لي چياڭ شىعىس وڭتۇستىك ازيا ەلدەرى وداعى - جۇڭگو - شىعاناقتاعى اراب ەلدەرى سەلبەستىك كوميتەتىنىڭ باسشىلار ماجىلىسىنە قاتىناستى

سول جەر ۋاقىتى 5 - ايدىڭ 27 - كۇنى تۇستەن كەيىن مەملەكەتتىك كەڭەستىڭ زۇڭليى لي چياڭ كۋالا - لۋمپۋردا شىعىس وڭتۇستىك ازيا ەلدەرى وداعى - جۇڭگو - شىعاناقتاعى اراب ەلدەرى سەلبەستىك كوميتەتىنىڭ باسشىلار ماجىلىسىنە قاتىناستى.

سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن

«حالىق گازەتى»، 5 - ايدىڭ 27 - كۇنى، كۋالا – لۋمپۋر (تىلشىلەر جاڭ نيانشىڭ، ۋاڭ دي). سول جەر ۋاقىتى 5 - ايدىڭ 27 - كۇنى تۇستەن كەيىن مەملەكەتتىك كەڭەستىڭ زۇڭليى لي چياڭ كۋالا – لۋمپۋردا شىعىس وڭتۇستىك ازيا ەلدەرى وداعى − جۇڭگو - شىعاناقتاعى اراب ەلدەرى سەلبەستىك كوميتەتىنىڭ باشىلار ماجىلىسىنە قاتىناستى. ءماجىلىس ”ورايدى بىرگە جاراتىپ، گۇلدەنۋدەن بىرگە يگىلىكتەنۋدى“ نەگىزگى تاقىرىپ ەتتى. شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى مالايزيانىڭ زۇڭليى ءانۋار، شىعاناقتاعى اراب ەلدەرى سەلبەستىك كوميتەتىنىڭ كەزەكتى ءتوراعا ەلى كۆەيتتىڭ پاتشا مۇراگەرى ساباح، سونداي - اق شىعىس وڭتۇستىك ازيا ەلدەرى وداعىنىڭ، شىعاناقتاعى اراب ەلدەرى سەلبەستىك كوميتەتىنىڭ باسشىلارى قاتىناستى.

لي چياڭ مىنالاردى ءبىلدىردى: جۇڭگو، شىعىس وڭتۇستىك ازيا ەلدەرى وداعى، شىعاناقتاعى اراب ەلدەرى سەلبەستىك ۇيىمى مەملەكەتتەرىنىڭ دوستىق قارىم - قاتىناسى ۇزاق تاريحقا يە . حالىقارالىق جاعداي بىلىعىپ، دۇنيە ءجۇزى ەكونوميكاسىنىڭ ارتۋى دارمەنسىز بولعان جاعدايدا، ءبىز ءۇش جاق باسشىلار ءماجىلىسى سياقتى اۋىس - كۇيىس تەكشەسى مەن سەلبەستىك مەحانيزمىن ورناتتىق، بۇل وڭىرلىك ەكونوميكالىق سەلبەستىكتىڭ ءبىر ۇلكەن جاسامپازدىعى دەۋگە بولادى. ءۇش جاق اناعۇرلىم تىعىز بايلانىس جانە سەلبەستىك ارقىلى ومىرشەڭدىك كۇشكە تولى ەكونوميكالىق شەڭبەر مەن ارتۋ ۇيەگىن قالىپتاستىرا الادى، بۇل ءوز ەكونوميكاسىنىڭ گۇلدەنۋى مەن ازيانىڭ، ءتىپتى دۇنيە ءجۇزىنىڭ بەيبىت دامۋى جونىنەن كەلەلى ماڭىز الادى.

لي چياڭ بىلاي دەپ باسا دارىپتەدى: ءارقايسى جاق وسى تاريحي ورايدى مىقتى يگەرىپ، 3 جاق سەلبەستىگىنىڭ مازمۇنىن ۇزدىكسىز بايىتىپ، قازىرگى داۋىردەگى دۇنيە جۇزىلىك سەلبەستىك دامۋىنىڭ ۇلگىسىن قۇلشىنا قالىپتاستىرۋى كەرەك. ءبىرىنشى، ءوڭىر اتتاپ ەسىك اشۋدىڭ ۇلگىسىن قالىپتاستىرۋ كەرەك. ءۇش جاقتى بايلىق، تەحنيكا، دارىندىلار اناعۇرلىم جوعارى ءونىمدى اينالىم جاسايتىن، ساۋدا، قارجى قوسۋ اناعۇرلىم ەركىن، قولايلى بولعان ورتاق يگىلىكتەنەتىن ءىرى بازار ەتىپ قۇرىپ شىعۋ كەرەك. ەكىنشى، دامۋ ساتىسىن اتتاعان سەلبەستىكتىڭ ۇلگىسىن قالىپتاستىرۋ كەرەك. ءوزارا قۇرمەت ەتۋ، تەڭ تۇرعىدا مامىلە جاساۋ نەگىزىندە، ءۇش جاقتىڭ دامۋ ستراتەگياسىن ۇشتاستىرۋدى تەرەڭدەتىپ، ماكرولىق ساياساتتى سايكەستىرۋدى كۇشەيتىپ، كاسىپ سالاسى سەلبەستىگىن جيىلەتۋ كەرەك. ءۇشىنشى، وركەنيەت اتتاعان توعىسۋدىڭ ۇلگىسىن قالىپتاستىرۋ كەرەك. ءۇش جاقتىڭ اناعۇرلىم تەرەڭ قاتپارلى گۋمانيتارلىق اۋىس - كۇيىسىن ىلگەرىلەتىپ، ءوزارا سەنىمدىلىك نەگىزىن ونان ارى بەكەمدەپ، دۇنيە جۇزىلىك وركەنيەت باستاماسىن امالياتتا ايگىلەپ، اناعۇرلىم كوپ بەيبىت دامۋ ورتاق تانىمى مەن كۇش - قۋاتىن ۇيىستىرۋ كەرەك.

لي چياڭ بىلاي دەپ اتاپ كورسەتتى: جۇڭگو جاق شىعىس وڭتۇستىك ازيا ەلدەرى وداعىمەن، شىعاناقتاعى اراب ەلدەرى سەلبەستىك ۇيىمىمەن 3 جاقتىڭ سەرىكتەستىك قارىم - قاتىناسىن كۇشەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ ارەكەت جوسپارىن جاساۋدى اقىلداسىپ، نەگىزدىك قۇرىلعى، بازار ەرەجەسى سياقتىلاردى ۇشتاستىرۋدى، تۇتاستىرۋدى كۇشەيتىپ، ەنەرگيا، اۋىل شارۋاشىلىعى، جاساندى زەردە، سيفرلى ەكونوميكا، جاسىل، تومەن كومىرتەكتى بولۋ سياقتى سالالارداعى سەلبەستىكتى كەڭەيتىپ، ادامداردىڭ بارىس - كەلىسى مەن حالىق تىلەگىنىڭ توعىسۋىن جەبەۋدى قالايدى. جۇڭگو جاق شىعىس وڭتۇستىك ازيا ەلدەرى وداعىنا، شىعاناقتاعى اراب ەلدەرى سەلبەستىك ۇيىمىنا مۇشە ەلدەرگە اناعۇرلىم كوپ ۆيزا بەرۋگە قولايلىلىق جاراتۋدى قالايدى. بۇكىل دۇنيە جۇزىنە نازار سالساق، 3 جاق بىرلەسكەن مەملەكەتتەر ۇيىمى سياقتى كوپ جاقتى مەحانيزم اياسىندا تىلدەسۋدى جانە سايكەسۋدى كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن قورعاپ، زورەكەرلىك پەن وكتەمدىك ساياسيعا تۋدى ايقىن ۇستاپ قارسى تۇرىپ، دۇنيە جۇزىلىك جونگە سالۋدىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋى كەرەك.

ماجىلىسكە قاتىناسقان باسشىلار 3 جاقتىڭ سەلبەستىكتى كۇشەيتۋىنىڭ وزدەرىنىڭ دامۋى مەن ءوڭىردىڭ بەيبىتشىلىگىن، گۇلدەنۋىن جەبەۋدەگى ماڭىزدى رولىن جوعارى باعالاپ، مىنالاردى ءبىلدىردى: باسشىلار ءماجىلىسى 3 جاقتىڭ سىن - سايىسقا بىرگە توتەپ بەرۋىنىڭ، دامۋدى بىرگە جوسپارلاۋىنىڭ جاڭا تاراۋىن اشتى، ”ءبىر بەلدەۋ، ءبىر جول“ سەلبەستىگىن اناعۇرلىم تەرەڭدەتىپ، ۇلاستىرۋ - تۇتاستىرۋ، ەكونوميكا - ساۋدا، ءوندىرۋ، قامداۋ تىزبەگى، اۋىل شارۋاشىلىعى، ەنەرگيا، فينانس، سيفرلى ەكونوميكا سياقتى سالالارداعى سەلبەستىكتى كۇشەيتىپ، وركەنيەتتەردىڭ ءوزارا ۇلگى الۋىن كۇشەيتىپ، كوپ جاقتى سەلبەستىكتى جيىلەتىپ، ءۇش جاقتىڭ ءبىر تۇلعالانۋ قۇرىلىسىن جەبەپ، اناعۇرلىم پارمەندى، قامتىمدى باياندى دامۋدى اناعۇرلىم ويداعىداي جۇزەگە اسىرىپ، تاعدىرلاس ورتاق تۇلعا قۇرۋدى ىلگەرىلەتۋدى قالايمىز.

ءماجىلىس «شىعىس وڭتۇستىك ازيا ەلدەرى وداعى - جۇڭگو - شىعاناقتاعى اراب ەلدەرى سەلبەستىك كوميتەتى باسشىلار ءماجىلىسىنىڭ بىرلەسكەن مالىمدەمەسىن» ماقۇلدادى.

كەلۋ قاينارى: حالىق تورابى