ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسى ءماجىلىس اشتى

شينحۋا اگەنتتىگى، 3 - ايدىڭ 12 - كۇنى، بەيجيڭ. ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسى 3 - ايدىڭ 12 - كۇنى ءماجىلىس اشىپ، باس شۋجي شي جينپيڭنىڭ ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، ۇيرەنۋ - تاربيە قىزمەتىن اقىلداسىپ ورنالاستىردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسىنىڭ باستىعى ساي چي ءماجىلىستى باسقاردى ءارى ءسوز سويلەدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەتتىڭ پارتيا قۇرىلىسى قىزمەتىنە باسشىلىق ەتۋ گرۋپپاسى باستىعىنىڭ ورىنباسارى لي شي ماجىلىسكە قاتىناستى ءارى ءسوز سويلەدى.

ءماجىلىس بىلاي دەپ اتاپ كورسەتتى: پارتيا ورتالىق كوميتەتى 2025 - جىلعى مەملەكەتتىك ەكى ءماجىلىستىڭ سوڭىنان 7 - ايعا دەيىن بۇكىل پارتيادا ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ - تاربيەسىن ورىستەتۋدى ۇيعاردى. باس شۋجي شي جينپيڭ ايرىقشا ءمان بەرىپ، ۇيرەنۋ - تاربيە تاقىرىبىن ءوزى جوسپارلاپ، تۇراقتاندىرىپ، ماڭىزدى ءسوز سويلەپ، ماڭىزدى نۇسقاۋ بەرىپ، ۇيرەنۋ - تاربيە ورىستەتۋگە ايقىن بەتالىس كورسەتتى. جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى تاياۋدا «بۇكىل پارتيادا ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ - تاربيەسىن ورىستەتۋ جونىندەگى ۇقتىرۋدى» باسىپ تاراتتى. باس شۋجي شي جينپيڭنىڭ ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، «ۇقتىرۋدىڭ» تالاپتارىن تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرۋ كەرەك.

ءماجىلىس بىلاي دەپ باسا دارىپتەدى: ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ - تاربيەسىن ورىستەتۋ − نەگىزگى تاقىرىپتىق تاربيە مەن پارتيا ءتارتىبىن ۇيرەنۋ تاربيەسىنىڭ جەتىستىكتەرىن بەكەمدەۋدىڭ، تەرەڭدەتۋدىڭ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتۋدىڭ ماڭىزدى شاراسى، پارتيا مەن بۇقارانىڭ، كادرلار مەن بۇقارانىڭ قاتىناسىن قويۋلاتۋدىڭ، پارتيانىڭ بيلىك جۇرگىزۋ نەگىزىن بەكەمدەۋدىڭ قاجەتتى تالابى، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ پارمەندى كەپىلى. وسى رەتكى ۇيرەنۋ - تاربيەنىڭ ماڭىزدى ءمانىن جەتە تانىپ، پارتيا مۇشەلەرىن، كادرلاردى ورتالىقتىڭ سەگىز ءتۇرلى بەلگىلەمەسىنىڭ رۋحىن تاباندىلىقپەن دايەكتىلەندىرۋگە تاربيەلەپ، جەتەكتەپ، پارتيا ستيلىنىڭ ۇزدىكسىز جاقسارۋىن ىلگەرىلەتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ ناقتى تياناقتانۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اقىل - پاراسات جانە كۇش - قۋات ارناۋ كەرەك.

ءماجىلىس بىلاي دەپ اتاپ كورسەتتى: نازاردى نەگىزگى تاقىرىپقا شوعىرلاندىرىپ، ناقتى ونىمدىلىككە ءمان بەرىپ، ۇيرەنۋدى، تەكسەرۋدى، تۇزەتۋدى ءبىر تۇتاس ىلگەرىلەتىپ، باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى بايىمداۋلارىنىڭ جانە ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن ىشكەرىلەي ۇيرەنىپ، پارتيا 18 - قۇرىلتايىنان بەرگى ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋدىڭ ناتيجەلەرى مەن تاجىريبەلەرىن جۇيەلى قورىتىندىلاپ، ورتالىقتىڭ سەگىز ءتۇرلى بەلگىلەمەسىن جانە ونى اتقارۋ ەرەجەسىنىڭ رۋحىن دايەكتىلەندىرۋ جاعىندا ورىن تەۋىپ وتىرعان ماسەلەلەردى جاپپاي ىشكەرىلەي تەكسەرىپ تاۋىپ، ءىس جۇزىندىك جاعدايمەن ۇشتاستىرا وتىرىپ ساقتاندىرۋ تاربيەسىن كۇشەيتىپ، شوعىرلى جونگە سالۋدى تىڭعىلىقتى ىلگەرىلەتىپ، قاتىستى تۇزىمدىك بەلگىلەمەلەردى باعىتتامالى تۇردە كەمەلدەندىرۋ كەرەك. تاربيەنى اشىق جۇرگىزۋگە تاباندى بولىپ، بۇقارانىڭ باقىلاۋىن، باعالاۋىن سانالىلىقپەن قابىلداپ، ۇيرەنۋدىڭ ساپالى، تەكسەرۋدىڭ تەبىندى، تۇزەتۋدىڭ ءونىمدى بولۋىنا كەپىلدىك ەتۋ كەرەك.

ءماجىلىس بىلاي دەپ باسا دارىپتەدى: ءار دارەجەلى پارتكومدار (پارتيا باسشىلىق گرۋپپاسى) ۇيرەنۋ - تاربيەدە باس جاۋاپكەرشىلىكتى ارقالاۋى، ءارى وزىندىك ۇيرەنۋ - تاربيەنى باستاماشىلدىقپەن ويداعىداي جۇرگىزۋى، ءارى تۇلعالىق جاۋاپكەرشىلىكتى شىنايى ارقالاۋى كەرەك. تۇرگە ءبولىپ جەتەكشىلىك ەتۋگە تاباندى بولىپ، ماسەلەنىڭ شەشىلۋىن ىلگەرىلەتۋ كەرەك. جاڭادان وسىرىلگەن كادرلاردىڭ، جاس كادرلاردىڭ، شەشۋشى قىزمەت ورىندارىنداعى كادرلاردىڭ ۇيرەنۋ - تاربيەسىن كورنەكتىلەندىرىپ مىقتى يگەرۋ كەرەك. كاسىپ جۇيەسىن باسقارۋشى تاراۋلاردىڭ پارتگرۋپپالارىنىڭ (پارتكوم) ءوز كاسىبىندەگى، ءوز جۇيەسىندەگى ۇيرەنۋ تاربيەسىنە جەتەكشىلىك ەتۋ رولىن تولىق ساۋلەلەندىرۋ كەرەك. فورماشىلدىقتان بارىنشا ساقتانىپ، توتەپ بەرۋ يدەياسىنان، وتكەلدەن ءوتۋ كوڭىل كۇيىنەن باتىل ارىلىپ، ”ەكى باسقا بولىپ قالۋدان“ باتىل ساقتانىپ، ۇگىتتەۋگە، جەتەكتەۋگە ءمان بەرىپ، ۇيرەنۋ - تاربيەنىڭ ءتارتىپتى، ءونىمدى ورىستەتىلۋىن ىلگەرىلەتۋ كەرەك.

لي گانجيە، لي شۋلەي، مۋ حۇڭ، جياڭ شينجى ماجىلىسكە قاتىناستى.

ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسىنىڭ مۇشەلەرى ماجىلىسكە قاتىناستى.

كەلۋ قاينارى: حالىق تورابى