گۇيجوۋ جياڭكوۋ اۋدانى ەرەكشەلىككە يە جەتەكشى كاسىپ سالالارىن جەتىلدىردى

جاز باسى، گۇيجوۋدىڭ جەر - جەرىندە كوكتەمگى شاي ارت - ارتىنان جينالا باستادى، تۇڭرىن قالاسى جياڭكوۋ اۋدانى نۋشي قالاشىعى لوشياڭ قىستاعىنداعى جاپ - جاسىل شاي باقشاسىندا شاي ەگەتىن شارۋالار جاسىل شاي جاپىراقتارىن جيناۋمەن ابىگەر بولدى.

”ماۋسىم وتكەن سوڭ عانا جيناپسىزدار، ساتىلماي قالۋدان الاڭدامايسىز با؟“

شاي ەگەتىن ءىرى وتباسى مۇشەسى ياڭ ماۋحۋا بايىپتىلىقپەن بىلاي دەدى: ”اسىقپايمىز، شاي جاپىراعىن كۇن نۇرىن توساتىن توردىڭ استىندا 7 سانتيمەتر ۇزارتا وسىرەمىز، ماشينامەن ورىپ، ساباعىن الىپ تاستاپ، تامىرىن ارشىپ، تومەن تەمپەراتۋرادا شاي شيكىزاتىن دايىندايمىز“.

بىلتىر ونىڭ شاي ءوندىرىس جەلىسىندە 11 توننا شاي ءوندىرىلىپ، 500 مىڭ يۋاننان استام ناق پايدا تاپتى. بيىل ياڭ ماۋحۋا تاعى ءبىر ميلليون 880 مىڭ يۋان قارجى قوسىپ، ەكىنشى ءوندىرىس جەلىسىن جاڭادان اشتى.

ماتەريالدىق شاي دايىنداۋ قيان - كەسكى كوكتەمگى شاي بازارىن اشۋمەن بىرگە، شاي جيناۋ ماۋسىمىندا ادام تابۋ قيىن، قولمەن جيناۋدىڭ وزىندىك قۇن جوعارى بولۋ ماسەلەسىن شەشتى. الايدا، ياڭ ماۋحۋا ”ساتۋ جولىنان تيتتەي دە تارىقپايدى، ماتەريالدىق شاي دايىنداپ، تىكەلەي گۇيجوۋ شاي توبىنا ساتىپ، جىنتىكتەي مانەرلەۋ بۋىنىنا جىبەرەدى“.

بيىل 3 - ايدا باس شۋجي شي جينپيڭ گۇيجوۋدا قىزمەت تەكسەرگەندە: ”جەرگىلىكتى جاعدايعا قاراي وسى زامانعى تاۋلى ءوڭىر ەرەكشەلىگىندەگى جوعارى ءونىمدى اۋىل شارۋاشىلىعىن دامىتىپ، باياندى بازار باسەكەلىك قۋاتى بار، ەرەكشەلىككە يە جەتەكشى كاسىپ سالاسىن جەتىلدىرۋ كەرەك“ دەپ باسا دارىپتەدى.

ەزبە شاي كاسىپ سالاسى − جياڭكوۋ اۋدانى كۇش سالا جەتىلدىرگەن ەرەكشەلىككە يە جەتەكشى كاسىپ سالاسى. جياڭكوۋ اۋدانى فانجيڭ تاۋىنىڭ ەتەگىنە ورنالاسقان، شاي ەگۋ شارت - جاعدايى وزگەشە، شاي باقشاسىنىڭ اۋدانى 160 مىڭ مۋعا تايايدى. جەرگىلىكتى ورىن دەنساۋلىق، جاڭاشا تۇتىنۋ جاڭا اۋقىمىنا سايكەسىپ، جاڭا شاي ءىشۋ، قاقتاۋ سياقتى وراسان زور بازار كومەسكى كۇشىن ءداپ باسىپ تانىپ، شاي بازارىنا بار كۇشپەن جورىق جاسادى.

باستاماشى كاسىپورىندار جەتەكشىلىك ەتىپ، كاسىپ سالاسى كولەمدەنۋگە بەت الدى.

جياڭكوۋ اۋدانى گۇيشچا توبىن ەنگىزىپ، 4 وزىق سۇرىپتاپ جاساۋ ءوندىرىس جەلىسىن قۇرىپ، 340 مۋلىق كاسىپ سالاسى باقشاسىن قۇردى. جوعارعى اعارمەن بىرلەسىپ قيمىلداعان 10 كولەمدەنگەن كاسىپورىن، 100 شاي مانەرلەۋ زاۆودى، 1000 وتباسىندىق ەگىس الاڭى، 100 مىڭعا جۋىق شاي ەگەتىن شارۋا، تومەنگى اعاردا بۇكىل ەلدىڭ كوپ جەرىندەگى ءسۇتتى شاي دۇكەندەرىمەن، كوفەحانالارمەن، ءتاتتى بۇيىمدار دۇكەندەرىمەن سەلبەستىك جاساپ، حالىقارالىق بازاردى اشتى.

”ءبىز جياڭكوۋدان ’ەزبە شاي ەرەكشە زاۆود‘ قۇردىق“. گۇيچا توبىنىڭ باس جوراسى مىڭ زۋدى بىلاي دەپ تانىستىردى: 2024 - جىلى ءبىزدىڭ ەزبە شاي ءونىمىمىز ءبىر مىڭ 200 توننادان اسىپ، ءونىم قۇنى 302 ميلليون يۋانعا جەتىپ، ونىمدەرىمىز 40 نەشە مەملەكەت پەن رايونعا ساتىلدى.

عىلمي ەگۋدى جالپىلاستىرىپ، ساپانى تۋ باستان جوعارىلاتتى.

”اۋدان عىلىم - تەحنيكا قىزمەتكەرلەرىن اتىز باسىنا بارىپ، اتىز باسىندا جەتەكشىلىك ەتۋگە تاڭداپ جىبەرىپ، شاي ەگۋ، توپىراق ساپاسى، شىرپۋ، سۋ مەن تىڭايتقىشتى باسقارۋ سياقتى جاقتاردان جان - جاقتى جەتەكشىلىك ەتتى“ دەدى جياڭكوۋ اۋداندىق اۋىل شارۋاشىلىعى، اۋىل - قىستاق مەكەمەسىنىڭ باستىعى چىن مين.

جياڭكوۋ اۋدانى شاي اتىزىن جاڭالاۋدى ساتىلى تۇردە ىلگەرىلەتىپ، 30 مىڭ مۋ شاي شيكىزاتى بازاسىن وزگەرتىپ، الداعى جەردە 60 مىڭ مۋ جەردى جاڭالاۋدى جوسپارلادى.

مۇددە بايلانىسىن كەمەلدەندىرىپ، ءتىپتى دە كوپ اۋىلداستاردى بايۋعا جەتەكتەدى.

”كەدەيلىكتەن ارىلعان بۇقارا جاڭالاۋعا قاتىناسىپ، ءار مۋ شاي باقشاسىنا 500 يۋان قوسىمشا قاراجات بەرىلدى؛ 5 مۋدان جوعارى وتباسىلىق ەگىس الاڭى تەكسەرىپ وتكىزىپ الۋدا تولىمدى بولعاننان كەيىن، اۋدان 20 مىڭ يۋان سيلىق بەردى“. لوشياڭ قىستاعى پارتيا ياچەيكاسىنىڭ شۋجيى چۋە سۇڭحان تيىمدىلىك جاساۋ ساياساتىن اشالاپ ءتۇسىندىردى.

لوشياڭ قىستاعى 5 ماتەريالدىق شاي كاسىپورنىن قۇردى، قىستاق تۇرعىندارىنىڭ جان باسىندىق كىرىسى 2018 - جىلعى 7 مىڭ يۋاننان ارتىپ، بىلتىر 16 مىڭ 500 يۋانعا جەتتى.

ەزبە شاي ارقىلى اتاعى شىقتى، سونداي - اق جاڭادان گۇلدەنگەن كاسىپ كۇيىن جانداندىردى.

اۋدان ورتالىعىنداعى فانحۋا مادەنيەت ساياحاتىن سەزىنۋ كوشەسىندە ەزبە شاي دۇكەنىن اشقان دىڭ يىڭحۇڭ ونىمدە جاڭالىق اشۋعا ەرەكشە ءمان بەرىپ، ەزبە شاي شارابى، ەزبە شاي كەسپەسى سياقتى جاڭا ونىمدەردى جاسادى.

”ساۋدا كۇسەت كەزدە ءار كۇنى 200 − 300 ادام دۇكەنگە كىرەدى، ايلىق ساتىلىم سوماسى 300 مىڭ يۋاننان استى. اۋدان ءتىپتى دە كوپ اۋىل شارۋاشىلىق مادەنيەت ساياحات نىساندارىن اشۋدا، ساۋدامىز بارعان سايىن كۇسەت بولادى“ دەدى دىڭ يىڭحۇڭ نىق سەنىممەن.

”ءبىز نەگىزدى ونان ارى بەكەمدەپ، بار كۇشپەن ساۋداگەر شاقىرىپ، كاسىپ سالاسىن گۇلدەندىرۋدىڭ، اۋداندى قۇدىرەتتەندىرۋدىڭ، حالىقتى اۋقاتتاندىرۋدىڭ ءبىر تۇلعالانىپ دامۋىن ىلگەرىلەتەمىز“ دەدى تۇڭرىن قالالىق حالىق قۇرىلتايى تۇراقتى كوميتەتى مەڭگەرۋشىسىنىڭ ورىنباسارى، جياڭكوۋ اۋداندىق پارتكومنىڭ شۋجيى ساۋ يۇڭ.

كەلۋ قاينارى: حالىق تورابى