جاڭا داۋىردەگى قىزىل گالستۋكتى ءتىپتى دە نۇرلاندىرامىز

جۇڭگو پيونەرلەر وتريادىنىڭ مەملەكەتتىك 9 - قۇرىلتايى 9 - ايدىڭ 27 - كۇنى بەيجيڭدە اشىلدى.

باس شۋجي شي جينپيڭ قۇتتىقتاۋ حاتىن جولداپ، جۇرت جۇرەگىن جىلىتىپ، العا باسۋعا دەم بەرىپ، قالىڭ پيونەرلەردى، پيونەرلەر وتريادى جەتەكشىلەرىن، پيونەرلەر وتريادى قىزمەتكەرلەرىن تەرەڭ شابىتتاندىرىپ، بارىنشا جەلپىندىردى.

قالىڭ پيونەرلەر مىنالاردى ءبىلدىردى: شي جينپيڭ اتانىڭ ءتالىمى مەن تاپسىرماسىن ەستە بەرىك ساقتاپ، پارتيانى سۇيەتىن، وتاندى سۇيەتىن، قاجىرلىلىقپەن جاقسى ۇيرەنەتىن، جان - جاقتى جەتىلگەن جاڭا داۋىردەگى جاقسى ورەن بولۋعا قۇلشىنىپ، جاڭا ءداۋىردىڭ قىزىل گالستۋگىن اناعۇرلىم نۇرلاندىرا تۇسەمىز.

قالىڭ پيونەرلەر وتريادى جەتەكشىلەرى، پيونەرلەر وتريادى قىزمەتكەرلەرى مىنالاردى ءبىلدىردى: باس شۋجي شي جينپيڭنىڭ قۇتتىقتاۋ حاتىندا پارتيا ورتالىق كوميتەتىنىڭ ورەندەر مەن پيونەرلەر وتريادى قىزمەتىنە كوڭىل ءبولىپ، قامقورلىق جاساعاندىعى، زور ءۇمىت ارتقاندىعى تولىق ايگىلەندى، تاپسىرمانى ەستە بەرىك ساقتاپ، قايراتتانا ءىس تىندىرىپ، جۇڭگوشا سوتسياليزم ىستەرىنىڭ تولىمدى قۇرىلىسشىلارىن باۋلىپ، قالىڭ پيونەرلەردى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن ۇزدىكسىز كۇرەس جۇرگىزۋگە قاشان دا دايىن تۇرۋعا باستايمىز.

ورەندەر مەن بالالار − مەملەكەتتى قۇدىرەتتەندىرۋ قۇرىلىسىن ىلگەرىلەتۋدىڭ، ۇلتتىڭ گۇلدەنۋى ۇلى ءىسىنىڭ بولاشاق جالىندى كۇشى

باس شۋجي شي جينپيڭ بىلاي دەپ اتاپ كورسەتتى: ”ورەندەر مەن بالالار — مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋدىڭ بولاشاق جالىندى قوسىنى، پيونەرلەر وتريادى — ورەندەر مەن بالالار اقاۋسىز ەسەيىپ - ەرجەتەتىن ۇلكەن مەكتەپ.“

بىلتىر ”1 - ماۋسىم“ حالىقارالىق بالالار مەرەكەسى قارساڭىندا، سىچۋان ولكەسى نانچۇڭ قالاسى جياليڭ رايونى جياڭجى باستاۋىش مەكتەبىنىڭ وقۋشىسى تاڭ حايليڭ مەن ساباقتاستارى باس شۋجي شي جينپيڭنىڭ جاۋاپ حاتىن تاپسىرىپ الدى. تاڭ حايليڭ ”جاۋاپ حاتتاعى تاپسىرمانى ەستە بەرىك ساقتاپ، ورەندەردىڭ اتويشىسى بولۋ“ اتىنداعى امالياتتىق قيمىلعا قاتىناسىپ، كوسەمنىڭ قامقورلىعىن سەزىنىپ، وتانشىلدىق سۇيىسپەنشىلىكتى تەرەڭدەتتى.

بۇل جولى مەملەكەتتىك 9 - رەتكى پيونەرلەر وتريادىنىڭ ۋاكىلى رەتىندە، تاڭ حايليڭ ەرەكشە تەبىرەنىپ: ”ءبىز مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن ىلگەرىلەتۋدىڭ بولاشاقتاعى جالىندى كۇشىمىز. مەن وزىمە قاتاڭ تالاپ قويامىن، پارتيانى سۇيەمىن، وتاندى سۇيەمىن، قۇلشىنا ۇيرەنەمىن، جان - جاقتى داميمىن“ دەدى.

گۋاڭدۇڭ ولكەسى گۋاڭجوۋ قالاسى يۋەشيۋ رايونى چاۋتيان باستاۋىش مەكتەبىنىڭ وقۋشىسى پان يۇيشي مەكتەپتىڭ قىزىل گالستۋك شاعىن قيمىلىنا قاتىناسىپ، جۇڭ - ي شيپاگەرلىك ءداستۇرلى مادەنيەتىن ۇيرەنىپ، گۋاڭدۇڭ ىرعاعى مەن بالالار ءۇنى ىشىندە ءداستۇرلى تەاتردىڭ تارتىمدىلىعىن سەزىندى. ول: ”مەن جۇڭحۋانىڭ تاڭداۋلى ءداستۇرلى مادەنيەتىنەن تاماشا ءمورالدى جەتىلدىرىپ، ءبىلىمىمدى مولايتىپ، بالاۋسا سياقتى شىعاناق رايونىنداعى قۇنارلى توپىراقتا تامىر تارتىپ، ەسەيىپ - ەرجەتەمىن“ دەدى.

جياڭسۋ ولكەسى حۋاي - ان قالاسى شين - ان باستاۋىش مەكتەبىنىڭ وقۋشىسى ۋ انتۇڭ بىلاي دەدى: ”مەن اناعۇرلىم جوعارى ولشەممەن وزىمە قاتاڭ تالاپ قويىپ، ءىس جۇزىندىك ارەكەتىممەن جاۋاپكەرشىلىك ارقالاۋدى امالياتتا ايگىلەپ، جاڭا داۋىردەگى جاقسى ورەندەردىڭ كۇرەس داستانىن قۇلشىنا جازامىن“.

بەيجيڭ قالالىق يۇييىڭ مەكتەبى پيونەرلەر وتريادى ۇلكەن اترەتىنىڭ جەتەكشىسى ۋاڭ جياشي باس شۋجيدىڭ قۇتتىقتاۋ حاتىندا اتاپ كورسەتكەن ”پيونەرلەر وتريادى — ورەندەر مەن بالالار اقاۋسىز ەسەيىپ - ەرجەتەتىن ۇلكەن مەكتەپ“ دەگەن سوزىنە تەرەڭ اسەر الدى، ول بىلاي دەدى: ”ۇلكەن اترەتتىڭ جەتەكشىسى رەتىندە، مەن مىندەتىمدى، جاۋاپكەرشىلىگىمدى ادا ەتە وتىرىپ وترياد قىزمەتىن ورىستەتىپ، يۇييىڭ مەكتەبىنىڭ قىزىل ءداستۇرىن ساۋلەلەندىرىپ، ورەندەر مەن بالالاردىڭ ساياسي ساۋاتىن جانە قۇن كوزقاراسىن سومداۋىن كۇشەيتەمىن، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن جاڭا داۋىردەگى جاقسى ورەندەردى باۋليمىن“.

وترياد تۋىن بيىك ۇستاپ پارتياعا ىلەسىپ، جۇڭگوشا سوتسياليزم ىستەرىنىڭ تولىمدى قۇرىلىسشىلارىن جەتىلدىرەمىز

باس شۋجي شي جينپيڭ بىلاي دەپ اتاپ كورسەتتى: ”جاڭا جورىقتا پيونەرلەر وتريادى وترياد تۋىن بيىك ۇستاپ پارتياعا ىلەسىپ، نازاردى كوممۋنيزم ءىزباسارلارىن جەتىلدىرۋ سىندى ءتۇبىرلى مىندەتكە شوعىرلاندىرىپ، جۇڭگوشا سوتسياليزم ىستەرىنىڭ تولىمدى قۇرۋشىلارىن جەتىلدىرۋدى كوزدەپ، قالىڭ پيونەرلەردى پارتيانى سۇيەتىن، وتاندى سۇيەتىن، قۇلشىنا جاقسى وقيتىن، جان - جاقتى دامىعان جاڭا داۋىردەگى جاقسى ءوسپىرىم بولۋعا تاربيەلەۋى، جەتەكتەۋى كەرەك“.

”ءبىز نازاردى كوممۋنيزم ءىزباسارلارىن جەتىلدىرۋ سىندى ءتۇبىرلى مىندەتكە شوعىرلاندىرىپ، قىزىل بايلىقتان ويداعىداي پايدالانىپ، قىزىل حيكايانى جاقسى بايانداپ، ’قىزىل گالستۋك شۋەيۋانى‘ ادام تاربيەلەۋ ماركاسىن كولەمدەندىرىپ، كۇشەيتىپ، پيونەرلەردى قىزىل گەندى جالعاستىرۋعا، جۇڭحۋا مادەنيەتىنىڭ تامىرىن جالعاستىرۋعا، كۇرەس رۋحىن جالعاستىرۋعا تاربيەلەيمىز، جەتەكتەيمىز“ دەدى كوممۋنيستىك جاستار وداعى جىجياڭ ولكەلىك كوميتەتىنىڭ شۋجيى، ولكەلىك ورەندەر قىزمەت كوميتەتىنىڭ مەڭگەرۋشىسى جوۋ سۋحۇڭ.

اسقاباق مۋزىكا اسپابى وقىتۋىن ورىستەتىپ، بارلىق ادامنىڭ كىتاپ وقۋىن جالپىلاستىرىپ، مەكتەپ اۋلاسىنان جەمىس، كوكونىس ءۇزۋ مەرەكەسىن وتكىزدى... يۇننان ولكەسى پۋ - ىر قالاسى سىماۋ 1 - باستاۋىش مەكتەبى قيمىلدى دانەكەر ەتىپ، ورەندەر مەن بالالاردىڭ ءمورال، اقىل - وي، دەنە، ەستەتيكا، ەڭبەك جاقتارىنان جان - جاقتى دامۋىنا دەم بەردى. ”مەن جەتەكشىنىڭ قىزمەت جاۋاپكەرشىلىگىن تياناق ەتىپ، نەگىزگى تاقىرىپتىق قيمىلدى جاسامپازدىقپەن ورىستەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ادام تاربيەلەۋدىڭ تۇتاس بارىسىمەن توعىستىرامىن“ دەدى سىماۋ 1 - باستاۋىش مەكتەبى وقىتۋ توبىنىڭ ءمورال تاربيەسىنە جاۋاپتى ورىنباسار باستىعى، پيونەرلەر اترەتىنىڭ جەتەكشىسى لو لان.

تاياۋ جىلداردان بەرى گانسۋ ولكەسى ۋ - ۋەي قالاسى گۋلاڭ اۋدانى گانچىڭ اۋىلىنىڭ حالىقتى اۋقاتتاندىرۋ كەمەلدى باستاۋىش مەكتەبى فۋتبول قوعامىن قۇرىپ، باي مازمۇندى مەكتەپ فۋتبول سپورتىن ىشكەرىلەي ورىستەتتى. ”ءبىز بايلىقتان تولىق پايدالانىپ، ەرەكشەلىككە يە پيونەرلەر وتريادى قيمىلىن ورىستەتىپ، بالالاردى دۇرىس قۇن كوزقاراسىن ورناتۋعا باستاپ، جۇڭگوشا سوتسياليزم ىستەرىنىڭ تولىمدى قۇرىلىسشىلارىن باۋليمىز“ دەدى فۋمين كەمەلدى باستاۋىش مەكتەبىنىڭ باستىعى، پيونەرلەر اترەتىنىڭ جەتەكشىسى جۋ شى - يۇن.

”پيونەرلەر وتريادىنىڭ جەتەكشىسى − پارتيانى سۇيەتىن، وتاندى سۇيەتىن، قاجىرلىلىقپەن ۇيرەنەتىن، جان - جاقتى جەتىلگەن جاڭا داۋىردەگى جاقسى ورەندەردى جەتىلدىرەتىن شەشۋشى كۇش“. شاڭحاي قالالىق پيونەرلەر وتريادىنىڭ باس جەتەكشىسى جاۋ گوچياڭ مىنالاردى ءبىلدىردى: كەلەسى قادامدا پيونەرلەر وتريادىنىڭ بالالارعا بەيىمدەلگەن تۇسىنىك، سەزىمدىك كەشىرمە، ۇيىمدىق قيمىل، تۇرمىستىق كورىنىس ارقىلى باس شۋجي شي جينپيڭنىڭ ورەندەر مەن پيونەرلەر اترەتى قىزمەتى جونىندەگى ءبىرقىدىرۋ ماڭىزدى بايىمداۋلارىن ۇگىتتەپ، پيونەرلەر اترەتى جەتەكشىسىنىڭ ساياسي ساپاسى مەن كاسىپتىك قابىلەتىن جاپپاي جوعارىلاتۋىنا كومەكتەسەمىز.

ورەندەر مەن بالالاردىڭ اقاۋسىز ەسەيىپ - ەرجەتۋىنە شارت - جاعداي ازىرلەپ، پيونەرلەر وتريادى ىستەرىنىڭ ۇزدىكسىز تىڭ ناتيجەلەرگە قول جەتكىزۋىن ىلگەرىلەتەمىز

باس شۋجي شي جينپيڭ بىلاي دەپ باسا دارىپتەدى: ”پارتيانىڭ پيونەرلەر وتريادى قىزمەتىنە باسشىلىعىن جاپپاي كۇشەيتىپ، كوممۋنيستىك جاستار وداعى ۇيىمىنىڭ بۇكىل وداق بويىنشا پيونەرلەر وتريادىن جەتەكتەۋ جاۋاپكەرشىلىگىن قاتايتىپ، ءوسپىرىم بالالاردىڭ اقاۋسىز ەسەيىپ - ەرجەتۋىنە تاماشا ورتا جانە شارت - جاعداي جاراتىپ، پيونەرلەر وتريادى ىستەرىنىڭ ۇزدىكسىز جاڭا ناتيجەگە قول جەتكىزۋىن ىلگەرىلەتۋ كەرەك“.

”پارتيانىڭ پيونەرلەر وتريادى قىزمەتىنە باسشىلىعىن جاپپاي كۇشەيتۋ − جاڭا ءداۋىردىڭ جاڭا جورىعىندا پيونەرلەر وتريادى قىزمەتىن ويداعىداي ىستەۋدىڭ ءتۇبىرلى كەپىلى“. كوممۋنيستىك جاستار وداعى ورتالىق كوميتەتى ورەندەر ءبولىمىنىڭ باستىعى لي حۇي مىنالاردى ءبىلدىردى: پيونەرلەر وتريادىنىڭ ۇيىمدىق تاربيەدەگى، دەربەس تاربيەدەگى، امالياتتىق تاربيەدەگى ابزالدىعىن تولىق ساۋلەلەندىرىپ، كوممۋنيستىك جاستار وداعى مەن وقۋ - اعارتۋ جۇيەسىنىڭ سەلبەستىگىن تەرەڭدەتىپ، ورەندەر مەن بالالاردىڭ تولىسا ەسەيىپ - ەرجەتۋىنە ءتيىمدى شارت - جاعداي ازىرلەپ، قۋاتتى بىرىككەن كۇش توپتاۋ كەرەك.

”ءبىز تۇتاس وداق ۇيىمى بويىنشا قوسىنعا جەتەكشىلىك ەتۋ ساياسي جاۋاپكەرشىلىگىن شىن مانىندە ويداعىداي اتقارىپ، پارتيا، وداق جانە پيونەرلەر وتريادى بولىپ ادام تاربيەلەۋ تىزبەگىنىڭ ۇشتاسۋىن، تۇتاسۋىن ىلگەرىلەتىپ، استاناداعى قىزىل مادەنيەت بايلىعىن ىشكەرىلەي اشىپ، قوعامدىق كۇشتەردى بىرىكتىرىپ، پيونەرلەر وتريادى قىزمەتىنىڭ ساياسي سيپاتىنىڭ، امالياتتىق سيپاتىنىڭ، جاڭالىق اشۋ سيپاتىنىڭ ىشكەرىلەي توعىسۋىن جەبەيمىز“ دەدى كوممۋنيستىك جاستار وداعى بەيجيڭ قالالىق كوميتەتىنىڭ شۋجيى، قالالىق ورەندەر قىزمەت كوميتەتىنىڭ مەڭگەرۋشىسى جىڭ شياۋبو.

”باس شۋجيدىڭ قۇتتىقتاۋ حاتى ءبىزدىڭ پيونەرلەر وتريادى قۇرىلىسىن كۇشەيتۋىمىزگە العا باسۋ بەتالىسىن كورسەتتى“. شانشي ولكەلىك وقۋ - اعارتۋ مەڭگەرمەسىنىڭ باستىعى، ولكەلىك ورەندەر قىزمەت كوميتەتىنىڭ مەڭگەرۋشىسى ۋاڭ شۋشىڭ مىنالاردى ءبىلدىردى: ءمورال ارقىلى ادام تاربيەلەۋ ءتۇبىرلى مىندەتىن تىعىز ارقاۋ ەتىپ، ساياسي جاقتان جەتەكشىلىك ەتۋ، ەسەيىپ - ەرجەتۋگە شابىتتاندىرۋ، قوسىن قۇرىلىسى، اماليات ارقىلى ادام تاربيەلەۋ سياقتى جاقتاردا ۇزدىكسىز كۇش سالىپ، قالىڭ ورەندەردى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن ۇزدىكسىز كۇرەس جۇرگىزۋگە تاربيەلەپ، باستايمىز.

تاياۋ جىلداردان بەرى كوممۋنيستىك جاستار وداعى ورتالىق كوميتەتى كىدا شۇنفەيمەن بىرلەسىپ ”AI وقۋ - اعارتۋ الەۋمەتتىك يگىلىك جوسپارىن“ جاريالاپ، مىڭنان استام مەكتەپتەگى بالالاردى ”جاساندى زەردە + وقۋ - اعارتۋ“ ونىمدەرىمەن قامدادى. ”عىلىم - تەحنيكا پيونەرلەر وتريادىنىڭ امالياتتىق قيمىلىنا ومىرشەڭدىك كۇش ۇستەپ، دەربەس جاڭالىق اشۋدىڭ، وتاننىڭ ءۇمىتىن اقتاۋدىڭ تۇقىمىن ورەندەر مەن بالالاردىڭ كوكەيىندە تامىر تارتتىردى“ دەدى كىدا شۇنفەي شەكتى جارنا سەرىكتەستىگى وداق كوميتەتى شۋجيىنىڭ ورىنباسارى ليۋ حۇي.

”ءبىز ءوز قىزمەتىمىزدى تياناق ەتىپ، مۇراجايدىڭ تاربيەلەۋ يقۋاتىن ويداعىداي ساۋلەلەندىرىپ، ’قىزىل گالستۋكتى ءتۇسىندىرۋشى‘ امالياتتىق باستان كەشىرۋ قيمىلىن ۇزدىكسىز ورىستەتىپ، ورەندەر مەن بالالاردى مۇراجايداعى ۇيرەنۋ امالياتى بارىسىندا وتباسى، وتان سۇيىسپەنشىلىگىن جەتىلدىرىپ، جۇڭحۋا مادەنيەتىنىڭ تامىرىن جالعاستىرۋعا باستايمىز“ دەدى سانشيڭدۇي مۇراجايى الەۋمەتتىك قىزمەت وتەۋ ءبولىمى قوعامدىق، يدەيالىق تاربيە گرۋپپاسىنىڭ باستىعى زوۋ پىڭ.

كەلۋ قاينارى: حالىق تورابى