بۇكىل ەلىمىز حالقىنىڭ دەنە قۋاتىن 6 – رەت باقىلاۋ – تەكسەرۋ جانە جالپى حالىقتىق دەنە شىنىقتىرۋ قيمىلىنىڭ جاعدايىن تەكسەرۋ باستالدى 

شينحۋا تورابىنىڭ 3 – ايدىڭ 13 – كۇنى بەيجيڭنەن بەرگەن حابارى. ءتىلشىنىڭ جۋىردا مەملەكەتتىك دەنە تاربيە باس مەڭگەرمەسى بۇقارالىق دەنە تاربيە مەكەمەسىنەن ۇعىسۋىنشا، جۋىردا مەملەكەتتىك دەنە تاربيە باس مەڭگەرمەسى، وقۋ – اعارتۋ مينيسترلىگى، مەملەكەتتىك ۇلتتىق ىستەر كوميتەتى، حالىق ىستەرى كوميتەتى، قازىنا مينيسترلىگى، اۋىل شارۋاشىلىعى جانە اۋىل – قىستاق مينيسترلىگى، مەملەكەتتىك دەنساۋلىق ساقتاۋ – سالاماتتىق كوميتەتى، مەملەكەتتىك ساناق مەڭگەرمەسى، مەملەكەتتىك باس جۇمىسشى ۇيىمى بىرلەسە وتىرىپ بۇكىل ەلىمىز حالقىنىڭ دەنە قۋاتىن 6 – رەت باقىلاۋ – تەكسەرۋ قىزمەتىن ورىستەتۋ جونىندەگى ۇقتىرۋدى تاراتىپ، ءار قايسى تاراۋلاردان ءتۇرلى دايىندىق قىزمەتتەردى ويداعىداي ىستەپ، باقىلاۋ – تەكسەرۋ قىزمەتىنىڭ ءساتتى اتقارىلۋىنا كەپىلدىك ەتۋدى تالاپ ەتكەن. سونىمەن بىرگە، مەملەكەتتىك دەنە تاربيە باس مەڭگەرمەسىنىڭ 2025 - جىلعى جالپى حالىقتىق دەنە شىنىقتىرۋ قيمىلىنىڭ جاعدايىن تەكسەرۋدى ورىستەتۋ جونىندەگى ۇقتىرۋىنا ءۇن قوسۋ ءۇشىن، بۇكىل ەلىمىزدىڭ جەر - جەرىندەگى جالپى حالىقتىق دەنە شىنىقتىرۋ قيمىلىنىڭ جاعدايىن تەكسەرۋ قىزمەتى دە ءتارتىپتى ورىستەتىلەدى.

ۇعىسۋعا قاراعاندا، ەكى ءتۇرلى قيمىلدىڭ ەكەۋى دە مەملەكەتتىك ساناق مەڭگەرمەسىنىڭ بەكىتۋىنەن ءوتىپ اتقارىلعان، ساناقتىق تەكسەرۋ ءتۇزىمى بويىنشا ساناقتىق تەكسەرۋ قاتاڭ ورىستەتىلىپ، ساناق ساندى مالىمەتتەرىنىڭ شىنايى، دۇرىس، ءدال ۋاعىندا بەرىلۋىنە، سەنىمدى بولۋىنا كەپىلدىك ەتىلەدى.

بۇكىل ەلىمىز بويىنشا حالىقتىڭ دەنە قۋاتىن 6 - رەت باقىلاۋ - تەكسەرۋ وبيەكتىلەرى 3 جاستان 79 جاسقا دەيىنگى جۇڭگو ازاماتتارى (7 جاستان 19 جاسقا دەيىنگىلەر قامتىلمايدى) جاس شاماسىنا قاراي بالالار (3 جاستان 6 جاسقا دەيىن)، ەرەسەكتەر (20 جاستان 59 جاسقا دەيىن) جانە قارتتار (60 جاستان 79 جاسقا دەيىن) دەپ 3 توپقا بولىنەدى. باقىلاۋ - تەكسەرۋ مازمۇنى ساۋالناما تاراتۋ ارقىلى تەكسەرۋ جانە دەنە قۋاتىن تەكسەرۋ سىندى ەكى ءبولىمدى قامتيدى، نەگىزىنەن جۇڭگو ازاماتتارىنىڭ دەنە قۋاتىنىڭ ورەسىن توڭىرەكتەي وتىرىپ قىزمەت ورىستەتەدى.

كەلۋ قاينارى: حالىق تورابى