ساپارداعى جۇڭگو | زاۆود جارىس الاڭىنا اينالدى، شىنياڭ قالاسى تيەشي رايونىندا ”زاۆودتاعى باسكەتبول جارىسى“ سەحتى شاتتىققا بولەدى 

”تىرس“ ەتكەن داۋىسپەن بىرگە باسكەتبولدىڭ دوپ تاستايتىن تورعا تۇسۋىمەن، دوپ تاستايتىن تور ارلى – بەرلى جەڭىل قوزعالدى، ۇپايعا يە بولعان شىعىس سولتۇستىك ءدارى – دارمەك جاساۋ زاۆودى كومانداسىنىڭ باسكەتبولشىلارى الاڭنىڭ شەتىندەگى كوماندالاستارىمەن الاقان سوعىستىرىپ، ۇپاي العاندارىن قۇتتىقتادى.

شىنياڭ قالاسى تيەشي رايونىنىڭ 2025 – جىلعى 2 – كەزەكتى ”زاۆودتاعى باسكەتبول جارىسىنىڭ“ شاعىن گرۋپپالىق جارىسىنىڭ ءبىرىنشى اينالىمى 5 – ايدىڭ 25 – كۇنى وتكىزىلدى. وسى رەتكى جارىس زاۆود رايونىنا قادام تاستاپ، شىنياڭ ستانوك زاۆودىنىڭ باسكەتبول الاڭىندا وتكىزىلدى. ەڭ سوڭىندا ءتورت كەزەڭدىك قارىمتا سىناسۋدان سوڭ، الدىڭعى كەزەكتى جارىستا ءۇشىنشى جۇلدەگەر بولعان شىعىس سولتۇستىك ءدارى – دارمەك جاساۋ زاۆودىنىڭ كومانداسى 51 : 43 ۇپايمەن شىنياڭ ستانوك زاۆودىنىڭ كومانداسىن جەڭىپ، العاشقى جارىستىڭ جەڭىسىنە قول جەتكىزدى.

”زاۆودتاعى باسكەتبول جارىسى“ كاسىپ سالاسىنداعى جۇمىسشىلار اراسىندا وتكىزىلەتىن باسكەتبول جارىسى، ولاردىڭ رۋحاني بەينەسى قىزعىلت دوپتىڭ قوزعالىسىمەن بىرگە جاستىقتىڭ ومىرشەڭدىك قۋاتىن ايگىلەدى. ۇعىسۋعا قاراعاندا، وسى رەتكى تيەشي رايونىندا وتكىزىلگەن ”زاۆودتاعى باسكەتبول جارىسى“ كاسىپورىندارداعى الدا سەحتار، مەكتەپ اۋلاسى، مادەنيەت جاسامپازدىعى مالىلەرى قاتارلى ورىنداردا جالعاستى وتكىزىلەتىن بولعان. ەكى ايلىق جارىس مەرزىمىندە جارىسقا قاتىناسقان 42 كوماندا 90 نەشە رەتكى تارتىمدى باسەكەنى كورەرمەنگە ۇسىنادى. (چيۋ يۇيجى، يىن بايحان)

كەلۋ قاينارى: حالىق تورابى