بۇقارانىڭ اڭساعانى − ءبىزدىڭ ىستەۋگە ءتيىستى ءىسىمىز (ورتالىقتىڭ سەگىز ءتۇرلى بەلگىلەمەسىنىڭ رۋحىن قاجىماي - تالماي تياناقتاندىرۋ)

”ەلەكترلى ۆەلوسيپەدتى عيماراتقا كىرگىزۋ حاۋىپتى، شوعىرلى توقتاتۋ اۋماعىن سالۋعا بولا ما، جوق پا“، ”حالىققا قولايلى قىزمەت وتەۋ بۇرىشى بولسا جاقسى ەدى، جاڭبىرلىق، شۇعىل قاجەتتى قۇرال - سايمان ساندىعىن قويۋعا بولار ەدى“... بەيجيڭ قالاسى شيچىڭ رايونى يۋەتان ءمالىسى سانليحى 2 - رايونى الەۋمەتتىك اۋماعىنىڭ تۇرعىندار ءىس قاراۋ زالىنا بارعانىمىزدا قىزۋ تالقى جۇرگىزىلۋدە ەكەن.

”بۇقارانىڭ ارمان - تىلەگى − ءبىزدىڭ قىزمەت بەتالىسىمىز“. 2 - پارتيا ياچەيكاسىنىڭ شۋجيى گاۋ ليانشياڭ قالامىن قولىنا الىپ، ەگجەي - تەگجەيلى ەستەلىك قالدىردى، ەستەلىك داپتەرىنە تۇرعىنداردىڭ تالاپ - تىلەكتەرى مەن قاتىستى تاراۋلار انىق جازىلىپتى.

نەگىزگى ساتىنى جونگە سالۋدىڭ ”ەڭ سوڭعى ءبىر شاقىرىمىندا“ تۇرعىنداردىڭ تالاپ - تىلەگىن قايتكەندە قاينار كوزىنەن شەشۋگە بولادى؟ ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ تاربيەسى ورىستەتىلگەننەن بەرى بەيجيڭ قالالىق پارتكوم پارتيالى كادرلاردىڭ نەگىزگى ساتىعا بارۋىن، حالىقتىڭ جاعدايىن تىڭداۋىن، ناقتى ءىس تىندىرۋىن بەلسەنە ىلگەرىلەتىپ، ”ارىزدى تاپسىرىپ الا سالىپ ءبىتىرۋ“ قىزمەت وتەۋ ورەسىن جوعارىلاتىپ، بۇقارانىڭ ماڭايىنداعى ىستەردى، حالىق تۇرمىسىنا قاتىستى ناقتى ىستەردى ويداعىداي ىستەدى. ”وسى ءىس قاراۋ زالىنىڭ قىزمەتكەرلەرى اشىق - جارقىن، ولار جەرگىلىكتى ورىنمەن بىتە قايناسىپ، اڭگىمە دۇكەنىن قۇرىپ ماسەلەنى شەشتى. بۇقارانىڭ سوزىنە كادرلار شىنىندا كوڭىل بولەدى!“ تۇرعىن دي اپاي پارتيالى كادرلاردىڭ ناقتى ءىس ىستەۋ ستيلىنە شىن كوڭىلمەن ريزاشىلىق ءبىلدىردى.

ستيل ماسەلەسىنىڭ وزەگى − پارتيانىڭ حالىق بۇقاراسىمەن قاتىناسى ماسەلەسى. جاڭا داۋىردەن بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ورتالىقتىڭ سەگىز ءتۇرلى بەلگىلەمەسىنىڭ رۋحىن تياناقتاندىرۋدى تاباندىلىقپەن ىلگەرىلەتىپ، ستيل قۇرىلىسىن ۇزدىكسىز كۇشەيتىپ، پارتيانىڭ حالىق بۇقاراسىمەن ەتەنە بايلانىسىن كۇشەيتتى. ”بۇقارادان جۇمىس ىستەۋدى تالاپ ەتۋدەن“ ”بۇقاراعا جۇمىس ءبىتىرىپ، قىزمەت وتەۋگە“ دەيىن، پارتيا مەن بۇقارانىڭ، كادرلار مەن بۇقارانىڭ قاتىناسىندا ءتۇبىرلى وزگەرىس جارىققا شىقتى.

ۇيرەنۋ تاربيەسى ورىستەتىلگەننەن بەرى قالىڭ پارتيالى كادرلار ىشكەرىلەي ۇيرەنىپ، ەگجەي - تەگجەيلى سالىستىرىپ، شىنايى ىستەپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرىپ، باستان - اياق بۇقارامەن بىرگە ويلاپ، بىرگە ىستەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم بايىتىپ، اناعۇرلىم قامتاماسىز ەتىپ، اناعۇرلىم باياندى ەتتى.

”شولاق كورپە“ مەيىرىمى باستان - اياق جالعاسىپ كەلەدى

ىمىرت ۇيىرىلە باستادى، حۋنان ولكەسى چىنجوۋ قالاسى رۋچىڭ اۋدانى ۋىنميڭ ياۋزۋ ۇلتتىق اۋىلى ۋ - ي قىستاعى 8 - گرۋپپاسىنىڭ كونە عيباداتحاناسىنىڭ الدىندا ادام اياعى ۇزىلمەدى. بىرنەشە ورىندىق قاتار قويىلعان، 40 نەشە ادام جينالىپ، دۋماندى ”زال جيىنى“ باستالدى.

قىستاقتا تۇراتىن قىزمەت اترەتى، اۋىل - قىستاق ەكى دارەجەلى كادرلار وسى ارادا كۇتىپ تۇر. قىستاق پارتيا ياچەيكاسىنىڭ شۋجيى جۋ شياۋيۇڭ بىلاي دەدى: ”وسى 2 جىلدا قىستاق كاسىپ سالاسىمەن اينالىسىپ، كوپشىلىكتىڭ تۇرمىسى جاقساردى، الايدا تاۋعا باراتىن جول ءباز - باياعىسىنداي ەسكى بولاتىن، اشىق كۇندەرى شاڭى شىعىپ، جاڭبىرلى كۇندەرى لاي - باتپاق بولىپ جاتاتىن. بۇگىن ءبىز جول جاساۋ جونىندە اڭگىمە دۇكەنىن قۇرامىز!“

ءسوز اياقتاي بەرە، ناق مايدان لەزدە جاندانا ءتۇستى. ”جوندەگەننىڭ قانداي پايداسى بار“، ”جول قايدان باستالادى“... كوپشىلىك كوڭىل تۇيىنشەكتەرىن ورتا قويىپ، ماسەلە ارت - ارتىنان باياندالدى.

قىستاقتا تۇراتىن قىزمەت اترەتىنىڭ باستىعى كاڭ گوپيڭ قالتاسىنان جوبا كارتاسىن الىپ شىعىپ: ”كاسىپ سالاسى جولى وزەن بويلاپ جاسالادى، كەڭدىگى 3 مەتر، 3 دوڭگەلەكتى موتوتسيكل دە وتە الادى، جەر جىرتۋ جولى تارلاۋ، كەڭدىگى ءبىر مەتر سەكسەن سانتيمەتر، اتىز باسىنا توتە تۇتاسادى“ دەدى.

قىستاقتا تۇراتىن كادر حى شىڭيۋان بىلاي دەدى: ”جول جوندەلىپ بولعاننان كەيىن، اۋىل شارۋاشىلىعىنا پايدالانىلاتىن شاعىن اۆتوكولىكپەن تاۋعا شىعىپ، اتىزدى ارالاي الاتىن بولدىق، ءيىن اعاش ارقالاۋدىڭ قاجەتى جوق، جاسى ۇلعايعان اۋىلداستار تىڭايتقىش بەرۋدە قينالمايدى!“

”وسىلاي دەسەك تە، اتىزداعى مايسالاردى قايتەمىز؟ ىسىراپشىلىق بولماسا يگى ەدى؟“ دەدى قىستاق تۇرعىنى جۋ حىلياڭ.

”لاۋجۋدىڭ ايتقانىنىڭ ءجونى بار“. قىستاقتا تۇراتىن كادر جوۋ ميڭحۋا بىلاي دەدى: ”كوپشىلىكتى زيان تارتقىزۋعا بولمايدى. كوك مايسا تولەمىن قالانىڭ ولشەمى بويىنشا قىستاق كوللەكتيۆى تولىقتايدى، سونىمەن بىرگە، قىستاقتاعى ازىقتىق باكتەريا بازاسى دا الدىمەن جۇمىسشى قابىلدايدى!“

اۋىلداستار شىن ىقىلاستى لەبىز ءبىلدىرىپ، باستارىن يزەدى، بۇكىل زالداعىلار شاپالاق سوعىپ ماقۇلدادى.

رۋچىڭ اۋدانى− ”شولاق كورپە“ حيكاياسىنىڭ شىققان جەرى. سول جىلى شۇي جيەشيۋ اقساقال: ”كوممۋنيستىك پارتيا دەگەن نە؟ كوممۋنيستىك پارتيا وزىندە بار كورپەنىڭ جارتىسىن بۇقاراعا بەرەتىن ادام“ دەيدى. بۇل ءسوز قازىرگە دەيىن ادامدى اسەرلەندىرەدى.

بۇقارالىق تۇرعىدا بەرىك تۇرىپ، باقىت جولىن اشتى. قازىر رۋچىڭ اۋدانى ۇيرەنۋ تاربيەسىن ىشكەرىلەي ورىستەتتى، اۋدان باسشىلارى باستاماشىلدىقپەن اۋىلعا بارىپ، پارتيالى كادرلاردى باستاپ قىستاققا بارىپ جاعداي ۇعىسىپ، قيىن ماسەلەلەردى شەشتى. رۋچىڭ اۋداندىق پارتكوم ۇيىمداستىرۋ ءبولىمىنىڭ باستىعى ۋاڭ ميڭ: ”قازىر كادرلاردىڭ ءبارى قىستاققا ءتۇسۋدى ۇناتادى، قىستاق ىستەرىن تىلگە تيەك ەتسە، اقتارىلا سويلەيدى، ىستەيتىنى كوپشىلىكتىڭ القاۋىن الارلىق ءىس، بارلىق ىستە بۇقارانىڭ مۇددەسىن شىعار ءتۇيىن ەتىپ، ’شولاق كورپە‘ مەيىرىمى ۇزدىكسىز جالعاسۋدا“ دەدى.

اكىمشىلىك قىزمەت وتەۋ قارقىنىن تەزدەتتى

”جارناگەردى جاڭادان قوسۋدا قانداي ماتەريال قاجەت؟“ ”كۋالىك تەكسەرۋ ساتىسىنا جەتكەنگە دەيىن قانشا ۋاقىت كەتەدى؟“ قول تەلەفون حابارى تولاستامادى، 20 نەشە كاسىپورىننىڭ قىزمەت وتەۋ توبىندا كەڭەس سۇراۋشىلار ماسەلەنى ارت - ارتىنان ورتاعا قويدى.

چۇڭچيڭدەگى لياڭجياڭ جاڭا رايونىندا اكىمشىلىك قىزمەت وتەۋ ارناۋلى قىزمەتكەرى چىن شۋانجۇيدىڭ ءبىر كۇندىك قىزمەتى تەلەفوندا سۇراۋعا جاۋاپ بەرۋدەن باستالدى.

مەملەكەت دارەجەلى جاڭا رايوندا كاسىپورىندار توپتالدى. كاسىپ باقشاسى رايونىنىڭ بىتىراڭقى بولۋ جاعدايىنا باعىتتاي وتىرىپ، لياڭجياڭ جاڭا رايونى ۇكىمەت ىسىنە تيىمدىلىك جاساۋ كاسىپورىن E پۋنكتىن قۇرىپ، ارناۋلى قىزمەتكەر تۇيىندەردە تۇرىپ، كاسىپورىن باقشا رايونىن قاداعالاپ، ءىرى ىستەردى دە، كىشى - گىرىم ىستەردى بىتىرەتىن بولدى.

وسى 2 جىلدا اكىمشىلىك قىزمەت وتەۋ ورتالىعىنىڭ تەرەزەلىك قىزمەتكەرىنەن باقشا رايونىنىڭ ءبىرىنشى شەبىنە بارىپ قىزمەت وتەيتىن ارناۋلى قىزمەتكەر بولۋعا دەيىن، چىن شۋانجۇي قىزمەت وتەۋ ءتاسىلىنىڭ وزگەرىسىن تەرەڭ سەزىنگەن ول: ”بۇرىن تەرەزەگە وتىرىپ، كاسىپورىننىڭ كەلىپ ىزدەۋىن كۇتۋشى ەدىك؛ قازىر دالاعا شىعىپ، كاسىپورىندى ارالاپ، ساياساتتى تۇسىندىرەمىز. كاسىپورىندارعا قىزمەت وتەۋدە ونىمدىلىكتى دارىپتەۋ كەرەك“ دەدى.

وسى وزگەرىستەردى تىلگە تيەك ەتكەندە، شينچي ڭيۋانچي عىلىم - تەحنيكا سەرىكتەس كاسىپورنىنىڭ جاۋاپتىسى شى مىرزا ءسوز سويلەۋ ۇقىعىنا يە. ەرتەرەكتە كاسىپ اشقاندا، ول جان - جاققا شاپقىلاپ، تاراۋلاردان ساياسات ۇعىستى، ماتەريال دۇرىس بولماسا، قايتا - قايتا تەرەزەگە جۇگىرۋگە تۋرا كەلەتىن.

ءبىراق جۋىقتان بەرى لياڭجياڭ جاڭا رايونىندا جاڭا سەرىكتەستىكتى تىركەۋگە الدىرۋدا ونىڭ باستان كەشكەندەرى مۇلدە باسقاشا بولدى، ول: ”شياۋچىن ىرىقتىلىقپەن كەلىپ جەتەكشىلىك ەتتى، ماتەريال دايىنداۋدىڭ، قۇجات ۇلگىسىنىڭ جالپى بارىسىنا كومەكتەستى. ءبىر جولدا - اق تيجارات كۋالىگىن ۇيگە جولداپ جىبەردىم!“ دەدى.

بۇرىن ”تاڭبانىڭ سوڭىنان تۇسەتىنبىز“، بۇگىنگى كۇنى ”قاجەتكە قاراي بۇرىلىس جاسالدى“، لياڭجياڭ جاڭا رايونىندا ”جوعارى ونىمدىلىكپەن ءبىر ءىستى تىندىرۋ“ رەفورماسى ۇزدىكسىز تەرەڭدەپ، ۇكىمەت ىستەرىنەن قىزمەت وتەۋ ارناۋلى قىزمەتكەرلەرى بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، اياق الىسى ارقىلى قىزمەت وتەۋ مەيىرىن سەزىندىرىپ، بۇقارامەن ارالىقتى جاقىنداتىپ، كاسىپورىندارعا تيىمدىلىك جەتكىزۋ حيكاياسى ءار كۇنى جارىققا شىعىپ تۇردى.

بۇگىنگى تاڭدا ۇيرەنۋ تاربيەسىن جۇرگىزۋ بارىسىندا، لياڭجياڭ جاڭا رايونىنىڭ اكىمشىلىك ىستەر ورتالىعى ءتىپتى دە كۇش سالدى. ”ۇكىمەت ىستەرى ساباقحاناسىن“ اشۋ ارقىلى تەرەزەلىك قىزمەتكەرلەردىڭ قىزمەت وتەۋ تانىمىن جوعارىلاتتى؛ تەرەزەلىك قىزمەت وتەۋدى ارناعا ءتۇسىرۋ قۇرىلىسىن مىقتى يگەرىپ، بۇقاراعا ”ەسىكتىڭ كىرۋدىڭ قيىن ەمەستىگىن، جۇمىستىڭ وڭاي بىتەتىندىگىن“ شىنايى سەزىندىردى. لياڭجياڭ جاڭا رايونى لۇڭشىڭ شينچىڭ اكىمشىلىك قىزمەت وتەۋ بولىمشە ورتالىعىنىڭ اكىمشىلىك قىزمەت وتەۋ ارناۋلى قىزمەتكەرى مىڭ باڭحۇي بىلاي دەدى: ”كوپشىلىككە وزگەرىستى كورسەتكەندە عانا، ناقتى تيىمدىلىككە قول جەتكىزۋگە بولادى، ۇيرەنۋ تاربيەسى شىنايى تياناقتانادى. ءبىز ’جوعارى ونىمدىلىكپەن ءبىر ءىستى تىندىرۋ‘ رەفورماسىن ۇزدىكسىز تەرەڭدەتىپ، اكىمشىلىك ىستەر قىزمەت وتەۋىنىڭ قارقىنىن تەزدەتۋىمىز كەرەك“.

بۇقارانىڭ ”جاقسى امالى“ جونگە سالۋدىڭ ”التىن كىلتىنە“ اينالدى

شاڭحاي فۋشيڭ شىعىس جولى تۋنەلى كۇمىس لەنتاعا ۇقسايدى، ءبىر جاعى پۋشي قالاسى حۋاڭمياۋ بۇتحاناسىنىڭ شىراعىنا، ەندى ءبىر جاعى پۋدۇڭنىڭ لۋجيازۇيىندەگى شىراقتارعا جالعانعان.

ءار كۇنى كەشتە بۇل ارادا قاربالاس، ءتارتىپتى كورىنىس جارىققا شىعادى، استىڭعى قاباتتا موتورلى كولىكتەر گۋىلدەپ وتەدى، ۇستىڭگى قاباتتا موتورسىز كولىكتەر قايشالىسىپ، جوعارى - تومەن تارالىپ، ءتارتىپتى ءجۇرىپ جاتادى.

”ەندى ىركىلىكسىز بولدى، وزەننەن لەزدە وتە الامىز!“ ءتۇن ورتاسىندا ەلەكترلى ۆەلوسيپەدكە ءمىنىپ جاي قايتاتىن قىزمەتكەرلەر تۋنەلدەگى شاعىن وزگەرىسكە ارت - ارتىنان القاۋ ايتتى.

وسىنداي جان تەبىرەنتەرلىك وزگەرىستىڭ قالا تۇرعىنى حان شۋ مەن تاماق تاسۋشىنىڭ ءبىر رەتكى اڭگىمەسىنەن تۋىندايتىندىعىن كىم ويلاعان.

حان شۋ ءبىر جولى تاماق تاسۋشى اعاسىمەن اڭگىمەلەسەدى، كەنجە اعاسى لاجىسىزدىق تانىتىپ: ”كوپ جۇگىرمەيمىن، ايىپ تالونىن كەسىپتى“ دەيدى. ىشكەرىلەي ۇعىسقاننان كەيىن بارىپ پۋشي ساۋدا شەڭبەرىنىڭ تۇندە ەرەكشە دۋمانعا بولەنەتىندىگىن، تاماق تاسيتىن اعاسىنىڭ وزەننەن ءوتىپ تالون تاپسىرىپ العان كەزدە، ەڭ سوڭعى كەزەك اۋىسىپ ءوتۋدىڭ الدەقاشان توقتاعاندىعىن، امالسىز جاعدايدا تاۋەكەلشىلدىكپەن تۋنەلمەن جۇرگەندىگىن بىلەدى.

كىشى اعاسىنىڭ ءسوزى حان شۋدىڭ نازارىن اۋدارىپ: ”حالىقتىڭ ۇسىنىسىن قابىلداۋ، جاقسى ۇسىنىس بولسا، كادەگە جاراتۋ كەرەك!“ دەيدى.

شىندىققا جاناسىمدى ۇسىنىس - پىكىر بەرۋ ءۇشىن، حان شۋ بىرنەشە كۇن بويى ۋايتان جينليڭ شىعىس كوشەسى، شىليۋپۋ دۇڭچاڭ كوشەسى سياقتى كەمەجايلاردا تۇرادى. وتپەلى مەزەتتىڭ الدىنداعى ادامداردىڭ اسىعىس - ۇسىگىس جۇرگەن بەينەسىن كورگەن حان شۋ تەبىرەنە بىلاي دەدى: ”اۆتوكولىگى جوق ادامدار جونىنەن العاندا، تۇندە وزەننەن ءوتۋ شىنىمەن قيىن ەكەن“.

كوپ وتپەي قالا تۇرعىندارىنىڭ جۇرەك ءۇنى قامتىلعان حالىق ۇسىنىسى شاڭحاي قالاسى حالقىنىڭ ۇسىنىس حات ساندىعىنا تاستالدى. حاتىندا حان شۋ ”وتپەلى كەزەڭ تيجارات ۋاقىتىن ۇزارتۋ“ جانە ”تۇنگى تۋنەلدى اشۋ“ ۇسىنىسىن ورتاعا قويادى.

شاڭحاي قالاسىنىڭ حالىقتىڭ ۇسىنىسىن جيناۋ كادرلار حاتتى تاپسىرىپ العاننان كەيىن، دەرەۋ حان شۋمەن بايلانىس جاسايدى. ولار ەستەلىكتەردى زەر سالا پاراقتاپ، ىشكەرىلەي تەكسەرۋ - زەرتتەۋ جۇرگىزىپ، قاتىستى تاراۋلاردان بەلسەنە سۇراۋ سۇراپ، ماسەلەنىڭ جاي - جاپسارىن انىق ۇعىستى.

ىلە - شالا شاڭحاي قالالىق قاتىناس كوميتەتى مەن قوعام حاۋىپسىزدىگى قاتىناس باسقارۋ تاراۋلارى ماسەلەنىڭ شەشىلۋىن ىلگەرىلەتەتىن ”ۇتىلامالى تاياقتى“ تاپسىرىپ الدى. ەڭ سوڭىندا فۋشيڭ شىعىس جولى تۋنەلىن وزگەرتۋ وبيەكتىسى ەتىپ تۇراقتاندىردى.

فۋشيڭ شىعىس جولى تۋنەلىنىڭ وزىندە قوس قۇبىرلى، قوس جوبا، وزگەرتۋ نەگىزى بار بولعانىمەن، الايدا كىرەر اۋىزداعى ”موتورسىز كولىكتەردىڭ قاتىناۋىنا تيىم سالىنادى“ دەگەن جول بولىگى وزگەرتۋدەگى قيىن تۇيىنگە اينالدى. ەندى قايتۋ كەرەك؟

كوپشىلىك بىرگە باس قاتىرىپ: ەڭ وڭ جاق موتورلى كولىك جولى موتورسىز كولىك جولىنا وزگەرىپ، ءار كۇنى ساعات 23 تەن كەلەسى كۇنى ساعات 5 كە دەيىن موتورسىز كولىك قاتىناسا، دەگەن كەرەمەت ءادىس ويلاپ تاپتى. كوپ وتپەي شاڭحايدىڭ ەلەكترلى ۆەلوسيپەد قاتىناي الاتىن تۇڭعىش وزەن تۋنەلى اشىلدى.

”بولماشى وزگەرتۋدەن“ وزگەرگەنى جول، جالعانعانى جۇرت تىلەگى بولدى. ۇيرەنۋ تاربيەسى ورىستەتىلگەننەن بەرى شاڭحاي قالاسىنداعى پارتيالى كادرلار حالىقتىڭ قاجەتىن بىلۋگە، حالىقتىڭ قامىن ويلاۋعا تاباندى بولىپ، بۇقارامەن بايلانىس جاساۋ، بۇقاراعا قىزمەت وتەۋ ءادىسى مەن ءتاسىلىن ۇزدىكسىز ساپالىلاندىرىپ، پارتيانىڭ بۇقارالىق لۋشيانىن اناعۇرلىم ناقتى، ىشكەرىلەي امالياتتا ايگىلەدى.

شاڭحاي قالاسىنىڭ حالىق تىلەگىن جيناۋ كەڭسەسى جەلىدە، جەلىدەن تىس ۇسىنىس جيناۋدى بەلسەنە ويداعىداي ورىستەتىپ، ودان ۇتىمدى پايدالاندى. پىكىر - ۇسىنىس جيناۋ كولەمىن الەۋمەتتىك اۋماق، ونەركاسىپ باقشاسى، مەكتەپ اۋلاسى سياقتىلارعا دەيىن كەڭەيتتى. ”حالىقتىڭ ۇسىنىسى − ءبىزدىڭ شەشىم قابىلداۋىمىزدىڭ ۇتىمدى شاراسى. ءبىز ۇزدىكسىز قۇلشىنىپ، بۇقارانىڭ جاقسى ءادىس - امالىن قالانى جونگە سالۋدىڭ التىن كىلتىنە اينالدىرۋىمىز كەرەك“ دەدى شاڭحاي قالالىق ارىز - ارمان كەڭسەسى، قالانىڭ حالىقتان پىكىر - ۇسىنىس جيناۋ كەڭسەسىنىڭ مەڭگەرۋشىسى گاي بوحۋا.

كەلۋ قاينارى: حالىق تورابى