ديڭ شۋەشياڭ شاڭحاي سەلبەستىك ۇيىمىنا مۇشە ەلدەردىڭ قازىنا مينيسترلەرى مەن ورتالىق بانكە باستىقتارى ماجىلىسىنە قاتىناسقان سىرت جاقتىڭ ۋاكىلدەرىمەن توپتىق كەزدەستى

شينحۋا اگەنتتىگى، 6 - ايدىڭ 3 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 6 - ايدىڭ 3 - كۇنى بەيجيڭدە شاڭحاي سەلبەستىك ۇيىمىنا مۇشە ەلدەردىڭ قازىنا مينيسترلەرى مەن ورتالىق بانكە باستىقتارى ماجىلىسىنە قاتىناسقان سىرت جاقتىڭ ۋاكىلدەرىمەن توپتىق كەزدەستى.

ديڭ شۋەشياڭ مىنالاردى ءبىلدىردى: 2024 - جىلعى ”شاڭحاي سەلبەستىك ۇيىمى +“ استانا باسشىلار ماجىلىسىندە ءتوراعا شي جينپيڭ شاڭحاي سەلبەستىك ۇيىمى مەكەنىن اناعۇرلىم كوركەم ەتىپ بىرگە قۇرۋ جونىندە ءبىرقىدىرۋ ماڭىزدى ۇسىنىس جانە كەلەلى شارا ورتاعا قويدى. بيىل − شاڭحاي سەلبەستىك ۇيىمىنىڭ ”جۇڭگو جىلى“، جۇڭگو جاق ءار جاقپەن وسىنى وراي ەتىپ، دامۋدى الدىمەن ويلاستىرۋعا تاباندى بولىپ، قازىنا، قارجى سەلبەستىگىن كۇشەيتىپ، ءوز اقشاسىمەن ەسەپ جابۋ ۇلەسىن كەڭەيتىپ، سيفرلى جالپىعا ءتيىمدى فينانستى دامىتىپ، شاڭحاي سەلبەستىك ۇيىمىنىڭ وركەندەتۋ بانكەسىن بەلسەنە قۇرىپ، ءوڭىردىڭ، مەملەكەتتىڭ دامۋىنا قۋاتتى قوزعاۋشى قۋات ۇستەۋدى قالايدى.

شاڭحاي سەلبەستىك ۇيىمىنىڭ باس حاتشىسى ەرمەكبايەۆ سىرت جاق اتىنان ءسوز سويلەپ، جۇڭگونىڭ شاڭحاي سەلبەستىك ۇيىمىنا ءتوراعا ەل رەتىندە ىستەگەن قىزمەتتەرىن ايرىقشا القادى، جۇڭگومەن بىرگە ”شاڭحاي رۋحىن“ ۇستانىپ، ءوڭىردىڭ گۇلدەنۋىن، دامۋىن جەبەۋدى قالايتىندىقتارىن ءبىلدىردى.