لي شي كۋبانىڭ سىرتقى ىستەر مينيسترى رودريگەسپەن كەزدەستى

شينحۋا اگەنتتىگى، 5 - ايدىڭ 12 - كۇنى، بەيجيڭ.: جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي 5 - ايدىڭ 12 - كۇنى بەيجيڭدە جۇڭگو - لاتىن امەريكاسى تالقى مىنبەرىنىڭ 4 - كەزەكتى مينيستر دارەجەلىلەر ماجىلىسىنە قاتىناسۋ ءۇشىن جۇڭگوعا كەلگەن كۋبانىڭ سىرتقى ىستەر مينيسترى رودريگەسپەن كەزدەستى.

لي شي مىنالاردى ءبىلدىردى: ءتوراعا شي جينپيڭ مەن ءتوراعا دياز - كانەلدىڭ ستراتەگيالىق جەتەكشىلىگىندە، جۇڭگو - كۋبا تاعدىرلاس ورتاق تۇلعا قۇرىلىسىندا ۇزدىكسىز تىڭ تابىستارعا قول جەتتى. بيىل − جۇڭگو مەن كۋبانىڭ ديپلوماتيالىق قارىم - قاتىناس ورناتقاندىعىنىڭ 65 جىلدىعى، جۇڭگو جاق كۋبانىڭ ءوز مەملەكەت جاعدايىنا ۇيلەسەتىن سوتسياليستىك دامۋ جولىمەن ءجۇرۋىن بۇرىنعىداي باتىل قولدايدى، كۋبا جاقپەن ساياسي سەنىمدىلىكتى تەرەڭدەتىپ، اۋىس - كۇيىستى، ءوزارا ۇلگى الۋدى كۇشەيتىپ، ستراتەگيالىق سەلبەستىكتى جيىلەتىپ، جۇڭگو مەن كۋبا پارتيالارىنىڭ، ەلدەرىنىڭ ەرەكشە دوستىق قارىم - قاتىناسىنىڭ ۇزدىكسىز تىڭ دامۋعا قول جەتكىزۋىن ىلگەرىلەتۋدى قالايدى. لي شي تاعى جۇڭگو كوممۋنيستىك پارتياسى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسى مەن جۇڭگو كوممۋنيستىك پارتياسىنىڭ ورتالىقتىڭ سەگىز ءتۇرلى بەلگىلەمەسىنىڭ رۋحىن ۇيرەنۋ تاربيەسى جاعدايىن تانىستىردى.

رودريگەس مىنانى ءبىلدىردى: جۇڭگو جاقتىڭ كۋبانىڭ ەكونوميكالىق، قوعامدىق دامۋىنا وراسان زور قولداۋ كورسەتكەنىنە العىس ايتامىن، كۋبا جاق ءبىر جۇڭگو پرينسيبىن باتىل اتقارادى، ەكى ەلدىڭ دوستىق قارىم - قاتىناسىن ونان ارى تەرەڭدەتىپ، لاتىن امەريكاسى مەن جۇڭگونىڭ قارىم - قاتىناسىنىڭ دامۋىن ىلگەرىلەتۋدى قالايدى.

كەلۋ قاينارى: حالىق تورابى