بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.05.13 16:30 كەلۋ قاينارى : حالىق تورابى
«حالىق گازەتى»، 5 - ايدىڭ 12 - كۇنى، بەيجيڭ (ءتىلشىز وۋياڭ جيە). مەملەكەتتىك استىق جانە زات زاپاسى مەكەمەسى 5 - ايدىڭ 12 - كۇنى جاريالاعان ساندى مالىمەتتە كورسەتىلۋىنشە، 2025 - جىلى 4 - ايدىڭ سوڭىنا دەيىن 2024 - جىلعى كۇزگى استىقتى قاۋىرت ساتىپ الۋ مەزگىلى تولىق اياقتالىپ، جالپى 345 ميلليون توننا كۇزگى استىق ساتىپ الىنىپ، سوڭعى جىلداردان بەرگى ءبىرشاما جوعارى ورەگە جەتكەن.
كۇزگى استىق بازارعا سالىنعاننان كەيىن مەملەكەتتىڭ قاتىستى تاراۋلارى بازارلانعان ساتىپ الۋ مەن ساياساتتىق جيناۋ، ساقتاۋدى ءبىر تۇتاس جوسپارلاپ، بازاردى باقىلاۋ - ولشەۋدى، تالداۋ جاساۋدى كۇشەيتىپ، مەجەلى جەتەكشىلىكتى كۇشەيتىپ، شارۋالاردىڭ استىق ساتۋ ارناسىن كوپ ءتۇرلى شارامەن ىركىلىسسىزدەندىرىپ، كۇزگى استىق ساتىپ الۋ بازارى جاندانىپ، قارقىنى ءبىرشاما تەزدەپ، باعاسى جوعارىلادى.
مەملەكەتتىك استىق جانە زات زاپاسى مەكەمەسى استىق زاپاسى تارماق مەكەمەسىنىڭ باستىعى لو شوۋچۋان مىنانى ءبىلدىردى: مەملەكەتتىڭ قاتىستى تاراۋلارى ءبىرقىدىرۋ ساياساتتىق شارانى دەر كەزىندە اقىلداسىپ شىعارىپ، جيناۋ تەبىنىن ارتتىرىپ، بازار سەنىمىن سەرپىلتىپ، استىق باعاسىنىڭ ورنىقتى جوعارىلاۋىن ىلگەرىلەتتى. كۇزگى استىق ساتىپ الۋ قارقىنى بىلتىرعىدان تەز بولدى، سورتقا ءبولۋ تۇرعىسىنان قاراعاندا، ءبىرشاما كەش پىساتىن ۇشكىل كۇرىشتەن 60 ميلليون توننا، جاتاعان كۇرىشتەن 45 ميلليون توننا، جۇگەرىدەن 227 ميلليون توننا، سويا بۇرشاقتان 13 ميلليون توننا ساتىپ الىنعان.
تانىستىرۋعا قاراعاندا، ەلىمىزدىڭ كۇزگى استىق ساتىپ الۋى نەگىزىنەن ءبىرشاما كەش پىساتىن كۇرىش، جۇگەرى جانە سويا بۇرشاقتى قامتيدى ەكەن، قاۋىرت ماۋسىمداعى ساتىپ الۋ مەزگىلى سول جىلعى 9 - ايدىڭ ورتا، سوڭعى شەنىنەن باستالىپ، كەلەر جىلعى 4 - ايدىڭ سوڭىندا اياقتالادى ەكەن. كۇزگى استىق ساتىپ الۋ تۇتاس جىلداعى استىق ساتىپ الۋ مولشەرىنىڭ 4/3 ىن ۇستايدى، ءتۇرى كوپ، كولەمى كەڭ، سانى كوپ، تۇتاس جىلدىق استىق ساتىپ الۋ قىزمەتىندە ەڭ ماڭىزدى ورىندا تۇرادى.
قازىر جازعى استىق ءوندىرىسىنىڭ جاعدايى جالپى جاقتان ءبىرشاما جاقسى، ءبيداي، قىشى وڭتۇستىكتەن سولتۇستىككە قاراي ىركەس - تىركەس ورىلىپ، بازارعا شىعارىلادى. جازعى استىق ساتىپ الۋدىڭ ءتۇرلى دايىندىق قىزمەتتەرى تارتىپپەن ورىستەتىلۋدە.
كەلۋ قاينارى: حالىق تورابى
