الدىڭعى ەكى ايدا اۆتوكولىكتىڭ ءوندىرىلۋ، ساتىلۋ مولشەرى ەكى ورىندى سان بويىنشا ارتتى

«حالىق گازەتى»، 3 - ايدىڭ 13 - كۇنى، بەيجيڭ (ءتىلشى ۋاڭ جىڭ). جۇڭگو اۆتوموبيل ونەركاسىبى قوعامى جاريالاعان ەڭ جاڭا ساندى مالىمەتتە كورسەتىلۋىنشە، جاڭا كەزەكتى كونەنى جاڭاعا اۋىستىرۋ ساياساتىنىڭ كەڭەيتىلۋىنە جانە ەرتە تياناقتاندىرىلۋىنا، كاسىپورىنداردىڭ تەحنيكالىق دارەجەسىن جوعارىلاتۋ جانە ءونىمدى جاڭارتۋ قاجەتىنىڭ ارقاسىندا بيىل الدىڭعى ەكى ايدا اۆتوموبيلدىڭ ءوندىرىلۋ، ساتىلۋ مولشەرى جەكە - جەكە 4 ميلليون 553 مىڭ جانە 4 ميلليون 552 مىڭ بولىپ، سايكەس مەزگىلدەگىدەن جەكە - جەكە %16.2 جانە %13.1 ارتقان. اۆتوموبيل كاسىبىنىڭ تاماشا باستاماسى 1 - توقساندا ساۋدانىڭ كۇسەت بولۋىنا نەگىز قالاعان.

1 - ايدان 2 - ايعا دەيىن ءمىنىس كولىگى ۇزدىكسىز تاماشا بەينە كورسەتىپ، جەكە - جەكە 3 ميلليون 936 مىڭ جانە 3 ميلليون 948 مىڭ ءوندىرۋ، ساتۋ مىندەتىن ورىنداپ، سايكەس مەزگىلدەگىدەن جەكە - جەكە %17.2 جانە %14.4 ارتقان. ساۋدا اۆتوموبيلدەرى بازارى ءبىراز جاندانىپ، ءوندىرۋ - ساتۋ مولشەرى جەكە - جەكە 617 مىڭ جانە 604 مىڭ بولىپ، سايكەس مەزگىلدەگىدەن جەكە - جەكە %10.2 جانە %5.1 ارتقان. جاڭا ەنەرگيالى اۆتوموبيلدەردىڭ ساتىلۋ مولشەرى كورنەكتى بولىپ، ساتىلۋ مولشەرى ءۇرتىس تەز قارقىنمەن ارتىپ، جەكە - جەكە ءبىر ميلليون 903 مىڭ جانە ءبىر ميلليون 835 مىڭ اۆتوموبيل ورىندالىپ، سايكەس مەزگىلدەگىدەن %52 ارتقان، جاڭا ەنەرگيالى جاڭا اۆتوموبيلدەر ساتىلۋ مولشەرىنىڭ جاڭا اۆتوموبيلدەردىڭ جالپى ساتىلۋ مولشەرىندەگى سالىستىرماسى %40.3 كە جەتكەن. جاڭا ەنەرگيالى اۆتوكولىك ەكسپورتى ۇزدىكسىز ارتىپ، 1 - ايدان 2 - ايعا دەيىن 282 مىڭ اۆتوكولىك ەكسپورت ەتىلىپ، سايكەس مەزگىلدەگىدەن %54.5 ارتقان.

كەلۋ قاينارى: حالىق تورابى