وترياد تۋىن بيىك ۇستاپ پارتياعا ىلەسىپ، جۇڭگوشا سوتسياليزم ىستەرىنىڭ تولىمدى قۇرىلىسشىلارىن جەتىلدىرۋ كەرەك

قۇتتىقتاۋ حاتى

جۇڭگو پيونەرلەر وتريادى مەملەكەتتىك 9 - قۇرىلتايىنىڭ اشىلۋى بايلانىسىمەن، مەن پارتيا ورتالىق كوميتەتى اتىنان قۇرىلتايدىڭ اشىلعاندىعىن قۇتتىقتايمىن! قالىڭ پيونەرلەرگە، پيونەرلەر وتريادى جەتەكشىلەرىنە، پيونەرلەر وتريادى قىزمەتكەرلەرىنە شىنايى سالەم جولدايمىن!

ورەندەر مەن بالالار − مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋدىڭ بولاشاق جالىندى قوسىنى، پيونەرلەر وتريادى − ورەندەر مەن بالالاردىڭ اقاۋسىز ەسەيىپ - ەرجەتۋىندەگى ۇلكەن مەكتەپ. جاڭا جورىقتا پيونەرلەر وتريادى وترياد تۋىن بيىك ۇستاپ پارتياعا ىلەسىپ، نازاردى كوممۋنيزم ءىزباسارلارىن جەتىلدىرۋ ءتۇبىرلى مىندەتىنە شوعىرلاندىرىپ، جۇڭگوشا سوتسياليزم ىستەرىنىڭ تولىمدى قۇرىلىسشىلارىن جەتىلدىرۋگە نازار اۋدارىپ، قالىڭ پيونەرلەردى پارتيانى، وتاندى سۇيەتىن، قۇلشىنا ۇيرەنەتىن، جان - جاقتى جەتىلگەن جاڭا داۋىردەگى جاقسى ورەندەر بولۋعا تاربيەلەپ، جەتەكتەۋى كەرەك. پارتيانىڭ پيونەرلەر وتريادى قىزمەتىنە باسشىلىعىن جاپپاي كۇشەيتىپ، كوممۋنيستىك جاستار وداعى ۇيىمىنىڭ بۇكىل وداق بويىنشا پيونەرلەردى جەتەكتەۋ جاۋاپكەرشىلىگىن بەكەمدەپ، جاس وسپىرىمدەردىڭ اقاۋسىز ەسەيىپ - ەرجەتۋىنە تاماشا ورتا جانە شارت - جاعداي ازىرلەپ، پيونەرلەر وتريادى ىستەرىنىڭ ۇزدىكسىز تىڭ تابىستارعا قول جەتكىزۋىن ىلگەرىلەتۋ كەرەك.

”1 - ماۋسىم“ حالىقارالىق بالالار مەرەكەسى تاياپ قالدى، بۇكىل ەلدەگى بالاقايلاردىڭ مەرەكەلەرىنىڭ قۇتتى بولۋىن تىلەيمىن!

شي جينپيڭ

2025 - جىلى 5 - ايدىڭ 27 - كۇنى

(شينحۋا اگەنتتىگى، 5 - ايدىڭ 27 - كۇنى بەيجيڭ)

«حالىق گازەتى»، 5 - ايدىڭ 27 - كۇنى، بەيجيڭ (تىلشىلەر لي چاڭيۇي، ياڭ حاۋ). ”1 - ماۋسىم“ حالىقارالىق بالالار مەرەكەسى قارساڭىندا جۇڭگو پيونەرلەر وتريادىنىڭ مەملەكەتتىك 9 – قۇرىلتايى 5 - ايدىڭ 27 - كۇنى تۇستەن بۇرىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حاتىن جولداپ، پارتيا ورتالىق كوميتەتى اتىنان قۇرىلتايدىڭ اشىلعاندىعىن قۇتتىقتادى، قالىڭ پيونەرلەرگە، پيونەرلەر وتريادى جەتەكشىلەرىنە، پيونەرلەر وتريادى قىزمەتكەرلەرىنە شىنايى سالەم جولدادى ءارى بۇكىل ەلدەگى بالاقايلاردىڭ مەرەكەسىنىڭ قۇتتى بولۋىن تىلەدى.

شي جينپيڭ قۇتتىقتاۋ حاتىندا بىلاي دەپ باسا دارىپتەدى: ورەندەر مەن بالالار − مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋدىڭ بولاشاق جالىندى قوسىنى، پيونەرلەر وتريادى − ورەندەر مەن بالالاردىڭ اقاۋسىز ەسەيىپ - ەرجەتۋىندەگى ۇلكەن مەكتەپ. جاڭا جورىقتا پيونەرلەر وتريادى وترياد تۋىن بيىك ۇستاپ پارتياعا ىلەسىپ، نازاردى كوممۋنيزم ءىزباسارلارىن جەتىلدىرۋ ءتۇبىرلى مىندەتىنە شوعىرلاندىرىپ، جۇڭگوشا سوتسياليزم ىستەرىنىڭ تولىمدى قۇرىلىسشىلارىن جەتىلدىرۋگە نازار اۋدارىپ، قالىڭ پيونەرلەردى پارتيانى، وتاندى سۇيەتىن، قۇلشىنا ۇيرەنەتىن، جان - جاقتى جەتىلگەن جاڭا داۋىردەگى جاقسى ورەندەر بولۋعا تاربيەلەپ، جەتەكتەۋى كەرەك. پارتيانىڭ پيونەرلەر وتريادى قىزمەتىنە باسشىلىعىن جاپپاي كۇشەيتىپ، كوممۋنيستىك جاستار وداعى ۇيىمىنىڭ بۇكىل وداق بويىنشا پيونەرلەردى جەتەكتەۋ جاۋاپكەرشىلىگىن بەكەمدەپ، جاس وسپىرىمدەردىڭ اقاۋسىز ەسەيىپ - ەرجەتۋىنە تاماشا ورتا جانە شارت - جاعداي ازىرلەپ، پيونەرلەر وتريادى ىستەرىنىڭ ۇزدىكسىز تىڭ تابىستارعا قول جەتكىزۋىن ىلگەرىلەتۋ كەرەك (قۇتتىقتاۋ حاتىنىڭ تولىق مازمۇنى بولەك جاريالاندى).

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي اشىلۋ سالتىنا قاتىناستى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ۇيىمداستىرۋ ءبولىمىنىڭ باستىعى شى تايفىڭ جينالىستا شي جينپيڭنىڭ قۇتتىقتاۋ حاتىن وقىدى ءارى پارتيا ورتالىق كوميتەتى اتىنان ارناۋ ءسوز سويلەدى. ول مىنالاردى ءبىلدىردى: باس شۋجي شي جينپيڭنىڭ ورەندەر مەن بالالار جانە پيونەرلەر وتريادى قىزمەتى جونىندەگى ءبىرقىدىرۋ ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيانىڭ جاپپاي باسشىلىعىنا تاباندى بولىپ، پارتيا قۇرىلىسى ارقىلى وداق قۇرىلىسىن، وترياد قۇرىلىسىن جەتەكتەۋگە تاباندى بولىپ، بالالاردىڭ ەسەيىپ - ەرجەتۋىنە تاماشا ورتا جاراتۋ كەرەك. قالىڭ پيونەرلەردىڭ باس شۋجي شي جينپيڭنىڭ ءتالىمىن ەستە بەرىك ساقتاپ، قىزىل گەندى، جۇڭحۋا مادەنيەتىنىڭ تامىرىن، كۇرەسكەرلىك رۋحتى جالعاستىرىپ، پارتيانى، وتاندى سۇيەتىن، قۇلشىنا ۇيرەنەتىن، جان - جاقتى دامىعان جاڭا داۋىردەگى جاقسى ورەندەر بولۋعا قۇلشىنىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە قاي - قاشان دا دايىن تۇرۋىن ءۇمىت ەتەمىن. (ارناۋ ءسوزدىڭ تولىق مازمۇنىن «حالىق گازەتىنىڭ» 6 - بەتىنەن وقي الاسىزدار).

مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى شوكىرات زاكىر، مەملەكەتتىك كەڭەستىڭ مۇشەسى چىن ي - چين، مەملەكەتتىك ساياسي كەڭەس ءتوراعاسىنىڭ ورىنباسارى شىن يۋەيۋە ماجىلىسكە قاتىناستى.

ءماجىلىستىڭ اشىلۋ سالتىندا كوممۋنيستىك جاستار وداعى ورتالىق كوميتەتى شۋجيچۋىنىڭ ءبىرىنشى شۋجيى ا دۇڭ، وقۋ - اعارتۋ مينيسترلىگى مينيسترىنىڭ ورىنباسارى ۋاڭ جيا - ي جەكە - جەكە كوممۋنيستىك جاستار وداعى ورتالىق كوميتەتى، وقۋ - اعارتۋ مينيسترلىگى اتىنان ءسوز سويلەدى. پيونەرلەر ۋاكىلدەرى پارتيانىڭ سوزىنە قۇلاق اسىپ، پارتياعا ىلەسىپ، پيونەرلەر وتريادى ۇيىمىندا ۇيرەنۋ، امالياتتان وتكىزۋ ارقىلى ەسەيىپ - ەرجەتۋ حيكاياسىنان مالىمەت بەردى. ءماجىلىس مەملەكەتتىك تاڭداۋلى پيونەرلەر وتريادى جەتەكشىلەرىنە، مەملەكەتتىك تاڭداۋلى پيونەرلەر وتريادى كوللەكتيۆىنىڭ ۋاكىلدەرىنە سيلىق تاراتتى. كوممۋنيستىك جاستار وداعى ورتالىق كوميتەتى شۋجيچۋىنىڭ شۋجيى، جۇڭگو پيونەرلەر وتريادى مەملەكەتتىك قىزمەت كوميتەتىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى ۋاڭ ي 8 - كەزەكتى مەملەكەتتىك پيونەرلەر وتريادى قىزمەت كوميتەتى اتىنان قىزمەت بايانداماسىن جاسادى.

ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى جاۋاپتى جولداستار، 9 - رەتكى مەملەكەتتىك پيونەرلەر قۇرىلتايىنىڭ ۋاكىلدەرى، مەملەكەتتىك تاڭداۋلى پيونەرلەر وتريادىنىڭ جەتەكشىلەرى، مەملەكەتتىك تاڭداۋلى پيونەرلەر وتريادى كوللەكتيۆتەرىنىڭ ۋاكىلدەرى، بەيجيڭ قالاسىنداعى پيونەرلەر جانە پيونەرلار وتريادى جەتەكشىلەرىنىڭ ۋاكىلدەرى قاتارلىلاردان 3 مىڭداي ادام اشىلۋ سالتىنا قاتىناستى.

كەلۋ قاينارى: حالىق تورابى