لي چياڭ حىيە ياڭپيڭ باستاعان جاپونيا حالىقارالىق ساۋدانى جەبەۋ قوعامىنىڭ جۇڭگوعا ساپارلاۋ ۇيىرمەسىندەگىلەرمەن كەزدەستى

شينحۋا اگەنتتىگى، 6 - ايدىڭ 3 - كۇنى، بەيجيڭ (ءتىلشى دۇڭ شۋە). مەملەكەتتىك كەڭەستىڭ زۇڭليى لي چياڭ 6 - ايدىڭ 3 - كۇنى حالىق سارايىندا جاپونيا حالىقارالىق ساۋدانى جەبەۋ قوعامىنىڭ باستىعى حىيە ياڭپيڭ باستاعان جۇڭگوعا ساپارلاۋ ۇيىرمەسىندەگىلەرمەن كەزدەستى.

لي چياڭ مىنالاردى ءبىلدىردى: بىلتىر 11 - ايدا ءتوراعا شي جينپيڭ باس ءۋازىر شى پوماۋمەن ليمادا كەڭەس وتكىزىپ، جۇڭگو مەن جاپونيانىڭ ستراتەگيالىق ءوزارا تيىمدىلىك جاساۋ قارىم - قاتىناسىن جاپپاي ىلگەرىلەتۋگە ءبىر اۋىزدان قوسىلىپ، جاڭا ءداۋىر تالابىنا ۇيلەسەتىن سىندارلى، ورنىقتى جۇڭگو - جاپونيا قارىم - قاتىناسىن ورناتۋعا كۇش سالىپ، ەكى جاقتىڭ بىرگە قۇلشىنۋىنا ۇلكەن باعدار كورسەتتى. جۇڭگو مەن جاپونيا − كوشىپ كەتە المايتىن كورشىلەر، كوشىپ كەتۋگە بولمايدى ەكەن، تاتۋ كورشىلەر، جاقسى سەرىكتەر بولۋ كەرەك. جۇڭگو جاق جاپونيا جاقتىڭ ءار سالاسىمەن بىرگە بەلسەنە ارەكەتتەنىپ، ”ءوزارا سەلبەستىك سەرىك ساناۋ، ءوزارا قاتەر توندىرمەۋ“ ساياسي ورتاق تانىمىن ناقتى تياناقتاندىرىپ، اناعۇرلىم كوپ ناقتى سەلبەستىك جەتىستىگىنە قول جەتكىزىپ، ەكى ەلدىڭ ساياسي ءوزارا سەنىمدىلىگى مەن حالىق اراسىنداعى دوستىق نەگىزىن بەكەمدەۋدى قالايدى. جاپونيا جاقتىڭ جۇڭگو جاقپەن بىرگە الاۋىزدىقتاردى سىندارلى مەڭگەرىپ، ەكى ەل قارىم - قاتىناسىنىڭ دۇرىس بەتالىسىن مىقتى يگەرىپ، ەكى جاقتى قارىم - قاتىناستىڭ اقاۋسىز، ورنىقتى دامۋىن ىلگەرىلەتۋىن ءۇمىت ەتەمىن.

لي چياڭ بىلاي دەپ اتاپ كورسەتتى: قازىر حالىقارالىق جاعدايدا تەرەڭ دە كۇردەلى وزگەرىستەر تۋىلىپ، ءار ەل ەكونوميكاسىنىڭ دامۋىنا اسا زور سىن - سايىس تۋدىرۋدا. جۇڭگو مەن جاپونيانىڭ سەلبەستىكتى تەرەڭدەتۋىندە كوپتەگەن ەرەكشە ابزالدىق بار، اسىرەسە، كاسىپ سالاسىنىڭ ءبىرىن - ءبىرى تولىقتاۋ سيپاتى كۇشتى، عىلىم - تەحنيكادا جاڭالىق اشۋ سالاسىندا وزىندىك ارتىقشىلىعى بار. ەكى جاق وسى ابزالدىقتاردان ويداعىداي پايدالانىپ، كاسىپ سالالارىنىڭ ۇشتاسۋىن، توعىسۋىن كۇشەيتىپ، ساۋدا، قارجى قوسۋ كولەمىن كەڭەيتىپ، سيفرلى ەكونوميكا، جاسىل ەكونوميكا، بيولوگيالىق ءدارى - دارمەك سياقتى جاڭادان گۇلدەنگەن سالالار مەن ءۇشىنشى جاق بازار سەلبەستىگىن كەڭەيتىپ، اناعۇرلىم جوعارى دەڭگەيدەگى ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋ ارقىلى وزدەرىنىڭ دامۋىنا اناعۇرلىم كوپ قوزعاۋشى كۇش قوسىپ، دۇنيە ءجۇزى ەكونوميكاسىنىڭ ارتۋىنا اناعۇرلىم زور ۇلەس قوسۋى كەرەك. جۇڭگو جوعارى دەڭگەيدە ەسىك اشۋدى باتىل كەڭەيتەدى، جاپونيا كاسىپورىندارىن قامتىعان اناعۇرلىم كوپ شەتەل قارجىلاندىرعان كاسىپورىنداردىڭ جۇڭگوعا كەلىپ دامۋىن قارسى الادى. جاپونيا حالىقارالىق ساۋدانى جەبەۋ قوعامىنىڭ ەكى ەلدىڭ ەكونوميكا - ساۋدا سەلبەستىگىن تەرەڭدەتۋدە، دوستىقتى، ءوزارا سەنىمدىلىكتى كۇشەيتۋدە ۇزدىكسىز بەلسەندى رول اتقارۋىن ءۇمىت ەتەمىن ءارى جاپونيانىڭ ءار سالاسىنىڭ جۇڭگومەن مادەنيەت، ساياحات، دەنە تاربيە، جاستار، ەكولوگيالىق ورتانى قورعاۋ سياقتى سالالارداعى اۋىس - كۇيىستى كۇشەيتۋىن قارسى الامىز.

حىيە ياڭپيڭ مىنالاردى ءبىلدىردى: جۇڭگو − جاپونيانىڭ ەڭ ماڭىزدى ەكونوميكا - ساۋدا سەلبەستىك سەرىگى، جۇڭگو ەكونوميكاسىنىڭ قۋاتتى ىشكى قوزعاۋشى كۇشى جانە سەرپىمدىلىگى بار. قازىرگى تۇراقسىزدىققا تولى حالىقارالىق جاعدايدا، جاپونيا مەن جۇڭگو ەكى ەل بايلانىستى، سايكەسۋدى كۇشەيتىپ، كوپ جاقتىلىق پەن ەركىن ساۋدا جۇيەسىن بىرگە قورعاۋى كەرەك. جاپونيا حالىقارالىق ساۋدانى جەبەۋ قوعامى جاپونيا مەن جۇڭگونىڭ دوستىعىنا ۇزاق ۋاقىت كۇش سالىپ، جۇڭگومەن اۋىس - كۇيىستى ۇزدىكسىز كەڭەيتىپ، ءوزارا ءتۇسىنىسۋدى كۇشەيتىپ، ەكى ەل حالقىنىڭ سۇيىسپەنشىلىگىن تەرەڭدەتۋگە، ءوزارا تانىمدى جاقسارتۋعا، ءوزارا ءتيىمدى سەلبەستىكتى جەبەۋگە بەلسەندى ۇلەس قوسۋدى قالايدى.

ۋ جىڭلۇڭ كەزدەسۋدە بىرگە بولدى.