شي جينپيڭ سۋرينامنىڭ جاڭادان سايلانعان زۇڭتۇڭى سيمونسكە قۇتتىقتاۋ تەلەگرامماسىن جولدادى

شينحۋا اگەنتتىگى، 7 ـ ايدىڭ 13 ـ كۇنى، بەيجيڭ. 7 ـ ايدىڭ 11 ـ كۇنى مەملەكەت ءتوراعاسى شي جينپيڭ سيمونسكە تەلەگرامما جولداپ، ونىڭ سۋرينام رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: سۋرينام _ جۇڭگونىڭ كارايب وڭىرىندەگى ستراتەگيالىق سەلبەستىك سەرىگى. ديپلوماتيالىق قارىم ـ قاتىناس ورناتقان 49 جىلدان بەرى ەكى جاقتىڭ بىرگە قۇلشىنۋىندا، جۇڭگو ـ سۋرينام قارىم ـ قاتىناسى اقاۋسىز، ورنىقتى دامىپ، ءار سالاداعى ناقتى سەلبەستىكتە سۇبەلى تابىستارعا قول جەتكىزىپ، كوپ جاقتى ىستەردە تىعىز سايكەسۋدى ساقتادى. مەن جۇڭگو - سۋرينام قارىم - قاتىناسىنىڭ دامۋىنا ايرىقشا ءمان بەرەمىن، سيمونستىڭ سايلانعان زۇڭتۇڭىمەن بىرگە قۇلشىنىپ، ءوزارا ءتيىمدى دوستىق سەلبەستىكتى تەرەڭدەتىپ، ەكى ەلدىڭ ستراتەگيالىق سەلبەستىك سەرىكتەستىك قارىم - قاتىناسىنىڭ اناعۇرلىم زور دامۋىن ىلگەرىلەتىپ، ەكى ەل حالقىنا ءتىپتى دە زور باقىت جاراتۋدى قالايمىن.