مەملەكەتتىك ۇكىمەت قىزمەتكەرى ەمتيحانىنىڭ تولىقتاپ قابىلداۋ كەزەڭىنە تىزىمدەلۋ 5 – ايدىڭ 8 – كۇنى باستالدى 

جۇڭگو اقپارات تورابىنىڭ 5 – ايدىڭ 7 – كۇنى بەرگەن حابارى. مەملەكەتتىك ۇكىمەت قىزمەتكەرى مەڭگەرمەسى تورابىنىڭ حابارلاۋىنشا، ورتالىقتاعى ورگاندار مەن ولارعا قاراستى قۇرىلىمدارعا 2025 – جىلى ۇكىمەت قىزمەتكەرىن تولىقتاپ قابىلداۋعا تىزىمدەلۋ الدا باستالادى، ەمتيحانعا تىزىمدەلۋشىلەردىڭ 5 – ايدىڭ 8 – كۇنى ساعات 8:00 دەن 5 – ايدىڭ 10 – كۇنى ساعات 18:00 گە دەيىن ”ورتالىقتاعى ورگاندارعا جانە ولارعا قاراستى قۇرىلىمدارعا 2025 – جىلى ەمتيحان بويىنشا ۇكىمەت قىزمەتكەرىن قابىلداۋ ارناۋلى تاقىرىپتىق ينتەرنەت پاراقشاسىنا“ (http://bm.scs.gov.cn/kl2025) شىعۋ ارقىلى تىزىمدەلۋىنە بولادى، بەتپە – بەت ەمتيحان 5 – ايدىڭ ورتا، اياق شەنىندە الىنادى.

وسى رەتكى تولىقتاپ قابىلداۋعا 27 تاراۋ قاتىناسادى، 2577 قىزمەتكەر قابىلداۋ جوسپارلانعان، مۇندا 1900 دەن استام قىزمەتكەردى جوعارى مەكتەپتەن وقۋ بىتىرەتىن جىلدىقتاعىلاردان قابىلداۋ جوسپارلانعان. ورتالىقتاعى ورگاندار مەن ولارعا قاراستى قۇرىلىمدارعا 2025 – جىلى ەمتيحان ارقىلى ۇكىمەت قىزمەتكەرىن قابىلداۋ ەمتيحانىنىڭ جازباشا ەمتيحانىنا قاتىناسقان، الەۋمەتتىك پاندەر بويىنشا جازباشا ەمتيحان ناتيجەسى تولىمدى بولعان، الايدا باستاپقى تىزىمدەلگەن قىزمەت ورنىنا قابىلدانباعانداردىڭ تىزىمدەلۋىنە بولادى.

كەلۋ قاينارى: حالىق تورابى