400 دەن استام جوعارى مەكتەپ وقۋ – اعارتۋ بايلىق قاينارىن ورتاقتاسىپ، جالپى حالىقتىق ومىرلىك ۇيرەنۋ جاعىندا قىزمەت وتەيدى 

شينحۋا اگەنتتىگىنىڭ ءتىلشىسى حۋاڭ حاۋران، جۋ يۇينو 5 – ايدىڭ 8 – كۇنى نانچاڭنان حابارلايدى. 5 – ايدىڭ 8 – كۇنى، 2025 – جىلعى جالپى حالىقتىق ومىرلىك ۇيرەنۋ قيمىل اپتالىعى جياڭشي ولكەسىنىڭ نانچاڭ قالاسىندا باستالدى. قيمىل مەزگىلىندە 6 جوعارى مەكتەپتىڭ باستاماشىلدىعىمەن 400 نەشە جوعارى مەكتەپ اتسالىسقان ”پاراساتتىلىقپەن بولاشاققا جول اشىپ، ۇيرەنۋ ارقىلى ءومىردى نارلەندىرۋ: جوعارى مەكتەپتەردىڭ وقۋ – اعارتۋ بايلىعىن ورتاقتاسىپ، جالپى حالىقتىق ومىرلىك ۇيرەنۋ جاعىندا قىزمەت وتەۋ قيمىلى“ رەسمي باستالعان.

قيمىلعا اتسالىساتىن جوعارى مەكتەپتەر وقۋ – اعارتۋ مينيسترلىگىنە توتە قاراستى جوعارى مەكتەپتەر، جەرگىلىكتى جاي جوعارى مەكتەپتەر، جوعارى دارەجەلى كاسىپتىك مەكتەپتەر، اشىق داشۋەلەر قاتارلىلار، ومىرلىك ۇيرەنۋ نىسانىنان 700 نەشە نىساندى ورتاعا قويادى، بۇل نىساندار سيفرلى تەحنيكانى اشۋ، جاساندى زەردەنى پايدالانۋ، اۋىل – قىستاقتى گۇلدەندىرۋ، ەنەرگيا جانە ەلەكتر قۋاتى قاتارلى سالالاردى قامتىپ، شارۋا جۇمىسكەرلەر، اۋىل – قىستاقتاعى وقىتۋشىلار، قارتتار قاتارلى ءتۇرلى توپتاعىلارعا باعىتتالا وتىرىپ، ۇيرەنگىش تيپتەگى قوعامدى كوركەيتۋگە بىرگە قىزمەت وتەيدى.

كەلۋ قاينارى: حالىق تورابى