسى تاقىرىبىنداعى تىلشىلەردى قابىلداۋ ماجىلىسىندە مىنانى ءبىلدىردى: ۇكىمەت قىزمەتىنەن باياندامادا حالىق جۇرتشىلىعىنىڭ جوعارى ساپالى قونىستانۋ قاجەتىنە سايكەسىپ، ولشەمدى كەمەلدەندىرىپ، حاۋىپسىز، جايلى، جاسىل، پاراساتتى ”جاقسى ءۇي“ سالۋدى ىلگەرىلەتۋ كەرەك دەپ اتاپ كورسەتىلگەن. تۇرعىن ءۇي جانە قالا – اۋىل قۇرىلىسى مينيسترلىگى بۇل قىزمەتتى تياناقتاندىرۋدى ءتۇيىندى تۇردە 3 ءتۇرلى جاقتان مىقتى ۇستايدى.

بىرىنشىدەن، ولشەم ورناتۋ. جۋىردا تۇرعىن ءۇي جانە قالا – اۋىل قۇرىلىسى مينيسترلىگى ”جاقسى ءۇي“ سالۋ باعدارناماسىن جاساۋدا، تۇرعىن ءۇي نىسانىنىڭ ولشەمىنە دە وزگەرىس ەنگىزۋدە، مۇنىڭ ىشىندە، تۇرعىن ءۇيدىڭ ءار قاباتىنىڭ بيىكتىگىنە قويىلاتىن شەكتەمە جوعارىلاتىلىپ، 3 مەتردەن تومەن بولماۋى كەرەك دەپ بەلگىلەنگەن.

ەكىنشىدەن، عىلىم - تەحنيكانى كۇشەيتۋ. ءبىر جاعىنان، حالىققا ءتيىمدى قولدانىلمالى جاڭا تەحنيكالاردى، جاڭا ماتەريالداردى، جاڭا تەحنيكالىق شەبەرلىكتەردى، جاڭا ونىمدەردى كۇش سالا جالپىلاستىرىپ، دىبىستى توسۋى جاقسى بولماۋ، سۋ وڭاي ءوتۋ، سىزاتتانعىش، جاعىمسىز ءيىس شىعۋ قاتارلى كوپشىلىك كوڭىل ءبولىپ وتىرعان ماسەلەلەردى كۇش سالا شەشەدى. ەندى ءبىر جاعىنان، تۇتاس ءۇيدى زەردەلى ەتىپ جاساۋدى بەلسەندىلىكپەن جالپىلاستىرادى.

ۇشىنشىدەن، نىسانداردى يگەرۋ. قالالار مەن كاسىپورىنداردىڭ ”جاقسى ءۇي“ سالۋىن ىلگەرىلەتىپ، ”جاقسى ءۇي“ سالۋدى كۇش سالا جالپىلاستىرادى.

كەلۋ قاينارى: حالىق تورابى