ءاليشير، باكىرام بەيجيڭ دەنە تاربيە داشۋەسىنە ەمتيحانسىز قابىلداندى

5 – ايدىڭ 6 – كۇنى، دەنە تاربيە باس مەكەمەسىنىڭ عىلىم ـ تەحنيكا جانە وقۋ ـ اعارتۋ مەڭگەرمەسى 2025 ـ جىلعى تاڭداۋلى سپورتشىلاردى تولىق كۋرسقا ەمتيحانسىز قابىلداۋعا ۇسىنىلعانداردىڭ ەسىمدىگىن اشىق جاريالادى. مۇنىڭ ىشىندە جۇڭگو جەڭىل اتلەتيكا كومانداسىنىڭ ەرلەر 400 مەتر قىسقا ارالىققا جۇگىرۋ سپورتشىسى ءاليشير ومەر مەن جۇڭگو ەرلەر فۋتبول مەملەكەتتىك كومانداسىنىڭ مۇشەسى باكىرام ابدۋالي بەيجيڭ دەنە تاربيە داشۋەسىنە ەمتيحانسىز قابىلداناتىن بولدى.

ءاليشير بيىل 19 جاستا، شينجياڭ باي اۋدانى ونباش اۋىلىندا دۇنيەگە كەلگەن. 2024 – جىلى 3 – ايدا، ول 45 سەكۋند 79 تاقىلدىق ناتيجەمەن ەرلەردىڭ 400 مەترلىك بولمە ىشىندەگى جارىسىنىڭ مەملەكەتتىك رەكوردىن جاڭالادى. وسىدان كەيىن تاعى دا 45 سەكۋند 53 تاقىلدىق ناتيجەمەن ءوزىنىڭ دالالىق جارىستاعى ەڭ جاقسى ناتيجەسىن جاڭالادى. ول قازىر مىندەت وتەپ جاتقان وسى نىسانداعى ەل ىشىندەگى بىردەن - ءبىر حالىقارالىق سپورت ساڭلاعى.

باكىرام بيىل 22 جاستا، شينجياڭنىڭ قۇلجا قالاسىندا دۇنيەگە كەلگەن، جۇڭگو ەرلەر فۋتبول كومانداسىنىڭ نەگىزگى سپورتشىسى، سونداي ـ اق جۇڭگو فۋتبول كومانداسىنىڭ ەرەسەكتەر مەملەكەتتىك كومانداسى اتىنان رەسمي حالىقارالىق جارىسقا قاتىناسقان بىردەن - ءبىر شينجياڭدىق سپورتشى.

بۇدان سىرت، شينجياڭنان بوكس، بالۋان، رۋداۋ قاتارلى نىساندار بويىنشا شىققان كوپتەگەن تاڭداۋلى سپورتشىلار بەيجيڭ دەنە تاربيە داشۋەسى، شينجياڭ پەداگوگيكا داشۋەسى قاتارلى جوعارى مەكتەپتەرگە ەمتيحانسىز قابىلداندى.

كەلۋ قاينارى: حالىق تورابى