«شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى بايىمداۋلارىنان ۇزىندىلەر» باسپادان شىعىپ تاراتىلدى

شينحۋا اگەنتتىگى، 3 - ايدىڭ 12 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى قۇراستىرعان «شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى بايىمداۋلارىنان ۇزىندىلەر» اتتى كىتاپ تاياۋدا ورتالىق قۇجات باسپاسىنان باسىلىپ شىعىپ، بۇكىل ەلدە تاراتىلدى.

پارتيا ستيلى − پارتيانىڭ وبرازى، حالىقتىڭ قولداۋ - قولداماۋىنا قاتىستى، پارتيا مەن مەملەكەت ىستەرىنىڭ ءساتتى - ءساتسىز بولۋىن بەلگىلەيدى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ورتالىقتىڭ سەگىز ءتۇرلى بەلگىلەمەسىن جاساۋدان جانە تياناقتاندىرۋدان تىڭ باستاما كوتەرىپ، جوعارىدان تومەنگە قاراي باستاۋعا، جوعارى ارقىلى تومەنگە جەتەكشىلىك ەتۋگە تاباندى بولىپ، جاڭا جاعدايداعى ستيل قۇرىلىسىندا نەنى يگەرۋ، قالاي يگەرۋ ماسەلەسىن شەشتى. سەگىز ءتۇرلى بەلگىلەمە ءبىر - بىردەن تياناقتانىپ، ستيل قۇرىلىسى بارلىق جەردە جاندانىپ، پارتيا ستيلى، ۇكىمەت ستيلى شىت جاڭا تۇسكە ەنىپ، قوعامدىق سالت پەن حالىقتىق سالت ۇزدىكسىز جاقساردى، پارتيامىز ستيل قۇرىلىسىندا جاڭا بەينە ارقىلى حالىق بۇقاراسىنىڭ سەنىمىنە، قولداۋىنا يە بولدى. شي جينپيڭ جولداستىڭ پارتيانىڭ ستيل قۇرىلىسىن كۇشەيتۋ توڭىرەگىندە جاريالاعان ءبىر قىدىرۋ ماڭىزدى بايىمداۋلارىنىڭ ويى ورەلى، مازمۇنى باي، يدەياسى تەرەڭ، تاباندىلىقپەن ستيلدى دۇرىستاپ، ءتارتىپتى قاتايتىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، شەگە قاعۋ رۋحىمەن ”ءتورت ءتۇرلى بۇرىس ستيلدى“ تۇزەتىپ، ستيل قۇرىلىسىنىڭ ۇدايىلانۋىن، ۇزاق ۋاقىت ءونىم بەرۋىن ىلگەرىلەتىپ، پارتيانىڭ وزىندىك توڭكەرىسى ارقىلى قوعامدىق توڭكەرىسكە جەتەكشىلىك ەتۋ وسكەلەڭ سانالىلىعىن ساقتاپ، پارتيانى رەفورما رۋحىمەن جانە قاتاڭ ولشەممەن باسقارۋعا، جونگە سالۋعا تاباندى بولىپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيىتقىسى بولۋىنا كەپىلدىك ەتىپ، جۇڭگو ۇلگىسىندەگى وسىزامانداندىرۋدىڭ ورنىقتى، باياندى بولۋىن ىلگەرىلەتۋدە توتەنشە ماڭىزدى مانگە يە.

«بايىمداۋلاردان ۇزىندىلەر» 9 ارناۋلى تاقىرىپقا بولىنگەن، جالپى 299 بولەك بايىمداۋ بار، شي جينپيڭ جولداستىڭ 2012 - جىلى 11 - ايدان 2025 - جىلى 2 - ايعا دەيىنگى مەزگىلدەگى باياندامالارى، سوزدەرى، نۇسقاۋلارى، العى سوزدەرى سياقتى 130 دان استام ماڭىزدى قۇجاتتان الىنعان. مۇنىڭ ىشىندە ءىشىنارا بايىمداۋ تۇڭعىش رەت اشىق جاريالانىپ وتىر.

كەلۋ قاينارى: حالىق تورابى