بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.06.10 14:46 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 9 - كۇنى، بەيجيڭ. 6 - ايدىڭ 9 - كۇنى مەملەكەتتىك كەڭەس ”عىلىم - تەحنيكا تابىسىن كادەگە جاراتۋ مەحانيزمى رەفورماسىن تەرەڭدەتىپ، عىلىم - تەحنيكادا جاڭالىق جاراتۋ مەن كاسىپ سالاسىندا جاڭالىق جاراتۋدىڭ توعىسپالى دامۋىن ىلگەرىلەتۋدى“ نەگىزگى تاقىرىپ ەتىپ، 14 - رەتكى ارناۋلى ۇيرەنۋ وتكىزدى. مەملەكەتتىك كەڭەستىڭ زۇڭليى لي كىچياڭ ۇيرەنۋدى باسقارعاندا بىلاي دەپ باسا دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ قاتىستى شەشىمدەرى مەن ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، كوپ جاقتى سايكەستى كۇش سالۋ ارقىلى عىلىم - تەحنيكا جەتىستىكتەرىن كادەگە جاراتۋداعى كەدەرگىلەردى كۇش سالا شەشىپ، كادەگە جاراتۋ ونىمدىلىگىن شىنايى جوعارىلاتىپ، جاڭالىق اشا دامۋدى جەبەۋ كەرەك.
چاڭجياڭ اتىراۋى مەملەكەتتىك تەحنيكادا جاڭالىق اشۋ ورتالىعىنىڭ مەڭگەرۋشىسى ليۋ چيڭ تۇسىنىك جاسادى. مەملەكەتتىك كەڭەس زۇڭليىنىڭ ورىنباسارلارى جاڭ گوچيڭ، ليۋ گوجۇڭ پىكىر اۋىستىرىپ، ءسوز سويلەدى.
لي چياڭ تۇسىندىرمەنى جانە پىكىر اۋىستىرىپ سويلەنگەن ءسوزدى تىڭداعاننان كەيىن بىلاي دەپ اتاپ كورسەتتى: عىلىم - تەحنيكا جەتىستىكتەرىن كادەگە جاراتۋ جاڭالىق اشۋ تىزبەگى مەن كاسىپ سالاسى تىزبەگىن تۇتاستىرادى، بۇل − عىلىم - تەحنيكادا جاڭالىق اشۋدىڭ ”ەڭ سوڭعى ءبىر كيلومەترى“، جاڭا ءونىم، جاڭا كاسىپ سالاسى، جاڭا قوزعاۋشى كۇش تۋىنداتىپ، جاڭاشا وندىرگىش كۇش قالىپتاستىرۋعا ءتيىمدى. ءتۇرلى جاڭالىق اشۋ بايلىعىن اناعۇرلىم ءبىر تۇتاس جوسپارلاپ، ءتۇزىلىس، مەحانيزم رەفورماسىن تەرەڭدەتىپ، قامداۋ مەن قاجەتسىنۋدى ۇشتاستىرۋ ارناسىن ىركىلىسسىزدەندىرىپ، عىلىم - تەحنيكا جەتىستىكتەرىن كادەگە جاراتۋدىڭ اناعۇرلىم زور ونىمدىلىگى ارقىلى عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسپالى دامۋىن اناعۇرلىم ويداعىداي ىلگەرىلەتۋ كەرەك.
لي چياڭ بىلاي دەپ اتاپ كورسەتتى: عىلىم - تەحنيكا جەتىستىكتەرىن كادەگە جاراتۋ تەحنيكالىق زەرتتەۋ - اشۋ، ينجەنەريالىق دالەلدەۋ جانە كاسىپ سالالاندىرۋ، ساۋداعا سالۋ سياقتى كوپتەگەن بۋىندى باسىپ وتەدى، ءارقانداي ءبىر بۋىننىڭ ىركىلىسسىز بولماۋى تياناقتانۋ ونىمدىلىگىنە ىقپال جاسايدى، نازاردى شەشۋشى تۇيىنگە شوعىرلاندىرىپ، عىلىم - تەحنيكا جەتىستىكتەرىن كادەگە جاراتۋدىڭ بوگەلۋ ءتۇيىنىن كۇش سالا اشۋ كەرەك. وندىرگىش كۇشكە اينالدىرۋ جاعىندا، عىلىم - تەحنيكالىق زەرتتەۋ - اشۋ مەن كاسىپ سالاسىنىڭ دامۋىنا قاتىستى باعالاۋ جۇيەسى مەن مەحانيزمىن ونان ارى ساپالىلاندىرىپ، عىلىم - تەحنيكا جەتىستىكتەرىنىڭ ەكونوميكالىق، قوعامدىق دامۋعا قىزمەت وتەۋدەگى ناعىز قۇنىنا اناعۇرلىم ءمان بەرىپ، كاسىپ سالاسى قاجەتى مەن عىلىم - تەحنيكالىق قامداۋدىڭ سايكەسىمدىلىگىن ۇزدىكسىز كۇشەيتۋ كەرەك. كادەگە جاراتۋ، ۇشتاستىرۋ جاعىندا، كاسىپورىنداردىڭ جاڭالىق اشۋداعى نەگىزگى تۇلعالىق ورنىن ونان ارى كۇشەيتىپ، شارت - جاعدايى بار كاسىپورىنداردىڭ مەملەكەتتىڭ عىلىم - تەحنيكادا جاڭالىق اشۋ نىساندارىنا باستاماشى بولۋىنا نەمەسە ات سالىسۋىنا قولداۋ كورسەتىپ، كاسىپورىنداردى جوعارى مەكتەپتەرمەن، عىلمي زەرتتەۋ قۇرىلىمدارىمەن تىعىز سەلبەسۋگە جەتەكتەپ، كاسىپ سالاسىنىڭ الدىڭعى لەگىنە باعىتتاي وتىرىپ، عىلىم - تەحنيكا ماسەلەلەرىن بىرگە پىسىقتاپ، عىلمي زەرتتەۋدە قامال الۋدى بىرلەسىپ ورىستەتۋ كەرەك. كادەگە جاراتۋ، قولدانۋ جاعىندا العاشقى كەلەلى جابدىق ساياساتى سياقتى ساياساتتاردان ويداعىداي پايدالانىپ، دەربەس قامال الۋ تەحنيكاسى مەن ونىمدەرىنىڭ كولەمدەنگەن قولدانىس بارىسىندا ۇزدىكسىز جاڭالانۋىن، دارەجەسىن جوعارىلاتۋىن ىلگەرىلەتۋ كەرەك.
لي چياڭ بىلاي دەپ باسا دارىپتەدى: عىلىم - تەحنيكا جەتىستىكتەرىن كادەگە جاراتۋ تاماشا ورتانىڭ تىرەك بولۋىن قاجەت ەتەدى، ءونىمدى بازار مەن تىندىرىمدى ۇكىمەتتى ۇشتاستىرۋعا تاباندى بولىپ، قولداۋ ساياساتى مەن بازار قىزمەت وتەۋىن كەمەلدەندىرىپ، جوعارى ءونىمدى، سايكەستى، ومىرشەڭدىك كۇشكە باي جەتىستىكتەردى كادەگە جاراتۋ جۇيەسىن قالىپتاستىرۋ كەرەك. شابىتتاندىرۋ مەحانيزمىن كەمەلدەندىرىپ، عىلىم - تەحنيكا جەتىستىكتەرىن كادەگە جاراتۋ زاڭدىلىعىنا بويسۇنىپ، مىندەتتىك عىلىم - تەحنيكا جەتىستىكتەرىنە ۇقىق بەرۋ جانە مال - مۇلىكتى جەكە - جەكە باسقارۋ رەفورماسىن ىلگەرىلەتىپ، ءار جاقتىڭ بەلسەندىلىگىن اناعۇرلىم ويداعىداي تاسقىنداتۋ كەرەك. قارجىلاي قولداۋدى كۇشەيتىپ، وي جەلىسىن ونان ارى كەڭەيتىپ، بازار كۇشىنەن اناعۇرلىم كوپ پايدالانىپ، قوعامدىق كاپيتالدى ۇسىنىلىمدى ارتتىرۋعا باۋراپ، فينانس قۇرىلىمدارىنىڭ فينانس ونىمدەرى مەن قىزمەت وتەۋ تاسىلىندە جاڭالىق اشۋىنا دەم بەرىپ، كوپ ساتىلى كاپيتال بازارىن دامىتىپ، كوپ نەگىزدى قارجى قۇراۋ ارناسىن ازىرلەۋ كەرەك. الەۋمەتتىك قىزمەت وتەۋدى كۇشەيتىپ، ءبىر توپ عىلىم - تەحنيكالىق الەۋمەتتىك قىزمەت وتەۋ تۇعىرىن قۇرۋعا جوبا ارقىلى جەتەكشىلىك ەتىپ جانە قولداۋ كورسەتىپ، عىلىم - تەحنيكا جەتىستىكتەرى بويىنشا قامداۋشى مەن قاجەتسىنۋشى ەكى جاققا جان - جاقتى قىزمەت وتەۋ كەرەك.
كەلۋ قاينارى: حالىق تورابى
