2025.03.14 14:54 كەلۋ قاينارى : حالىق تورابى
«حالىق گازەتى»، 3 - ايدىڭ 13 - كۇنى، بەيجيڭ (ءتىلشى لي شينپيڭ). ءتىلشىنىڭ جۇڭگو مەملەكەتتىك تەمىر جول توبى شەكتى سەرىكتەستىگىنەن ۇعىسۋىنا قاراعاندا، بيىل الدىڭعى ەكى ايدا مەملەكەتتىك تەمىر جول ارقىلى جيىنى 622 ميلليون توننا زات جونەلتىپ، سايكەس مەزگىلدەگىدەن %2 ارتقان، كۇنىنە ورتا ەسەپپەن 175 مىڭ ۆاگونعا جۇك تيەلىپ، سايكەس مەزگىلدەگىدەن %3.5 ارتقان.
توك تاراتۋعا، جىلۋمەن قامداۋعا پايدالانىلاتىن كومىر تاسىمالى پارمەندى قامتاماسىزداندىرىلدى. 1 - ايدان 2 - ايعا دەيىن مەملەكەتتىك تەمىر جول ارقىلى جونەلتىلگەن كومىر 301 ميلليون توننا بولدى، مۇنىڭ ىشىندە توك تاراتۋعا پايدالانىلاتىن كومىر 232 ميلليون توننا بولىپ، تەمىر جول ارقىلى تىكە قامدالاتىن ەلەكتر ستانسياسىندا ساقتالعان كومىر ءبىرشاما جوعارى ورەدە تۇردى.
حالىق تۇرمىسىنداعى ءتۇيىندى زاتتاردى تاسىمالداۋدىڭ ونىمدىلىگى كورنەكتى بولدى. كوكتەم مەرەكەسىنەن كەيىن تەمىر جول تاراۋلارى استىق جانە كوكتەمگى ەگىس زاتتىق ماتەريالدارىن تاسىمالداۋدى قامتاماسىز ەتۋ تەبىنىن ارتتىرىپ، جاسىل ارنا اشىپ، جوعارى ءونىمدى جەتكىزۋگە شىنايى كەپىلدىك ەتتى، 2 - ايدا استىق، حيميالىق تىڭايتقىش، ەگىس دارىلەرىن جەتكىزۋ مولشەرى سايكەس مەزگىلدەگىدەن جەكە - جەكە %33.2 جانە %2.7 ارتتى.
تەمىر جول زات اينالىمى قىزمەت وتەۋ ساپاسى ۇزدىكسىز جوعارىلادى. زات اينالىمىن جالپىلاي كوتەرمەگە الۋ قىزمەت وتەۋىن زور كۇشپەن دامىتىپ، كوپ قولدى زات تاسىمالىنىڭ ”تاس جولدان تەمىر جولعا الماسۋىن“ ىلگەرىلەتتى؛ نازاردى تۇتاس قوعامنىڭ زات اينالىمىنىڭ وزىندىك قۇنىن تومەندەتۋگە شوعىرلاندىرىپ، 4 تەڭىز تاسىمالى كاسىپورنىمەن سەلبەسىپ، تيەۋىش قوراپتى، كوپ فورمالى ۇلاسپالى تاسىمالدىڭ ”ءبىر تالوندىق“ تاسىمال قىزمەت وتەۋىن ورىستەتىپ، 9 ساۋدا بانكەسىمەن سەلبەسىپ تەمىر جول زات اينالىمىنا فينانستىق قىزمەت وتەۋدى ورىستەتتى... 1 - ايدان 2 - ايعا دەيىن مەملەكەت تەمىر جولىندا تاسىمالدانعان تيەۋىش قوراپتى زاتتىڭ مولشەرى 129 ميلليون توننا بولىپ، سايكەس مەزگىلدەگىدەن %14.6 ارتتى.
كەلۋ قاينارى: حالىق تورابى