شي جينپيڭ كەنيانىڭ زۇڭتۇڭى رۋتومەن كەڭەس وتكىزدى

4 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن كەنيانىڭ زۇڭتۇڭى رۋتومەن كەڭەس وتكىزدى. سۋرەتتە: شي جينپيڭ مەن حانىمى پىڭ لييۋان رۋتو جانە حانىمى لەيچەرمەن بىرگە سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

4 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن كەنيانىڭ زۇڭتۇڭى رۋتومەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ الدىنداعى الاڭدا رۋتوعا ارناپ قارسى الۋ سالتىن وتكىزۋدە.

سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن

شينحۋا اگەنتتىگى، 4 - ايدىڭ 24 – كۇنى، بەيجيڭ (تىلشىلەر دۇڭ شۋە، شاۋ ي - بو). 4 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن كەنيانىڭ زۇڭتۇڭى رۋتومەن كەڭەس وتكىزدى. ەكى ەل مەملەكەت باسشىلارى ەكى جاقتى قارىم - قاتىناستىڭ ورنىن جاڭا داۋىردەگى جۇڭگو - كەنيا تاعدىرلاس ورتاق تۇلعاسىنا كوتەرۋگە ءبىر اۋىزدان قوسىلدى.

شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 62 جىلدان بەرى جۇڭگو مەن كەنيا ەكى جاق باستان - اياق ءوزارا قۇرمەت ەتىپ، ءوزارا قولداۋ كورسەتىپ، جۇڭگو - افريكا دوستىق سەلبەستىك رۋحى مەن جىبەك جولى رۋحىن جالعاستىرىپ، ەكى ەلدىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتتى.

جۇڭگو - كەنيا قارىم - قاتىناسىنىڭ جاڭا داۋىردەگى تاعدىرلاس ورتاق تۇلعاعا كوتەرىلۋى − ەكى جاقتىڭ ستراتەگيالىق تالعامى. جۇڭگو جاق كەنيا جاقپەن بىرگە تاريحتىڭ اعىمىنا جانە ءداۋىردىڭ جالپى اۋقىمىنا سايكەسىپ، جاڭا داۋىردەگى جۇڭگو - افريكا تاعدىرلاس ورتاق تۇلعاسىنىڭ ۇلگىسىن قالىپتاستىرىپ، جۇڭگو - افريكا قارىم - قاتىناسىنىڭ دامۋىنا جانە دۇنيە جۇزىندەگى وڭتۇستىك جاقتىڭ ىنتىماعىنا، سەلبەستىگىنە جەتەكشىلىك ەتۋدى قالايدى.

شي جينپيڭ بىلاي دەپ باسا دارىپتەدى: تاعدىرلاس ورتاق تۇلعا ورناتۋ − ءوزارا قۇرمەت ەتىپ، تەڭ تۇرعىدا مامىلە جاساپ، ءوزارا پايدا جەتكىزىپ، تەڭ يگىلىككە كەنەلىپ، ”ءبىر مەكەندەگىلەر ءبىر جاعادان باس، ءبىر جەڭنەن قول شىعارۋدىڭ“ داڭعىل جولى. جۇڭگو مەن كەنيا ەكى جاق ءبىر - ءبىرىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن ۇزدىكسىز باتىل قولداپ، ءبىر - ءبىرىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن قاراستىرۋىن باتىل قولداپ، ەل باسقارۋ تاجىريبەلەرى جونىندە اۋىس - كۇيىستى تەرەڭدەتىپ، وسىزامانداندىرۋ جولىنداعى سەرىكتەس جانە ناعىز دوس بولۋى كەرەك. ”ءبىر بەلدەۋ، ءبىر جولدى“ بىرگە قۇرۋ − ەكى ەل سەلبەستىگىنىڭ جارقىن تانىسقىسى، ۇدايىلانعان ساياساتتىق بايلانىستى كۇشەيتىپ، جوعارى دەڭگەيلى ۇلاستىرۋ - تۇتاستىرۋدى ىلگەرىلەتىپ، باياندى ساۋدانىڭ ىركىلىسسىزدىگىن جەبەپ، كوپ نەگىزدى قارجى اينالىمىن اقىلداسىپ، دوستىقتى ۇرپاقتان - ۇرپاققا جالعاستىرىپ، حالىق تىلەگىن توعىستىرىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ جەتەكشىسى بولۋ كەرەك. جۇڭگونىڭ ەرەن كولەمدى بازارى كەنيانىڭ ساپالى ونىمدەرىنە باستان - اياق ايقارا اشىلادى، جۇڭگو اناعۇرلىم كوپ قۋاتتى جۇڭگو كاسىپورىندارىن كەنياعا بارىپ قارجى قوسىپ، شارۋاشىلىقتى گۇلدەندىرۋگە شابىتتاندىرادى. دۇنيە ءجۇزى وڭتۇستىگىنىڭ ماڭىزدى مۇشەسى رەتىندە جۇڭگو مەن كەنيا بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى ءىس جۇزىندىك ارەكەتتەرىمەن باتىل قورعاپ، بىرگە اقىلداسۋ، بىرگە قۇرۋ، بىرگە يگىلىكتەنۋ سىندى دۇنيە جۇزىلىك جونگە سالۋدى ىلگەرىلەتىپ، ناعىز كوپ جاقتىلىقتى امالياتتا ايگىلەپ، دۇنيە ءجۇزىنىڭ تەڭ، ءتارتىپتى كوپ ۇيەكتەنۋىن، ەكونوميكانىڭ جالپىعا ءتيىمدى، سيىسىمدى جاھاندانۋىن ىلگەرىلەتىپ، دۇنيە ءجۇزىنىڭ بەيبىتشىلىك، حاۋىپسىزدىك، گۇلدەنۋ، العا باسۋ سىندى نۇرلى بولاشاققا بەت الۋىن ىلگەرىلەتۋى كەرەك.

شي جينپيڭ بىلاي دەپ اتاپ كورسەتتى: حالىقارالىق جاعداي قالاي وزگەرسە دە، جۇڭگونىڭ افريكاعا شىنايى دا ادال ساياساتتىق ۇستانىمى وزگەرمەيدى، جۇڭگو مەن افريكانىڭ تاۋقىمەتتى بىرگە وتكەرەتىن، ءوزارا قارايلاساتىن اۋەلگى ماقساتى وزگەرمەيدى، جۇڭگو مەن افريكانىڭ سەلبەسىپ تەڭ يگىلىككە كەنەلۋ، بىرگە دامۋ ءتۇبىرلى ماقساتى وزگەرمەيدى. جۇڭگو، ءسوز جوق، ايتقان سوزىندە تۇرادى، ارەكەتتەن، ءسوز جوق، ناتيجە شىعارادى، كەنيانى قامتىعان افريكا ەلدەرىمەن بىرگە، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسىنىڭ اناعۇرلىم كوپ العاشقى تابىستارىن قالىپتاستىرۋدى ىلگەرىلەتىپ، افريكا حالقىنا اناعۇرلىم جاقسى تيىمدىلىك جەتكىزىپ، جۇڭگو مەن افريكانىڭ بىرلەسىپ ءوزىن الۋەتتەندىرۋ، ىنتىماقتاسا سەلبەسۋ سىندى ءداۋىر ءۇنىن ۇزدىكسىز تاراتىپ، جوعارى ساپالى جۇڭگو - افريكا سەلبەستىگى ارقىلى دۇنيە ءجۇزىنىڭ وڭتۇستىگىنىڭ سەلبەستىگىنە جەتەكشىلىك ەتۋدى ىلگەرىلەتۋدى قالايدى.

شي جينپيڭ بىلاي دەپ باسا دارىپتەدى: كەدەن باجىسى سوعىسىندا، ساۋدا سوعىسىندا جەڭىمپاز بولمايدى. جۇڭگو سويقان شىعارمايدى، سويقاننان قورىقپايدى دا، دۇنيە جۇزىندەگى ەلدەرمەن بىرگە ءتۇرلى سىندارعا توتەپ بەرىپ، ءوزىنىڭ ورىندى ۇقىق - مۇددەسىن، حالىقارالىق ساۋدا ەرەجەسىن، حالىقارالىق ادىلدىك پەن ادىلەتتىلىكتى قورعاۋدى قالايدى.

رۋتو مىنالاردى ءبىلدىردى: كەنيا مەن جۇڭگو باستان - اياق شىنايى مامىلە جاساۋعا، ءوزارا پايدا جەتكىزىپ، تەڭ يگىلىككە كەنەلۋگە تاباندى بولىپ كەلەدى، ەكى ەلدىڭ سەلبەستىگىندە ورتاق ارمان بار، حالىقتى وزەك ەتۋگە تاباندى بولۋدا، ەكى ەل − بارلىق جاعدايدا بىردەي ستراتەگيالىق سەلبەستىك سەرىكتەرى. كەنيا جاق ءبىر جۇڭگو ساياساتىن باتىل اتقارىپ، تايۋان − جۇڭگو تەرريتورياسىنىڭ ايرىلماس ءبىر بولەگى دەگەنگە تاباندى بولادى. كەنيا جاق جۇڭگو ۇكىمەتى مەن حالقىنىڭ كەنيانىڭ نەگىزدىك قۇرىلعى دەڭگەيىن جوعارىلاتۋىنا، جاراتىلىستىق اپاتتارعا توتەپ بەرۋىنە قالتقىسىز كومەك كورسەتكەندىگىنە العىس ايتادى، مومباسا - نايروبي تەمىر جولى سياقتى ”ءبىر بەلدەۋ، ءبىر جول“ نىساندارى كەنيانىڭ مەملەكەتتى دامىتۋىن پارمەندى ىلگەرىلەتتى. كەنيا جاق جۇڭگو جاقپەن تاعدىرلاس ورتاق تۇلعا قۇرىپ، ەكونوميكالىق، قوعامدىق دامۋ ستراتەگيالارىن جاپپاي ۇشتاستىرىپ، ساۋدا، قارجى قوسۋ، نەگىزدىك قۇرىلعى قۇرىلىسى، عىلىم - تەحنيكا سياقتى سالالارداعى سەلبەستىكتى كۇشەيتىپ، وقۋ - اعارتۋ، مادەنيەت، ساياحات اۋىس - كۇيىسىن كۇشەيتىپ، ءوز - ءوزىنىڭ وسىزاماندانۋ اياق الىسىن ىلگەرىلەتىپ، ەكى ەلدىڭ بولاشاعىن اناعۇرلىم تىعىز بايلانىستىرۋدى قالايدى. جۇڭگو - افريكا سەلبەستىگى افريكانىڭ بەيبىت دامۋىنا ءتيىمدى، كەنيا جاق جۇڭگو جاقپەن تىعىز سايكەسىپ، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسىنىڭ جەتىستىكتەرىن ويداعىداي تياناقتاندىرۋدى قالايدى. ساۋدا سوعىسى قازىرگى حالىقارالىق ەرەجەلەر مەن تارتىپتەردى ءبۇلدىردى. كەنيا جاق جۇڭگونىڭ قازىرگى اۋمالى - توكپەلى جاعدايدا ورنىقتىرعىش رولىن ساۋلەلەندىرىپ، دۇنيە جۇزىندەگى وڭتۇستىك ەلدەرىنىڭ ورىندى ۇقىق - مۇددەسىن قورعاعاندىعىن القايدى. كەنيا جاق جۇڭگو جاقپەن بىرگە كوپ جاقتىلىققا تاباندى بولۋدى جانە ونى امالياتتا ايگىلەۋدى قالايدى.

كەڭەستەن كەيىن ەكى ەلدىڭ مەملەكەت باسشىلارى ”ءبىر بەلدەۋ، ءبىر جولدى“ بىرگە قۇرۋ، جوعارى، جاڭا عىلىم - تەحنيكا، گۋمانيتارلىق اۋىس - كۇيىس، ەكونوميكا - ساۋدا، اقپارات قۇرالدارى سياقتى سالالارداعى 20 سەلبەستىك قۇجاتىنا قول قويۋعا بىرگە كۋا بولدى.

ەكى جاق «جۇڭحۋا حالىق رەسپۋبليكاسى مەن كەنيا رەسپۋبليكاسىنىڭ جاڭا داۋىردەگى جۇڭگو - افريكا تاعدىرلاس ورتاق تۇلعاسىنىڭ ۇلگىسىن سومداۋ جونىندەگى بىرلەسكەن مالىمدەمەسىن» جاريالادى.

كەڭەستەن ىلگەرى شي جينپيڭ مەن حانىمى پىڭ لييۋان حالىق سارايىنىڭ شىعىس قاقپاسىنىڭ سىرتىنداعى الاڭدا رۋتو مەن حانىمى لەيچەردى قارسى الۋ سالتىن وتكىزدى.

رۋتو كەلگەندە قۇرمەت قاراۋىلى ساپ تۇزەپ قۇرمەت ءبىلدىردى. شي جينپيڭ رۋتومەن بىرگە كوزدەن كەشىرۋ مىنبەسىنە شىقتى، اسكەري وركەستر جۇڭگو مەن كەنيانىڭ مەملەكەت اندەرىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى. رۋتو شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.

سول كۇنى تۇستە شي جينپيڭ مەن پىڭ لييۋان حالىق سارايىنىڭ التىن ءتۇستى زالىندا رۋتو مەن حانىمىنا ارناپ قارسى الۋ قوناعاسىن وتكىزدى.

ۋاڭ ي جوعارىداعى قيمىلدارعا قاتىناستى.

كەلۋ قاينارى: حالىق تورابى