لي چياڭ 2025 - جىلعى جازعى داۆوس تالقى مىنبەرىنىڭ اشىلۋ سالتىنا قاتىناستى ءارى ارناۋ ءسوز سويلەدى

6 - ايدىڭ 25 - كۇنى تۇستەن بۇرىن مەملەكەتتىك كەڭەستىڭ زۇڭليى لي چياڭ تيانجيندە 2025 - جىلى جازعى داۆوس تالقى مىنبەرىنىڭ اشىلۋ سالتىنا قاتىناستى ءارى ارناۋ ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى راۋ مين تۇسىرگەن

«حالىق گازەتى»، 6 - ايدىڭ 25 - كۇنى، تيانجين (تىلشىلەر چىن شاڭۋىن، ۋ شاۋمين). 6 - ايدىڭ 25 - كۇنى تۇستەن بۇرىن مەملەكەتتىك كەڭەستىڭ زۇڭليى لي چياڭ تيانجيندە 2025 - جىلعى جازعى داۆوس تالقى مىنبەرىنىڭ اشىلۋ سالتىنا قاتىناستى ءارى ارناۋ ءسوز سويلەدى. ەكۆادوردىڭ زۇڭتۇڭى نوبوا، سينگاپۋردىڭ زۇڭليى حۋاڭ شۇنساي، قىرعىزستاننىڭ پرەمەر مينيسترى زۇڭليى قاسىماليەۆ، سەنەگالدىڭ زۇڭليى سۇڭكى، ۆيەتنامنىڭ زۇڭليى فان ميڭجىڭ، سونداي - اق 90 نەشە مەملەكەت پەن رايوننان كەلگەن 1700 دەن استام ءار سالا ۋاكىلدەرى قاتىناستى.

لي چياڭ مىنالاردى ءبىلدىردى: قازىر حالىقارالىق ەكونوميكا - ساۋدا جۇيەسىندە تەرەڭ وزگەرىستەر تۋىلۋدا. ەكونوميكا - ساۋدا جۇيەسى اناعۇرلىم كوپ نەگىزدەنۋگە بەت الدى، جەر شارىنىڭ وڭتۇستىگىندەگى كۇشتەر جەدەل ەڭسە كوتەردى؛ ءداستۇرلى ساۋدانىڭ ارتۋ قارقىنى باياۋلادى، جاڭادان كوركەيگەن ساۋدا قيىن - قىستاۋ جاعدايدا ارتتى؛ دۇنيە جۇزىلىك مەحانيزم سوققىعا ۇشىرادى، وڭىرلىك سەلبەستىك كۇن سايىن كوبەيۋدە؛ شەكارا اتتاپ قارجى قوسۋدىڭ تولقۋى باسەڭدەدى، ءوندىرىس - قامداۋ تىزبەگىنىڭ بۇزىلۋ قاتەرى كۇشەيدى. ءبىز دۇرىس جول مەن دۇرىس اۋقىمعا سايكەسىپ، اقىل - پاراسات پەن جاۋاپكەرشىلىك ارقالاپ، بەلسەندى پوزيتسيا مەن سىندارلى ارەكەت قولدانىپ، ەكونوميكانىڭ جاھاندانۋىن تاباندىلىقپەن قورعاپ، ەركىن ساۋدا مەن كوپ جاقتىلىقتى قورعاپ، دۇنيە ءجۇزى ەكونوميكاسىنىڭ ورنىقتى دامۋىن جەبەۋىمىز كەرەك. ءبىرىنشى، تەڭ تۇرعىدا كەڭەسۋ بارىسىندا قايشىلىقتار مەن الاۋىزدىقتاردى شەشۋ كەرەك. جۇڭگو دۇنيە جۇزىندەگى ەلدەرمەن بىرگە ۇزدىكسىز قۇلشىنىپ، حالىقارالىق ەكونوميكا - ساۋدا سەلبەستىگىنىڭ سەنىمدىلىك نەگىزىن بەكەمدەۋدى قالايدى. ەكىنشى، سەلبەستىك بارىسىندا ورتاق مۇددەنى قورعاۋ كەرەك. جۇڭگو ازيا - تىنىق مۇحيت ەكونوميكالىق سەلبەستىك ۇيىمى، شاڭحاي سەلبەستىك ۇيىمى، بريكس، 20 ەل توبى سياقتى كوپ جاقتى سەلبەستىكتەرگە ۇزدىكسىز بەلسەنە ات سالىسىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتەدى. ءۇشىنشى، ارتۋ مولشەرىن ارتتىرۋ بارىسىندا ءوزارا تابىسقا جەتۋ كەرەك. جۇڭگو ءار ەلمەن كاسىپ سالاسى سەلبەستىگىن اناعۇرلىم كۇشەيتىپ، سەلبەستىك تابىسىن مولىقتىرىپ، دامۋ جەتىستىكتەرىنەن تەڭ يگىلىكتەنۋدى قالايدى.

لي چياڭ مىنالاردى ءبىلدىردى: جۇڭگو دۇنيە ءجۇزى بازارىنا ۇزدىكسىز بەلسەنە ارالاسىپ، دۇنيە ءجۇزى ەكونوميكاسىنا جۇڭگو ەكونوميكاسىنىڭ ءتيىستى ۇلەس قوسادى. كوپ جىلدان بەرى جۇڭگو ەكونوميكاسىنىڭ دۇنيە ءجۇزى ەكونوميكاسىنىڭ ارتۋىنداعى ماڭىزدى قوزعاۋشى كۇش بولۋىنىڭ سەبەبى، ءوزىنىڭ ورنىقتىلىعى مەن جوعارى تولىسۋىندا عانا ەمەس، جۇڭگو ەكونوميكاسىنىڭ اشىقتىعى مەن دۇنيە ءجۇزى ەكونوميكاسىمەن ىقپالداستىعىندا. جۇڭگو ەكونوميكاسىنىڭ ءۇرتىس، ورنىقتى ارتۋى دۇنيە ءجۇزى ەكونوميكاسىنىڭ جەدەل قالپىنا كەلۋىنە پارمەندى تىرەك ازىرلەيدى. جۇڭگو بازارىنىڭ سيىمدىلىعىن ۇزدىكسىز كەڭەيتىپ، ساپاسىن جوعارىلاتۋ حالىقارالىق ەكونوميكا - ساۋدانىڭ قۇلدىراۋ جاعدايىن وڭاۋعا مۇمكىندىك جاراتادى. جۇڭگونىڭ جاڭالىق اشۋى ۇزدىكسىز تىڭ تابىستارعا قول جەتكىزىپ، دۇنيە جۇزىلىك دامۋدىڭ قوزعاۋشى قۋاتتىڭ جەتكىلىكسىزدىگىنەن قۇتىلۋىنا تىڭ ومىرشەڭدىك كۇش قوسادى.

لي چياڭ بىلاي دەپ باسا دارىپتەدى: بۇل رەتكى تالقى مىنبەرىنىڭ ”جاڭا داۋىردەگى كاسىپورىنشىلار رۋحىن“ نەگىزگى تاقىرىپ ەتۋى ماڭىزدى رەال مانگە يە. جاڭا ءداۋىر كاسىپكەرلەردىڭ اناعۇرلىم زور رول اتقارۋىن، اناعۇرلىم زور ىسكەرلىك كورسەتۋىن قاجەت ەتەدى. كوپشىلىكتىڭ ءتيىمدى ىستەردى، ءورىس اشۋ ىستەرىن، تەڭ يگىلىككە كەنەلۋ ىستەرىن كوبىرەك ىستەۋىن ءۇمىت ەتەمىن. جۇڭگو ۇكىمەتى بازارلانعان، زاڭمەن جونگە سالىناتىن، حالىقارالانعان ماڭداي الدى ساۋدا ورتاسىن ۇزدىكسىز قالىپتاستىرادى، سونداي - اق باستان - اياق قۇشاعىن ايقارا اشىپ، ءار ەل كاسىپورىندارىنىڭ جۇڭگوعا قارجى قوسۋىن، جۇڭگودا تەرەڭ تامىر تارتۋىن، جۇڭگومەن بىرگە دامۋىن، اناعۇرلىم كوركەم بولاشاقتى بىرگە جاراتۋىن قىزۋ قارسى الادى.

چىن مين - ىر، ۋ جىڭلۇڭ اشىلۋ سالتىنا قاتىناستى.

كەلۋ قاينارى: حالىق تورابى