ەكولوگيالىق ورتا مينيسترلىگى: موتورلى كولىكتەردىڭ، اسىرەسە، جۇك اۆتوكولىكتەرىنىڭ ىعىستىرۋ ماسەلەسىن باقىلاۋ – باسقارۋ ءتىپتى دە قاتاڭ بولادى

جۇڭگو اقپارات تورابىنىڭ 5 – ايدىڭ 8 – كۇنى بەيجيڭنەن بەرگەن حابارى. ەكولوگيالىق ورتا مينيسترلىگى تورابىنىڭ حابارىنا قاراعاندا، ەكولوگيالىق ورتا مينيسترلىگى قاتارلى 9 تاراۋ تاياۋدا «موتورلى كولىكتەردىڭ ورتاسىن باقىلاپ – باسقارۋدى اناعۇرلىم ساپالىلاندىرۋ جونىندەگى پىكىردى» (تومەندە قىسقاشا «پىكىر» دەلىنەدى) جاريالاپ، موتورلى كولىكتەردىڭ، اسىرەسە، جۇك اۆتوكولىكتەرىنىڭ ىعىستىرۋ ماسەلەسىن باقىلاپ – باسقارۋ جونىندە اناعۇرلىم قاتاڭ بەلگىلەمە شىعارعان.

«پىكىردە» مىنالار ايقىن بەلگىلەندى: جۇك اۆتوكولىكتەرىنىڭ پارىقتى مەرزىم بويىنشا ىعىستىرۋىن تەكسەرۋ ءتۇزىمى سىناق رەتىندە اتقارىلادى، جالپى ساپاسى 3.5 توننادان جوعارى ديزەل جۇك اۆتوكولىكتەرىنە الىس ارالىقتى ىعىستىرۋدى باسقارۋ اۆتوكولىكتەرىنىڭ تەرمينالى ورنالاستىرىلادى ءارى تالاپ بويىنشا ەكولوگيالىق ورتا تاراۋلارىنا قاتىستى ىعىستىرۋ ساندى مالىمەتتەرى جولدانادى.

«پىكىردە» مىنالار تالاپ ەتىلدى: جۇك اۆتوكولىكتەرىنەن ۇلگى الىپ تەكسەرۋدى كۇندەلىكتى باقىلاۋ - باسقارۋ جانە زاڭنىڭ اتقارىلۋىن تەكسەرۋ جوسپارىنا ەنگىزۋ كەرەك. قازىرگى جۇك تاسىمال ارناسىنىڭ شەكتەن تىس جۇك تيەۋىن تەكسەرۋ پۋنكتى، ماڭىزدى قاتىناس توسقاۋىلدارى قاتارلىلارعا سۇيەنىپ، ەكولوگيالىق ورتا، قوعام حاۋىپسىزدىگى، قاتىناس ـ تاسىمال قاتارلى تاراۋلار بىرلەسىپ جول تەكسەرۋ قىزمەتىن ورىستەتەدى. ءتۇيىندى اۆتوكولىك ىستەتەتىن ورىندار، تاسىمال سەرىكتىكتەرى، پورت كەمەجايى، زات اينالىمى باقشا رايونى قاتارلى جەرلەردە اۆتوكولىكتەرگە قاراتا تەكسەرۋ جۇرگىزۋ كەرەك. لاستانۋدى تىزگىندەۋ قوندىرعىسىن قالىپسىز پايدالانۋ، قالىپسىز ۋرەا قوسۋ، اۆتوكولىكتەردىڭ ىعىستىرۋىنا تۇجىرىم جاساۋ جۇيەسىن (OBD) قالىپسىز پايدالانۋ، لاستانۋدى تىزگىندەۋ قوندىرعىسىن ءوز بەتىمەن وزگەرتىپ ورناتۋ، OBD دى ءوز بەتىمەن وزگەرتۋ، قارا ءتۇتىن بۋداقتاۋ قاتارلى ”ءۇشتى ورىنداماۋ، ەكىنى وزگەرتۋ، قارا ءتۇتىن بۋداقتاۋ“ ماسەلەسىن ءتۇيىندى تۇردە تەكسەرۋ كەرەك. ماسەلە بايقالعان كولىكتەردى مەرزىمى وتكەنگە دەيىن تۇزەتپەسە نەمەسە تەكسەرگەن سايىن قايتا – قايتا قايشىلىق جاساسا، ءتۇيىندى باسقارۋ تىزىمدىگىنە ەنگىزىپ، زاڭعا قايشى ارەكەت بولسا، زاڭ بويىنشا اكىمشىلىك جازا بەرۋ كەرەك.

بۇدان سىرت، موتورلى كولىكتەردىڭ لاس شىعارۋىن تەكسەرۋ قۇرىلىمدارىنىڭ بازارعا كىرۋىنە رۇقسات ەتۋدى باسقارۋدى كۇشەيتىپ، تەكسەرۋ - ولشەۋ قۇرىلىمدارىنىڭ تولىمدىلىعىن تۇراقتاندىرۋدىڭ ادەتتەگى ءتارتىبىن ءبىرتۇتاس قولدانادى. زاڭعا قايشىلىق جاساعان، ءىسى اۋىر موتورلى كولىكتەردىڭ لاس شىعارۋىن تەكسەرۋ قۇرىلىمدارىنىڭ تەكسەرۋ تولىمدىلىعىن زاڭ بويىنشا كۇشىنەن قالدىرادى.

كەلۋ قاينارى: حالىق تورابى