مەملەكەتتىك ساياسي كەڭەس 14 - كەزەكتى كوميتەتىنىڭ 2 - ءماجىلىسى ءۇشىنشى جالپى جيىنىن وتكىزدى

شينحۋا اگەنتتىگى، 3 - ايدىڭ 9 - كۇنى بەيجيڭ. مەملەكەتتىك ساياسي كەڭەس 14 - كەزەكتى كوميتەتىنىڭ 3 - ءماجىلىسى 3 - ايدىڭ 9 - كۇنى تۇستەن بۇرىن حالىق سارايىندا ءۇشىنشى جالپى جيىنىن وتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ جيىنعا قاتىناستى. ساياسي كەڭەستىڭ 14 مۇشەسى جيىندا ءسوز سويلەدى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى لي شۋلەي، مەملەكەتتىك كەڭەستىڭ مۇشەسى، قوعام حاۋىپسىزدىگى مينيسترلىگىنىڭ مينيسترى ۋاڭ شياۋحۇڭ، سونداي - اق جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا جيىنعا قاتىناسىپ، سوزدەردى تىڭدادى.

مۇشە گى حۇيجۇن سوزىندە بىلاي دەدى: باس شۋجي شي جينپيڭنىڭ جۇڭگو حالىق ساياسي ءماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى حالىق ساياسي كەڭەس ىستەرىنىڭ دامۋىنا العا باسۋ بەتالىسىن كورسەتىپ، ءتۇبىرلى تياناق ازىرلەدى. ساياسي كەڭەس مۇشەلەرى مىندەت وتەۋ قابىلەتى قۇرىلىسىن ۇزدىكسىز كۇشەيتىپ، يدەيالىق - ساياسي جاقتان جەتەكشىلىك ەتۋ قابىلەتىن جوعارىلاتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى ارقاۋ ەتىپ، ۇكىمەت ىسىنە اقىل - كەڭەس بەرۋ قابىلەتىن، بۇقارامەن بايلانىس جاساۋ، قىزمەت وتەۋ قابىلەتىن جانە مەملەكەتتى قۇدىرەتتەندىرۋ قۇرىلىسىنىڭ، ۇلتتىڭ گۇلدەنۋىنىڭ ەڭ ۇلكەن سەنترلەس شەڭبەرىن ويداعىداي سىزۋ قابىلەتىن جوعارىلاتىپ، ۇلى ءىستى بىرگە كوركەيتۋدىڭ، شۇعىلالى ناتيجە جاراتۋدىڭ جويقىن كۇش - قۋاتىن كەڭىنەن توپتاۋى كەرەك.

مۇشە چىڭ حۇڭ جۇڭگو دەموكراتيالىق وداعى ورتالىق كوميتەتى اتىنان ءسوز سويلەپ بىلاي دەدى: زاڭ بويىنشا اكىمشىلىك جۇرگىزۋدى ىشكەرىلەي ىلگەرىلەتىپ، شارۋاشىلىق - ساۋدا ورتاسىن ساپالىلاندىرىپ، ءتۇرلى شارۋاشىلىق تۇلعالارى اراسىنداعى ءادىل باسەكەنى قامتاماسىز ەتىپ، ءار ءتۇرلى مەنشىكتەگى كاسىپورىنداردىڭ دامۋىن، زورايۋىن بارىنە بىردەي ءمان بەرىپ قولداپ، اكىمشىلىك قىزمەت وتەۋدى ولشەمدەندىرۋدى، ارناعا ءتۇسىرۋدى، قولايلىلاندىرۋدى ىلگەرىلەتىپ، اكىمشىلىك باسقارۋ ونىمدىلىگىن جوعارىلاتىپ، ءتۇرلى مەنشىكتەگى شارۋاشىلىقتىڭ ابزالدىقتارىمەن ءبىرىن - ءبىرى تولىقتاۋىن، بىرگە دامۋىن جەبەۋدى ۇسىنىس ەتەمىن.

مۇشە تۋ حايميڭ ءسوز سويلەپ بىلاي دەدى: تاياۋ جىلداردان بەرگى شياڭگاڭنىڭ قۋانارلىق وزگەرىسى جۇرتقا ايان، اماليات وتان ماڭگى شياڭگاڭنىڭ بەرىك تىرەگى ەكەنىن قايتا - قايتا دالەلدەدى. جاڭا باستامادا تۇرىپ، جاڭا بورىشتى اتقارۋ ءۇشىن، ”ءبىر ەل، ەكى ءتۇزىم“ امالياتتىق تاربيەسىن تەرەڭدەتىپ، جاۋاپكەرشىلىك ارقالاۋدى كۇشەيتىپ، مادەنيەت سەنىمى مەن مەملەكەت تانىمىن ۇزدىكسىز جوعارىلاتىپ، ورتاق تانىم ۇيىستىرىپ، بىرىككەن كۇش توپتاپ، ”ءبىر ەل، ەكى ءتۇزىم“ امالياتىنىڭ نىق قاداممەن ۇزاققا جالعاسۋىن تىزە قوسا ىلگەرىلەتۋ كەرەك.

مۇشە چىن جۇن تايۋان دەموكراتيالىق اۆتونوميا وداعى ورتالىق كوميتەتى اتىنان ءسوز سويلەپ بىلاي دەدى: ۇشان - تەڭىز جۇڭحۋا مادەنيەتى − ەكى جاعالاۋداعى باۋىرلاستاردىڭ ورتاق تامىرى جانە جانى. ەكى جاعالاۋدىڭ مادەنيەت اۋىس - كۇيىسى مەن سەلبەستىگىنە بەلسەندىلىكپەن مىعىم دا كەڭ تۇعىر ازىرلەپ، ەكى جاعالاۋداعى باۋىرلاستاردىڭ ەكى جاعالاۋدىڭ تاريحىن، مادەنيەتىن، قانداستىعىن تەرەڭ سەزىنۋىنە مۇمكىندىك جاساپ، جۇڭحۋا مادەنيەتى جونىندەگى سەنىمدى ونان ارى بەكەمدەپ، ۇلتتىق مۇراتتاستىقتى كۇشەيتىپ، كوڭىلدەردىڭ توعىسۋىن جەبەپ، ەكى جاعالاۋ قاتىناسىنىڭ بەيبىت دامۋ، توعىسپالى دامۋ سىندى حالىق رايى نەگىزىن بەكەمدەپ، وتاننىڭ بىرلىككە كەلۋىن ىلگەرىلەتۋدىڭ قۇدىرەتتى بىرىككەن كۇشىن ۇيىستىرۋدى ۇسىنىس ەتەمىن.

مۇشە ليۋ ياحۋاڭ سوزىندە بىلاي دەدى: ءتوراعا شي جينپيڭ بىلتىر 12 - ايدا اۋمىنعا بارىپ، ”ءبىر ەل، ەكى ءتۇزىمنىڭ“ كورنەكتى تۇزىمدىك ابزالدىعى مەن قۋاتتى ومىرشەڭدىك كۇشىن تەرەڭ ءتۇسىندىرىپ، بىزگە جاڭا كۇرەس كوورديناتاسىن سىزىپ بەردى. جاڭا داۋىردەگى اۋمىن دامۋ ورنىن ايقىنداپ، ەكونوميكانىڭ ۇيلەسىمدى كوپ نەگىزدى دامۋىن ىلگەرىلەتىپ، جونگە سالۋ جۇيەسىن ساپالىلاندىرىپ، ءتۇزىم، ەكونوميكا - ساۋدا، دارىندى سياقتى تۇعىرلاردى ويداعىداي قۇرىپ، جۇڭگو مەن باتىس وركەنيەتىنىڭ اۋىس - كۇيىس جاساۋ، ءوزارا ۇلگى الۋ تەرەزەسىن اشىپ، ”ءبىر ەل، ەكى ءتۇزىمنىڭ“ تابىستى امالياتىن ۇگىتتەپ، تانىستىرىپ، اۋمىن ەرەكشەلىگىندەگى ”ءبىر ەل، ەكى ءتۇزىم“ امالياتىنىڭ جاڭا ۇلى ناتيجەسىن ۇزدىكسىز جاراتۋى كەرەك.

مۇشە نيە شين پارتيادا، توپتا جوق قايراتكەرلەر اتىنان ءسوز سويلەپ بىلاي دەدى: ازاماتتاردىڭ زاڭمەن جونگە سالۋ ساپاسىن جوعارىلاتۋدا، زاڭمەن جونگە سالىناتىن قوعام قۇرىلىسىن ىلگەرىلەتۋدە، ءسوز جوق، زاڭمەن جونگە سالۋ ۇگىت - تاربيەسىنىڭ مازمۇنى مەن فورماسى جاعىندا جاڭالىق اشۋ كەرەك. كلاسسيكالىق مىسالدار مەن ماتەريالداردان تولىق پايدالانىپ، كينو، تەلە فيلم، قۇجاتتى فيلم، قىسقا كەسكىن سياقتى فورمالار ارقىلى زاڭمەن جونگە سالۋ حيكاياسىن ويداعىداي بايانداپ، جۇڭحۋانىڭ تاڭداۋلى ءداستۇرلى زاڭ مادەنيەتىندە قامتىلعان باي زاڭمەن جونگە سالۋ يدەياسى مەن تەرەڭ ساياسي اقىل - پاراساتتى قابىلداپ، جۇڭحۋانىڭ تاڭداۋلى ءداستۇرلى زاڭ مادەنيەتىنىڭ جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتۋدى ۇسىنىس ەتەمىن.

مۇشە سۇن يەلي سوزىندە بىلاي دەدى: مادەنيەت ونىمدەرىندە، ادەبيەت - كوركەمونەر تۋىندىلارىندا قاعيدانى تۇسىنىكتى تىلمەن ەگجەي - تەگجەيلى ءتۇسىندىرىپ، پارتيانىڭ جاڭالىق اشۋ نازارياسىنىڭ جۇرت جۇرەگىنە تەرەڭ ۇيالاۋىن ىلگەرىلەتۋ كەرەك؛ جۇڭحۋا ۇلتىنىڭ مادەنيەت نەگىزگى تۇلعالىق سيپاتىن اسقاقتاتىپ، ءار ۇلت ارا جۇرت جۇرەگىنىڭ توعىسۋىن، رۋحاني جاقتان ارقا سۇيەۋىن ىلگەرىلەتۋ؛ مادەنيەتتىڭ نارلەندىرۋ، دابىراسىز اسەر ەتۋ رولىن ويداعىداي ساۋلەلەندىرىپ، سوتسياليستىك وزەكتى قۇن كوزقاراسىن كوركەمونەرلەندىرۋ، وبرازداندىرۋ؛ مادەنيەتتىڭ حالىقارالىق اۋىس - كۇيىسكە، سەلبەستىككە دەم بەرۋدەگى ەرەكشە رولىن تولىق ساۋلەلەندىرىپ، باي مازمۇندى، الۋان ءتۇرلى مادەنيەت اۋىس - كۇيىسىن جان - جاقتى، كوپ ساتىلى ورىستەتۋ كەرەك.

مۇشە جاڭ گۋاڭحان سوزىندە بىلاي دەدى: مادەنيەت مۇرالارى شۇعىلالى وركەنيەتتى ارقالاپ، تاريحي مادەنيەتتى جالعاستىرىپ، ۇلت رۋحىن جالعاستىرۋدا، بۇل − قايتا تۋىندامايتىن، ورنىن وگەيسىتۋگە بولمايتىن باعالى بايلىق. مادەنيەت مۇرالارىن جاپپاي قورعاۋ جۇيەسىن جەدەل ورناتىپ، زاڭداردى، زاڭ - ەرەجەنى كەمەلدەندىرىپ، باقىلاۋ - باسقارۋ تاسىلىنە جاڭالىق ەنگىزىپ، جالپى حالىقتىڭ تانىمىن جوعارىلاتىپ، تۇتاس قوعام مادەنيەت مۇرالارىن جۇيەلى قورعاۋعا جانە ءبىر تۇتاس باقىلاۋ - باسقارۋعا بىرگە ات سالىسۋ، قولداۋ كورسەتۋ، ىلگەرىلەتۋ كەرەك.

مۇشە دۋ جانيۋان سوزىندە بىلاي دەدى: حالىقارالىق قوعامعا شي جينپيڭ جاڭا ءداۋىر جۇڭگوشا سوتسياليزم يدەياسىن كەڭ كولەمدە ۇگىتتەپ، تانىستىرىپ، جاڭا داۋىردەگى جۇڭگونىڭ رەفورماسى، دامۋى جونىندەگى حيكايالاردى جاقسى بايانداپ، جۇڭگو مەن شەتەلدىڭ گۋمانيتارلىق اۋىس - كۇيىسىن قولداپ، عىلىم - تەحنيكا قۋاتىنىڭ حالىقارادا تارالۋىن ىلگەرىلەتىپ، ەلىمىزدىڭ جالپىلىق مەملەكەت قۋاتى مەن حالىقارالىق ورنىنا ساي كەلەتىن مادەنيەت ىقپال كۇشىن قالىپتاستىرۋ كەرەك.

مۇشە جاڭ كۇن كوممۋنيستىك جاستار وداعى جانە جاستار بىرلەستىگى سالاسى اتىنان ءسوز سويلەپ بىلاي دەدى: جاستار جۇڭحۋانىڭ تاڭداۋلى ءداستۇرلى مادەنيەتىن جالعاستىرۋ، دامىتۋ، جۇڭحۋا وركەنيەتىن شىت جاڭا تۇسكە بولەۋدى ىلگەرىلەتۋ سىندى تاريحي كەلەلى مىندەتتى ارقالاپ وتىر. جاستاردىڭ ەرەكشەلىگىنە جاناسىپ، يدەيا، مادەنيەت ونىمدەرىمەن قامداۋدى كۇشەيتىپ، جاستاردىڭ رۋحاني مادەنيەت قاجەتىن اناعۇرلىم ويداعىداي قاناعاتتاندىرىپ، مادەنيەت زەرتتەۋ، جاسامپازدىق، تاراتۋ سياقتى جاقتارداعى جاس دارىندىلاردى كۇش سالا جەتىلدىرىپ، جۇڭحۋا مادەنيەتىنىڭ تامىرىن جالعاستىرىپ، جاڭا داۋىردەگى مادەنيەت بورىشىن اناعۇرلىم ويداعىداي ارقالاۋ كەرەك.

مۇشە سۇن ۋەي بىلاي دەدى: بۇگىنگى چاڭجياڭ ەكونوميكالىق بەلدەۋىندە جاسىل دامۋ ۇستانىمى جۇرت جۇرەگىنە تەرەڭ ۇيالادى. لاستانۋدان ساقتانۋ جانە ونى جونگە سالۋ مەن ەكولوگيانى قورعاۋدى بىردەي يگەرۋگە، ىسكەر ۇكىمەت پەن ءونىمدى بازاردىڭ قوس باعىتتا كۇش سالۋىنا، ۇستىنەن وڭاۋ مەن تۇبىرىنەن وڭاۋدى ءوزارا ۇشتاستىرۋعا تاباندى بولىپ، چاڭجياڭ ەكونوميكالىق بەلدەۋىنىڭ ەكولوگيالىق ورتاسىن قورعاۋدى كۇشەيتىپ، جوعارى ساپالى ەكولوگيالىق ورتا ارقىلى جوعارى ساپالى دامۋعا تىرەك بولۋ كەرەك.

مۇشە وۋياڭ زىحۋا جۇڭگو گومينداڭ توڭكەرىستىك كوميتەتى ورتالىق كوميتەتى اتىنان ءسوز سويلەپ بىلاي دەدى: ەنەرگيا تۇتىنۋ توڭكەرىسىن ىلگەرىلەتىپ، جاسىل تيپكە بۇرىلىس جاساپ دامۋدىڭ قوزعاۋشى قۋاتىن كۇشەيتۋدە زەردەلى ەنەرگيا پايدالانۋ تەحنيكاسىندا جاڭالىق اشۋدى جانە ونى جالپىلاستىرۋدى جەدەلدەتىپ، ەنەرگيادان پايدالانۋ ونىمدىلىگىن جوعارىلاتىپ، ءتۇيىندى سالالاردا ەنەرگيانى ۇنەمدەپ، كومىرتەگىن ازايتۋدى ىلگەرىلەتىپ، ەنەرگيا تۇتىنۋدىڭ وزىق تەحنيكاسىن، جابدىقتارىن جانە ۇلگىسىن ”سىرتقا شىعارۋعا“ قولداۋ كورسەتىپ، بۇكىل دۇنيە ءجۇزى كولەمىندەگى جاسىل ەنەرگيا تۇتىنۋ سەلبەستىگىن ىلگەرىلەتىپ، جاسىل ەنەرگيا تۇتىنۋدىڭ جاندانۋ دارەجەسىن جوعارىلاتىپ، جاسىل تۇتىنۋدى تۇرمىستىڭ جاڭا تاسىلىنە اينالدىرۋ كەرەك.

مۇشە جاۋ يىڭمين سوزىندە بىلاي دەدى: ەكولوگيالىق وركەنيەت ءتۇزىلىسى رەفورماسىن تەرەڭدەتىپ، ەكولوگيالىق ورتانى جونگە سالۋ جۇيەسىن اقاۋسىزداندىرۋدا كورىكتى جۇڭگو قۇرىلىسىنىڭ نىسانالارىنا، تالاپتارىنا تۋرالانىپ، ەكولوگيالىق ورتانى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن كوزدەي وتىرىپ، ساياساتتاعى اقتاڭداقتى كۇش سالا تولتىرىپ، تۇزىمدەگى ولقىلىقتاردى جەدەل تولىقتاپ، كومىرتەگىن تومەندەتۋدى، لاستانۋدى ازايتۋدى، جاسىل ءتۇستى كەڭەيتۋدى، ارتۋدى سايكەستى ىلگەرىلەتۋ كەرەك. كورىكتى جۇڭگو قۇرىلىسىن جاپپاي ىلگەرىلەتۋدى قۇدىرەتتى قوزعاۋشى كۇشپەن جانە تۇزىمدىك كەپىلمەن قامداۋ كەرەك.

مۇشە پۋ شىلۇڭ سوزىندە بىلاي دەدى: جاسىل، تومەن كومىرتەكتى كاسىپ سالالارىن دامىتۋ ”قوس كومىرتەگى“ نىساناسىن، كورىكتى جۇڭگو قۇرىلىسىن جانە ادام مەن تابيعات جاراسىمدى قاتار ءومىر سۇرەتىن جۇڭگو ۇلگىسىندەگى وسىزامانداندىرۋ قۇرىلىسىن جۇزەگە اسىرۋدا ماڭىزدى مانگە يە. نەگىزدىك زەرتتەۋ مەن قولدانىلمالى نەگىزدىك زەرتتەۋدى كۇشەيتىپ، جاسىل، تومەن كومىرتەكتى شارۋاشىلىقتىڭ دامۋىنا قاجەتتى جاڭالىق جاراتاتىن ۇزدىك دارىندىلاردى جەتىلدىرىپ، جاسىل، تومەن كومىرتەكتى شارۋاشىلىقتىڭ دامۋىنا ساياساتتىق قولداۋ كورسەتۋ جۇيەسىن اقاۋسىزداندىرىپ، بۇكىل ەل بويىنشا كومىرتەگى بازارىن قۇرۋدى جەدەلدەتىپ، بۇكىل ەل بويىنشا جىلىجايلاردىڭ ءوز ەركىمەن بىلعانىش شىعارۋدى ازايتۋ ساۋدا بازارى قۇرىلىسىن بەلسەنە ىلگەرىلەتىپ، تۇتاس قوعامنىڭ بىلعانىش شىعارۋدى دەربەس ازايتۋىنا جانە ەكولوگيالىق ونىمدەردىڭ قۇنىن جۇزەگە اسىرۋعا ءونىمدى قىزمەت وتەۋ كەرەك.

جيىندى مەملەكەتتىك ساياسي كەڭەس ءتوراعاسىنىڭ ورىنباسارى سۋ حۇي باسقاردى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، حى حوۋحۋا، لياڭ جىنيىڭ، باتىر، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن جيىنعا قاتىناستى.

كەلۋ قاينارى: حالىق تورابى