ءبىر – ەكى اۋىز سوزدەن حالىق اڭىسىنىڭ زور قۋاتى ايگىلەندى (e شولۋ) 

بيىلعى مەملەكەتتىك ەكى ءماجىلىس مەزگىلىندە، چىن جۇنچيڭ ەسىمدى 80 جاستاعى حۋناندىق قارت جۇرت نازارىن اۋداردى — ونىڭ تەمەكىنىڭ جىلتىراۋىق قاعازىنا جازعان ۇسىنىسى الەۋمەتتىك اۋماقتىڭ زاڭ شىعارۋ جاعىنداعى بايلانىس ءتۇيىنى ارقىلى دارەجە بويىنشا جوعارىعا جولدانعاننان كەيىن، ەڭ سوڭىندا قاتىستى ەرەجەلەرگە وزگەرىس ەنگىزۋدى جەبەدى، بۇل ەرەجە مەملەكەتتىك ەكى ءماجىلىستىڭ الدىندا رەسمي اتقارىلدى. جىلتىراۋىق قاعاز جەڭىل بولعانىمەن، حالىق اڭىسىنىڭ قۋاتى زور. 120 نەشە ارىپتىك ۇسىنىس جالپى بارىستىق حالىق دەموكراتياسىنىڭ ونىمدىلىگىن جانە مەيىرگە تولى ەكەنىن ايگىلەدى.

چىن جۇنچيڭ كاريانىڭ باسىنان وتكەن حيكايا سياقتى دەموكراتيالىق اماليات حيكايالارى نەگىزگى ساتىدا ءالى دە كوپ. شاڭحاي قالاسى چاڭنيڭ رايونى حۇڭچياۋ ءمالى باسقارماسىنىڭ نەگىزگى ساتىداعى زاڭ شىعارۋ جاعىنداعى بايلانىس ءتۇيىنىنىڭ كورمە زالىنداعى رەڭدى قابىرعادا 2015 - جىلدان بەرى تىڭدالعان 103 زاڭ جوباسىنا بايلانىستى حالىق تىلەگىن جيناۋ جاعدايى ەستەلىككە الىنىپ، الەۋمەتتىك اۋماقتاعى ”جاقسى امالداردى“ حالىق تۇرمىسىنداعى ناقتى ساياساتتارعا اينالدىرىپ، شەتەلدىك دوستاردى ”اسىلىندە جۇڭگونىڭ مەملەكەتتىك حالىق قۇرىلتايى ۋاكىلدەرى الەۋمەتتىك اۋماقتا قىزمەت ىستەيدى ەكەن عوي“ دەگىزىپ تاڭداي قاقتىردى. 2024 - جىلى مەملەكەتتىك كەڭەستىڭ قاتىستى تاراۋلارى ۋاكىلدەر مەن مۇشەلەر ورتاعا قويعان 5000 نان استام ۇسىنىس - پىكىردى قابىلداپ، 2000 نان استام قاتىستى ساياساتتار مەن شارالاردى ورتاعا قويىپ، رەفورما، دامۋ جانە حالىق بۇقاراسىنىڭ ءتول مۇددەسىنە ساياتىن ءبىر قىدىرۋ ءتۇيىندى، قيىن ماسەلەلەردى شەشۋدى پارمەندى ىلگەرىلەتتى. بۇل جالپى بارىستىق حالىق دەموكراتياسىنىڭ ”تۇتاس تىزبەكتى، جان – جاقتى، تولىق قامتىعان“، ”ەڭ كەڭ، ەڭ شىنايى، ەڭ جارامدى“ ەكەنىن جاندى بەينەلەدى.

كەلۋ قاينارى: حالىق تورابى