حالىق ىستەرى مينيسترلىگى الەۋمەتتىك يگىلىك جانە قايىرىمدىلىق سالاسىنداعى زاڭعا قايشى قوعامدىق ۇيىمدارعا ساياتىن تيپتىك دەلودان 8 دەلونى جاريالادى 

شينحۋا اگەنتتىگىنىڭ ءتىلشىسى جۋ گاۋشياڭ، ۋەي گۋانيۇي 5 – ايدىڭ 27 – كۇنى بەيجيڭنەن حابارلايدى. حالىق ىستەرى مينيسترلىگى 5 – ايدىڭ 27 – كۇنى الەۋمەتتىك يگىلىك جانە قايىرىمدىلىق سالاسىنداعى زاڭعا قايشى قوعامدىق ۇيىمدارعا ساياتىن تيپتىك دەلولاردى جاريالاعان.

”جۇڭگو قايىرىمدىلىق بىرلەستىگى دۇڭپيڭ قىزمەت وتەۋ پۋنكتى“ (”جۇڭگو قايىرىمدىلىق بىرلەستىگى دۇڭپيڭ قايىرىمدىلىق الەۋمەتتىك يگىلىك ۇيىمى“ دەپ تە اتالادى) ”چاڭتاي رايوندىق قايىرىمدىلىق قوعامى“، ”جۇڭحۋا ەرىكتىلەر بىرلەستىگى شۇيپۋ قىزمەت وتەۋ پۋنكتى“، ”لياۋنيڭ يىڭكوۋ مەيىر باعىشتاۋ ەرىكتىلەر بىرلەستىگى“، ”پۋتيان قالالىق تۇتىنۋشىلار بىرلەستىگى“، ”دۇڭۋاڭ ەرىكتىلەرى فۋليڭ قىزمەت وتەۋ اترەتى“، ”ياڭليۋ وقۋشىلارعا كومەكتەسۋ قور قوعامى“، ”جۇڭگو اينىماس قورعاۋشىلار شۇعىل جاعدايدا قۇتقارۋ ورتالىعىنىڭ جىجياڭ باس اترەتى“ قاتارلى 8 زاڭسىز قوعامدىق ۇيىم تىركەۋگە الدىرماستان، قوعامدىق ۇيىم، قوعامدىق ۇيىمنىڭ بولىمشە قۇرىلىمى، ۋاكىلدىك قۇرىلىمى، قور قوعامى، حالىق باسقارۋىنداعى كاسىپورىنعا جاتپايتىن ورىن قاتارلى اتتارمەن قيمىل وتكىزگەن.

اتالعان زاڭسىز قوعامدىق ۇيىمدار زاڭدى تىركەلگەن قوعامدىق ۇيىمداردىڭ اتىن جامىلىپ، ”مەملەكەتتىك“ دەپ باستالاتىن ۇيىم اتىن بەلگىلەمەگە قايشى تۇردە قۇراستىرىپ، الدامكوستىكپەن جۇرتشىلىقتىڭ سەنىمىنە يە بولىپ، حالىق جۇرتشىلىعىنىڭ زاڭدى ۇقىق – مۇددەسىن زيانداعان. 2024 – جىلى 2 – ايدان 10 – ايعا دەيىن، ىسكە قاتىستى جەرلەردەگى حالىق ىستەرى تاراۋلارى قاتىستى تاراۋلارمەن بىرگە اتالعان ۇيىمداردى زاڭ بويىنشا ءبىر جاقتى ەتىپ، ولاردى توقتاتقان، تاراتۋعا بۇيىرعان ءارى قاتىستى ينتەرنەت پاراقشالارىن جاۋىپ، ناشار ىقپالىن الاستاعان.

حالىق ىستەرى مينيسترلىگىنىڭ قاتىستى قىزمەتكەرى قاتىستى قۇرىلىمدار مەن قوعامداعى جۇرتشىلىققا مىنانى ەسكەرتەدى: قوعامدىق ۇيىمدارمەن سەلبەستىك ورىستەتكەن كەزدە نەمەسە الەۋمەتتىك يگىلىك سيپاتىنداعى قايىرىمدىلىق قيمىلدارىنا قاتىناسقان كەزدە، ”جۇڭگو قوعامدىق ۇيىمدارىنا اكىمشىلىك ىستەرگە قاتىستى قىزمەت وتەۋ تەكشەسى“ (https://chinanpo.mca.gov.cn)، ”قايىرىمدى جۇڭگو“ (https://cszg.mca.gov.cn) قاتارلى تەكشەلەرگە شىعىپ، قاتىستى ينفورماتسيالارىنىڭ شىن – جالعانىن تۇراقتاندىرۋعا بولادى؛ زاڭ – تۇزىمگە قايشى ءجىپ ۇشتارى بايقالسا، دەر كەزىندە سول جەردەگى حالىق ىستەرى تاراۋلارىنا مالىمدەۋگە بولادى.

كەلۋ قاينارى: حالىق تورابى