لي چياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

شينحۋا اگەنتتىگى، 3 - ايدىڭ 12 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 3 - ايدىڭ 12 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، «مەملەكەتتىك كەڭەستىڭ 2025 - جىلعى ءتۇيىندى قىزمەت ءبولىسى جوباسىن» تالقىلاپ ماقۇلدادى، «مەملەكەتتىك كەڭەستىڭ <جەدەل جەتكىزۋ ۋاقىتتىق ەرەجەسىنە> وزگەرىس ەنگىزۋ جونىندەگى قارارىن (جوبا)» قاراپ ماقۇلدادى.

ءماجىلىس بىلاي دەپ اتاپ كورسەتتى: ەندى عانا جابىلعان 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى قاراپ ماقۇلداعان «ۇكىمەت قىزمەتىنەن باياندامادا» ەكونوميكالىق، قوعامدىق دامۋدىڭ تۇتاس جىلدىق نىسانالارى، مىندەتتەرى ايقىندالدى. تاراۋلار، ورىندار ىرىقتى تۇردە سايكەستى ورىندارىنا جايعاسىپ، اناعۇرلىم كۇشتى جاۋاپكەرشىلىكپەن، اناعۇرلىم بەلسەندى ىسكەرلىكپەن ءتۇرلى قىزمەت مىندەتتەرىن ويداعىداي ورىنداپ، ناقتى ىستەر تىندىرىپ، ناقتى ناتيجەلەرمەن حالىققا بەرگەن ايبىندى ۋادەسىن ورىنداۋى كەرەك. شارالاردى اشالاپ، جەدەل تياناقتاندىرىپ، ءتۇرلى تۇراقسىز فاكتورلار الدىندا ۋاقىتتى ۇتىپ، جەدەل يگەرىپ، جەدەل ىستەۋ، الدىعا قاراي كۇش سالۋ كەرەك. سونىمەن بىرگە، جاعدايدىڭ وزگەرىسىنە قاداعالاي نازار اۋدارىپ، ساياساتتىق دايىندىقتى ويداعىداي ىستەپ، قاجەت بولعاندا دەر كەزىندە العا قويۋعا، تەز ارادا ونىمدىلىككە قول جەتكىزۋگە كەپىلدىك ەتۋ كەرەك. نازاردى تۇيىنگە شوعىرلاندىرىپ، دالمە - ءدال كۇش سالىپ، جەتەكتەۋ، جەبەۋ سيپاتى كۇشتى كىرىسۋ ءتۇيىنىن تابۋعا شەبەر بولىپ، جاڭا تۇتقا مەن دانەكەردى ۇزدىكسىز جوبالاپ، ءتۇيىن ارقىلى كولەمدى جەتەكتەپ، تياناقتاندىرۋدى يگەرۋدىڭ جالپى تۇلعالىق ونىمدىلىگىن جوعارىلاتۋ كەرەك. جەرگىلىكتى ورىندارعا جەتەكشىلىك ەتۋدى، قولداۋ كورسەتۋدى كۇشەيتىپ، ماڭىزدى فاكتورلاردى قامتاماسىز ەتۋ، عىلىم - تەحنيكادا جاڭالىق اشۋ، رەفورما جاساپ، ەسىك اشۋدى الدىمەن جۇرگىزۋ، الدىمەن سىناق ەتۋ سياقتى جاقتاردا قولداۋ ساياساتتارىن بەلگىلەپ، ناقتى جوبا جاساۋ كەرەك. تاراۋلار ارا سايكەسۋدى، بىرلەسىپ قيمىلداۋدى كۇشەيتۋ كەرەك، تاراۋلار جالپى جاعداي تانىمىن، جۇيە كوزقاراسىن كۇشەيتىپ، باستاماشى تاراۋلار جاۋاپكەرشىلىكتى باتىل ارقالاپ، ماسەلەنى ىرىقتىلىقپەن شەشىپ، قاتىناسقان تاراۋلار بەلسەنە ءىس تىندىرىپ، تىعىز سايكەسىپ، بىرىككەن كۇش قالىپتاستىرىپ، دامۋدى ىلگەرىلەتۋى كەرەك.

ءماجىلىس «مەملەكەتتىك كەڭەستىڭ <جەدەل جەتكىزۋ ۋاقىتتىق ەرەجەسىنە> وزگەرىس ەنگىزۋ جونىندەگى قارارىن (جوبا)» قاراپ ماقۇلدادى. ءماجىلىس بىلاي دەپ اتاپ كورسەتتى: جەدەل جولدامانى قوراپتاۋ ماسەلەسىنە قاراتا «ەرەجەگە» ارناۋلى وزگەرىس ەنگىزۋ جەدەل جولداما قورابىنىڭ جاسىلدانۋىن، مولشەرلەنۋىن، اينالىمىن ىلگەرىلەتۋگە، جاسىل ءوندىرىس جانە تۇرمىس ءتاسىلىن جەدەل قالىپتاستىرۋعا ءتيىمدى. جۇيەلى جونگە سالۋعا، سايكەستى جونگە سالۋعا تاباندى بولىپ، جەدەل جەتكىزۋ كاسىپورىندارىنىڭ تۇلعالىق جاۋاپكەرشىلىگىن بەكەمدەپ، جوعارعى اعارداعى ءوندىرىس كاسىپورىندارىنا، ساۋداگەرلەرگە جانە تومەنگى اعارداعى تۇتىنۋشىلارعا جەتەكشىلىك ەتۋدى، ارناعا ءتۇسىرۋدى كۇشەيتىپ، تۇتاس تىزبەكتى جونگە سالۋدى ىلگەرىلەتۋ كەرەك. جەدەل جەتكىزۋ قورابىن جاسىل تيپكە تۇرلەندىرۋدى جالپىلىق قولداۋ ساياساتىن كەمەلدەندىرىپ، قوراپتاۋ، جيناپ الۋ، تازالاۋ، جوتكەۋ سياقتى اينالىم وزىندىك قۇنىن ءونىمدى تومەندەتىپ، ءار جاقتىڭ بەلسەندىلىگىن تولىق جۇمىلدىرىپ، جاسىل دامۋدىڭ تاماشا قوعامدىق ورتاسىن قالىپتاستىرۋ كەرەك.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى