ج ك پ ورتالىق كوميتەتى، مەملەكەتتىك كەڭەس «ەكولوگيالىق ورتانى قورعاۋدى باقىلاۋ - تەكسەرۋ قىزمەت ەرەجەسىن» باسىپ تاراتتى

ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋى — پارتيا ورتالىق كوميتەتىنىڭ ەكولوگيالىق وركەنيەت قۇرىلىسىن ىلگەرىلەتۋدەگى كەلەلى شاراسى. ج ك پ ورتالىق كوميتەتى، مەملەكەتتىك كەڭەس تاياۋدا «ەكولوگيالىق ورتانى قورعاۋدى باقىلاۋ - تەكسەرۋ قىزمەت ەرەجەسىن» باسىپ تاراتتى.

ەرەجەدە بىلاي دەپ بەلگىلەنگەن: پارتيا ورتالىق كوميتەتىنىڭ ورتالىقتانعان ءبىرتۇتاس باسشىلىعىندا، ورتالىق پەن ولكە، اۆتونوميالى رايون، توتە قاراستى قالا سىندى ەكى دارەجەلى ەكولوگيالىق ورتانى قورعاۋدى باقىلاۋ ـ تەكسەرۋ ءتۇزىمىن اتقارۋ كەرەك. ولكە، اۆتونوميالى رايون، توتە قاراستى قالالاردىڭ ەكولوگيالىق ورتانى قورعاۋدى باقىلاۋ - تەكسەرۋى ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋىنىڭ جالعاسى جانە تولىقتاۋشىسى.

ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ وبيەكتىسى مىناداي ءتورت ءتۇيىندى قامتيدى: ولكەلىك، اۆتونوميالى رايوندىق، توتە قاراستى قالالىق پارتكومدار مەن ۇكىمەتتەر؛ ەكولوگيالىق ورتا مينيسترلىگى، ماڭىزدى ەكولوگيالىق ورتانى قورعاۋ مىندەتىن ۇستىنە العان مەملەكەتتىك كەڭەستىڭ قاتىستى تاراۋلارى؛ شۇعىلدانعان ءوندىرىس - تيجارات قيمىلدارىنىڭ ەكولوگيالىق ورتاعا جاسايتىن ىقپالى ءبىرشاما زور قاتىستى ورتالىق كاسىپورىندارى؛ پارتيا ورتالىق كوميتەتى باقىلاۋ - تەكسەرۋدى تالاپ ەتكەن باسقا دا ورىندار.

ولكە، اۆتونوميالى رايون، توتە قاراستى قالالاردىڭ ەكولوگيالىق ورتانى قورعاۋدى باقىلاۋ - تەكسەرۋ وبيەكتىسى ءوز اكىمشىلىك وڭىرىندەگى ايماق، قالا دارەجەلى پارتكومدار مەن ۇكىمەتتەر، ولكە دارەجەلى ەكولوگيالىق ورتانى باسقارۋشى تاراۋلار، ولكە دارەجەلى ۇكىمەتتەردىڭ قاتىستى تاراۋلارى، ولكەگە قاراستى قاتىستى كاسىپورىندار قاتارلىلار.

كەلۋ قاينارى: حالىق تورابى