بيىل مەملەكەت جاعىنان وقۋشىلارعا كومەككە بەرىلگەن قارىزدىڭ ءوسىمى كەشىرىم ەتىلەدى ءارى نەگىزگى سوماسىن قايتاراتىن ۋاقىتتى كەشەۋىلدەتۋگە بولادى

حالىق گازەتىنىڭ ءتىلشىسى ۋاڭ ۋىنجىڭ 4 – ايدىڭ 6 – كۇنى بەيجيڭنەن حابارلايدى. ءتىلشىنىڭ قازىنا مينيسترلىگىنەن ۇعىسۋىنشا، قازىنا مينيسترلىگى، وقۋ – اعارتۋ مينيسترلىگى، جۇڭگو حالىق بانكەسى، مەملەكەتتىك فينانستى باقىلاۋ – باسقارۋ باس مەڭگەرمەسى جۋىردا ۇقتىرۋ شىعارىپ، 2025 – جىلى مەملەكەت جاعىنان وقۋشىلارعا كومەككە بەرىلگەن قارىزدىڭ ءوسىمىن كەشىرىم ەتۋ ءارى نەگىزگى سوماسىن قايتاراتىن ۋاقىتتى كەشەۋىلدەتۋ ساياساتىن جالعاستى اتقارۋدى ۇيعارعان.

ۇقتىرۋعا قاراعاندا، 2025 – جىلى 1 – ايدىڭ 1 – كۇنىنەن باستاپ، قارىز الىپ 2025 – جىلى وقۋ بىتىرەتىن وقۋشىلارعا جانە ودان بۇرىنعى جىلدارى قارىز الىپ وقۋ بىتىرگەن وقۋشىلارعا مەملەكەت جاعىنان كومەككە بەرىلگەن قارىزدىڭ 2025 – جىلى قايتارىلۋعا ءتيىستى ءوسىمى كەشىرىم ەتىلەدى، مەملەكەت جاعىنان وقۋشىلارعا كومەككە بەرىلگەن قارىزدىڭ ءوسىمىن قازىنادان كوتەرۋ ساياساتى بويىنشا، كەشىرىم ەتىلگەن ءوسىمدى ورتالىق قازىنا مەن مەملەكەتتىك قازىنا جەكە – جەكە مىندەتىنە الادى. قارىز الىپ 2025 – جىلى وقۋ بىتىرەتىن وقۋشىلارعا جانە ودان بۇرىنعى جىلدارى قازىر الىپ وقۋ بىتىرگەن وقۋشىلارعا مەملەكەت جاعىنان كومەككە بەرىلگەن قازىردىڭ 2025 – جىلى قايتارۋعا ءتيىستى نەگىزگى قاراجاتىن قايتاراتىن ۋاقىتتى قارىز العان وقۋشى ءوزى ءوتىنىش بەرۋ ارقىلى ءبىر جىل كەشەۋىلدەتۋىنە بولادى، قاتىستى بەلگىلەمەلەرگە ساي، قارىزدى قايتارۋ ۋاقىتى ەڭ ۇزاق بولعاندا 22 جىلدان اسىپ كەتپەۋى كەرەك، قايتارۋ ۋاقىتى كەشەۋىلدەتىلگەن قارىزعا اقشالاي ايىپ جانە قاباتتالما ءوسىم ەسەپتەلمەيدى، حاۋىپ – قاتەر ءتۇرى قازىرشە تومەندەتىلمەيدى.

ۇعىسۋعا قاراعاندا، وسى رەتكى شارا ورتاعا قويىلعان سوڭ، كەشىرىم ەتىلەتىن ءوسىم مولشەرى مەجەمەن ەكى ميلليارد 480 ميلليون يۋان بولىپ، جوعارى مەكتەپتەن وقۋ بىتىرگەن 6 ميلليوننان استام وقۋشىنى تيىمدىلىككە كەنەلتەدى، قارىز الىپ وقىعان وقۋشىلاردىڭ ەكونوميكالىق جاقتاعى قىسىمى مەن جۇمىستانۋ جاعىنداعى قىسىمىن جەڭىلدەتۋگە ءتيىمدى بولىپ، وقۋشىلاردىڭ جەكەلىك سەنىمدىلىك ەستەلىگىن قورعاۋىنا كومەگىن تيگىزىپ، ءساتتى جۇمىستانۋىن ىلگەرىلەتەدى.

مەملەكەت جاعىنان وقۋشىلارعا كومەككە بەرىلەتىن قارىزدىڭ ءوسىمىن كەشىرىم ەتۋ مەن نەگىزگى قاراجاتتى قايتاراتىن ۋاقىتتى كەشەۋىلدەتۋ ساياساتى كەزەڭدىك سيپاتتى ساياسات بولىپ، 2022 – جىلدان بەرى جالعاستى 4 جىل اتقارىلعان. قازىنا مينيسترلىگىنىڭ ايتۋىنشا، 2025 – جىلى اتالعان ساياساتقا جالپى بەتتىك ساراپتاۋ جۇرگىزىلىپ، ساراپتاۋ جاعدايىمەن ۇشتاستىرا وتىرىپ، 2026 – جىلى جانە ودان كەيىنگى جىلدارى بۇل ساياساتتى جالعاستى اتقارۋ قاجەت پە، جوق پا دەگەنگە تۇجىرىم جاسايدى.

كەلۋ قاينارى: حالىق تورابى