ۋاڭ حۋنيڭ مەملەكەتتىك ساياسي كەڭەستىڭ ءتوراعالار ءماجىلىسىن باسقارىپ اشتى

شينحۋا اگەنتتىگى، 5 - ايدىڭ 28 - كۇنى، بەيجيڭ. ساياسي كەڭەس 14 - كەزەكتى مەملەكەتتىك كوميتەتىنىڭ 36 - رەتكى ءتوراعالار ءماجىلىسى 5 - ايدىڭ 28 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ءماجىلىستى باسقاردى ءارى ءسوز سويلەدى.

ءماجىلىس باس شۋجي شي جينپيڭنىڭ تاياۋ مەزگىلدەگى ماڭىزدى سوزدەرى مەن نۇسقاۋلارىنىڭ رۋحىن جەتكىزدى، ۇيرەندى، دايەكتىلەندىردى. ۋاڭ حۋنيڭ مىنالاردى ءبىلدىردى: باس شۋجي شي جينپيڭنىڭ ”15 - بەسجىلدىق“ جوبانى جاساۋ قىزمەتىن جاقسى ىستەۋ جونىندەگى ماڭىزدى ءسوزى مەن نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”15 - بەسجىلدىق“ جوبانى جاساۋدىڭ جانە اتقارۋدىڭ كەلەلى ءمانىن جەتە تانىپ، حالىق ساياسي كەڭەسىنىڭ ارناۋلى كەڭەس قۇرىلىمى رەتىندەگى رولىن ساۋلەلەندىرىپ، ”15 - بەسجىلدىق“ جوبانى ويداعىداي جاساۋدى، ويداعىداي اتقارۋدى ارقاۋ ەتە وتىرىپ، مىندەت اتقارىپ، جاۋاپكەرشىلىكتى ادا ەتۋ كەرەك. باس شۋجي شي جينپيڭنىڭ جوعارى ساپالى دامۋدى، جوعارى ءونىمدى جونگە سالۋدى ىلگەرىلەتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، وزەكتى ارقاۋ ەتۋگە، جالپى جاعدايعا قىزمەت ەتۋگە تاباندى بولىپ، ساياسي كەڭەس مۇشەلەرىن رەفورمانى اناعۇرلىم جاپپاي تەرەڭدەتۋدى، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز ارقاۋ ەتە وتىرىپ كەڭەسۋگە، ۇسىنىس بەرۋگە ۇيىمداستىرىپ، باستاپ، پارتيا مەن مەملەكەتتىڭ كەلەلى شەشىمدەرى مەن ورنالاستىرۋلارىنىڭ تياناقتانىپ، ءونىم بەرۋىنە دەم بەرۋ كەرەك.

باس شۋجي شي جينپيڭنىڭ ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندەگى ماڭىزدى تالابىن ىشكەرىلەي ۇيرەنىپ، دايەكتىلەندىرىپ، جۇڭگو كوممۋنيستىك پارتياسى ورتالىق كوميتەتىنىڭ ءبىر تۇتاس ورنالاستىرۋىنا ساي، ۇيرەنۋدى، تەكسەرۋدى، تۇزەتۋدى ءبىر تۇتاس ىلگەرىلەتىپ، باياندى مەحانيزم ورناتىپ، كەمەلدەندىرىپ، ۇيرەنۋ تاربيەسىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتۋ كەرەك.

باس شۋجي شي جينپيڭنىڭ تاياۋ مەزگىلدەگى سىرتقى ىستەر قيمىلىنداعى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، مەملەكەتتىك ساياسي كەڭەستىڭ ءتۇرلى سىرتقى ىستەر قيمىلدارىن ويداعىداي ۇيىمداستىرىپ، پارتيا مەن مەملەكەتتىڭ سىرتقى ىستەر قىزمەتىنىڭ جالپى جاعدايىنا اناعۇرلىم ويداعىداي قىزمەت ەتۋ كەرەك.

ءماجىلىس «جۇڭگو حالىق ساياسي ءماسليحات كەڭەسى مەملەكەتتىك كوميتەتىنىڭ كەڭەس قىزمەتى ەرەجەسىن (وزگەرىس ەنگىزىلگەن جوبا)» جانە «جۇڭگو حالىق ساياسي ءماسليحات كەڭەسى مەملەكەتتىك كوميتەتى ارناۋلى كوميتەتتەرىنىڭ جالپى ەرەجەسىن (وزگەرىس ەنگىزىلگەن جوبا)» قاراپ ماقۇلداپ، جوعارىداعى قۇجاتتاردىڭ جوباسىن ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 12 - ءماجىلىسىنىڭ قاراۋىنا ۇسىنۋدى ۇيعاردى.

ءتوراعالار ءماجىلىسى 2025 - جىلعى 2 - رەتكى توپتىق ۇيرەنۋىن وتكىزدى، باستى تاقىرىبى ”مەملەكەتتىڭ ستراتەگيالىق عىلىم - تەحنيكا قۋاتىن كۇشەيتۋ“ بولدى. مەملەكەتتىك ساياسي كەڭەستىڭ مۇشەسى، عىلىم - تەحنيكا مينيسترلىگى مينيسترىنىڭ ورىنباسارى لۇڭ تىڭ ۇسىنىس بويىنشا بايانداما جاسادى.

مەملەكەتتىك ساياسي كەڭەس ءتوراعاسىنىڭ ورىنباسارلارى مۋ حۇڭ، شيان حۇي، ۋاڭ گۋاڭچيان، چين بويۇڭ باس شۋجي شي جينپيڭنىڭ تاياۋ مەزگىلدەگى ماڭىزدى سوزدەرى مەن نۇسقاۋلارىنىڭ رۋحىن ۇيرەنۋ، دايەكتىلەندىرۋ توڭىرەگىندە ءسوز سويلەدى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، ۋاڭ دۇڭفىڭ، جياڭ شينجى، جياڭ زوجۇن، جۋ يۇڭشين، ياڭ جىن ماجىلىسكە قاتىناستى.

كەلۋ قاينارى: حالىق تورابى