بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.06.27 22:21 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 26 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 6 - ايدىڭ 26 - كۇنى حالىق سارايىندا فرانسيا حالىق پارلامەنتىنىڭ باستىعى بروۋن - پيۆەمەن بىرگە جۇڭگو مەملەكەتتىك حالىق قۇرىلتايى مەن فرانسيا حالىق پارلامەنتى اۋىس - كۇيىس مەحانيزمىنىڭ 12 - رەتكى ءماجىلىسىن باسقاردى ءارى ارقاۋ ءسوز سويلەدى.
جاۋ لىجي مىنالاردى ءبىلدىردى: بىلتىر جۇڭگو مەن فرانسيا ديپلوماتيالىق قارىم - قاتىناس ورناتقاندىعىنىڭ 60 جىلدىعى قارساڭىندا، ءتوراعا شي جينپيڭ فرانسيادا مەملەكەتتىك ساپاردا بولىپ، ماكرون زۇڭتۇڭمەن بىرگە جۇڭگو مەن فرانسيانىڭ ديپلوماتيالىق قارىم - قاتىناس ورناتۋ رۋحىن ساۋلەلەندىرۋگە ءبىر اۋىزدان ماقۇل بولدى ءارى وعان جاڭا داۋىرلىك ءمان بەردى. وتكەن ايدا ەكى ەلدىڭ مەملەكەت باسشىلارى تەلەفوندا سويلەسىپ، جۇڭگو - فرانسيا قارىم - قاتىناسىنىڭ اقاۋسىز، ورنىقتى دامۋىنا جەتەكشىلىك ەتتى. جۇڭگو جاق فرانسيا جاقپەن جان - جاقتى اۋىس - كۇيىستى، سەلبەستىكتى كۇشەيتىپ، ءوزارا سەنىمدىلىكتى ارتتىرىپ، ورتاق تانىم ۇيىستىرىپ، ەكى ەل قارىم - قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋدى قالايدى.
جاۋ لىجي بىلاي دەپ اتاپ كورسەتتى: جۇڭگو مەن فرانسيا ءوزارا ءتۇسىنىسۋدىڭ دوستىق نەگىزىن بەكەمدەپ، ءوزارا پايدا جەتكىزىپ، تەڭ يگىلىككە كەنەلۋدىڭ سەلبەستىك كوپىرىن ورناتىپ، ءداستۇرلى سالاداعى سەلبەستىكتى تەرەڭدەتىپ، جاساندى زەردە، جاسىل، تومەن كومىرتەكتى بولۋ سياقتى جاڭادان گۇلدەنگەن سالالارداعى سەلبەستىكتى كەڭەيتىپ، كەڭەسۋ، تىلدەسۋ ارقىلى ساۋدا الاۋىزدىعىن ۇيلەسىمدى شەشۋى كەرەك. ءوزارا ءتۇسىنىسۋدىڭ گۋمانيتارلىق دانەكەرىن بەكەمدەپ، مادەنيەت، وقۋ - اعارتۋ، ساياحات سياقتى سالالاردا اۋىس - كۇيىستى تەرەڭدەتۋ كەرەك. كوپ جاقتى سالالارداعى سەلبەستىكتى، سايكەسۋدى كۇشەيتىپ، حالىقارالىق جانە وڭىرلىك قولامتالى ماسەلەلەردە تىعىز تىلدەسۋدى ساقتاۋ كەرەك. تايۋان ماسەلەسى _ جۇڭگو جاقتىڭ وزەكتى مۇددەسى، فرانسيانىڭ ءىس جۇزىندىك ارەكەتى ارقىلى ءبىر جۇڭگو پرينسيبىنە تاباندى بولىپ، ەكى ەل قارىم - قاتىناسىنىڭ ساياسي نەگىزىن ويداعىداي قورعايتىندىعىنا سەنەمىن. بيىل _ جۇڭگو مەن ەۆروپا وداعىنىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى، جۇڭگو - ەۆروپا قارىم - قاتىناسىنىڭ ۇزدىكسىز جاقسارىپ، دامىپ، دۇنيە جۇزىنە اناعۇرلىم كوپ ورنىقتىلىق جانە وڭ ەنەرگيا ۇستەۋىن ءۇمىت ەتەمىن.
جاۋ لىجي بىلاي دەپ باسا دارىپتەدى: وسى رەتكى ءماجىلىس جۇڭگونىڭ مەملەكەتتىك حالىق قۇرىلتايى مەن فرانسيا حالىق پارلامەنتىنىڭ اۋىس - كۇيىس مەحانيزمى اراعا 5 جىل سالىپ قايتا باستالدى، بۇل ەكى جاقتىڭ سەلبەستىگىن تەرەڭدەتۋدە ماڭىزدى مانگە يە. جۇڭگو مەملەكەتتىك حالىق قۇرىلتايى فرانسيا پارلامەنتىمەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن تياناقتاندىرىپ، زاڭ شىعارۋ قۇرىلىمدارىنىڭ فۋنكتسيالىق رولىن ساۋلەلەندىرىپ، ءار دارەجەلى اۋىس - كۇيىستى تەرەڭدەتىپ، زاڭ شىعارۋ، باقىلاۋ سياقتى قىزمەت تاجىريبەلەرىنەن بىرگە يگىلىكتەنىپ، ەكى ەلدىڭ ناقتى سەلبەستىگىن زاڭدىق كەپىلمەن قامداۋدى قالايدى. جۇڭگو مەملەكەتتىك حالىق قۇرىلتايى ەۆروپا پارلامەنتىمەن اۋىس - كۇيىستى، سەلبەستىكتى كۇشەيتىپ، جۇڭگو - ەۆروپا قارىم - قاتىناسىنىڭ اقاۋسىز، ورنىقتى دامۋىنا دەم بەرۋدى قالايدى. فرانسيا پارلامەنتىندەگى دوستاردىڭ جۇڭگوعا ۇنەمى ساپارلاي كەلىپ، جۇڭگو - فرانسيا قارىم - قاتىناسىن جەبەۋدە سىندارلى رول اتقارۋىن قارسى الامىز.
بروۋن - پيۆە ارقاۋ ءسوز سويلەپ مىنالاردى ءبىلدىردى: فرانسيا - جۇڭگو دوستىعىنىڭ تاريحى ۇزاق، سەلبەستىك تابىسى مول. فرانسيا مەن جۇڭگو كوپ جاقتىلىققا تاباندى بولىپ، سىڭار جاقتىلىققا، قورعانىمپازدىققا قارسى تۇرادى، قازىرگى قاتاڭ حالىقارالىق جاعداي الدىندا، فرانسيا مەن جۇڭگونىڭ قارىم - قاتىناستى، ىنتىماقتى كۇشەيتۋى توتەنشە ماڭىزدى. فرانسيا جاق جۇڭگو جاقپەن ءوزارا قۇرمەت ەتۋ جانە ءوزارا پايدا جەتكىزۋ رۋحى بويىنشا، ساۋدا، قارجى قوسۋ، جاساندى زەردە، كليمات وزگەرىسى، مادەنيەت، وقۋ - اعارتۋ سياقتى سالالارداعى سەلبەستىكتى كۇشەيتىپ، دۇنيە جۇزىلىك سىن - سايىسقا بىرگە توتەپ بەرۋدى ءۇمىت ەتەدى. فرانسيا حالىق پارلامەنتى جۇڭگو مەملەكەتتىك حالىق قۇرىلتايىمەن تىلدەسۋدى، اۋىس - كۇيىستى تەرەڭدەتىپ، فرانسيا - جۇڭگو قارىم - قاتىناسىنىڭ دامۋىن جەبەۋگە تىڭ ومىرشەڭدىك كۇش قوسۋدى قالايدى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ ماجىلىسكە قاتىناستى.
كەلۋ قاينارى: حالىق تورابى
