جىجياڭ ”مادەنيەت + عىلىم - تەحنيكانىڭ“ ىشكەرىلەي توعىسۋىن ءبىر تۇتاس جوسپارلاپ ىلگەرىلەتتى

ەكراندى جەڭىل نۇقىعاندا، ”سيفرلى بەيجيڭ - حاڭجوۋ ۇلكەن كانالى“ باياۋ اعىپ جاتىر، كانالدىڭ ۇستىندە ءۇش ولشەمدى مودەلدەر تۇر، 360 گرادۋستىق جالپى كورىنىسى كورىنەتىن گۇڭچىن كوپىرى... ”سيفرلى كانال باسقارۋ جۇيەسى“ ىسكە قوسىلىپ، گۇڭچىن كوپىرىنىڭ قازىرگى ساقتالۋ جاعدايى، سۋ رايى ورتاسى، ساياحاتشىلار مولشەرى سياقتىلاردى ءبىر كورىپ - اق بىلۋگە بولادى، بۇل قىزمەتكەرلەردىڭ كەز كەلگەن ۋاقىتتا ونىڭ ”سالاماتتىق جاعدايىن“ يگەرۋىنە قولايلى.

گۇڭچىن كوپىرى _ ۇلكەن كانالداعى دۇنيە جۇزىلىك مادەني مۇرا ءتۇيىنى. وسى بىردەن - ءبىر مادەنيەت بەلگىسىن اناعۇرلىم ويداعىداي قورعاۋ ءۇشىن، جىجياڭ ولكەسىنىڭ حاڭجوۋ قالاسى ۇلكەن كانالدىڭ (حاڭجوۋ بولەگى) گۇڭچىن كوپىرىن سيفرلاندىرىپ قورعاۋ نىسانىن باستاپ، عىلىم - تەحنيكا كۇشى ارقىلى مادەنيەت مۇرالارىن قورعاۋعا، جالعاستىرۋعا كۇش سالدى

2023 ـ جىلى 9 ـ ايدا باس شۋجي شي جينپيڭ جىجياڭدا قىزمەت تەكسەرگەندە: ”جىجياڭ جۇڭحۋا ۇلتىنىڭ وسى زامانعى وركەنيەتىن قۇرۋ جاعىندا بەلسەنە ىزدەنىس جاساۋى كەرەك. جاڭا داۋىردەگى جاڭا مادەنيەت بورىشىن اناعۇرلىم ويداعىداي ارقالاپ، تاريحي مادەنيەت تامىرىن جالعاستىرىپ، مادەنيەت مۇرالارىن قورعاۋدى كۇشەيتىپ، تاڭداۋلى ءداستۇرلى مادەنيەتتىڭ جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتۋى كەرەك“ دەپ باسا دارىپتەدى.

جەرگىلىكتى جاعدايعا قاراي ىستەپ، دۇرىس جولدان جازباي، جاڭالىق اشقان جىجياڭ باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، مادەنيەت پەن عىلىم ـ تەحنيكانىڭ ىشكەرىلەي توعىسۋىن بەلسەنە ىلگەرىلەتىپ، عىلىم ـ تەحنيكا ارقىلى مادەنيەتتىڭ جوعارى ساپالى دامۋىنا دەم بەردى.

عىلىم - تەحنيكا مادەنيەت مۇرالارىن قورعاۋعا دەم بەردى −

ۇشقىشسىز ۇشاق، ۇلكەن كورىنىستەگى ءۇش ولشەمدى لازەرلى جايمالاۋ اسپابى سياقتى جابدىقتاردان پايدالانىپ ساندى مالىمەت جيناپ، ونان سوڭ ساندى مالىمەتتەردى ءبىر جاقتى ەتۋ، ءۇش ولشەمدى مودەل قۇرۋ، ءۇش ولشەمدى كارتون سياقتى تەحنيكالاردان پايدالاندى... ءبىر جىل ۋاقىت جۇمساپ، جىجياڭ داشۋەسى مادەنيەت مۇرالارىن زەرتتەۋ ورنىنىڭ مادەني مۇرالاردى سيفرلاندىرۋ ۇجىمى گۇڭچىن كوپىرىن سيفرلى دۇنيەگە ”كوشىردى“. 2023 ـ جىلى حاڭجوۋ ازيا سپورت جارىسىنىڭ اشىلۋ سالتىندا ءۇش ولشەمدى تەحنيكامەن كوز الدىعا كەلتىرىلگەن گۇڭچىن كوپىرى كانال ۇستىندە بوي كورسەتىپ، ەرتە زامان مەن قازىرگى زاماندى جالعاپ، دۇنيە ءجۇزىن ءدۇر سىلكىندىردى.

”ادەمىلىك ءۇشىن عانا ەمەس!“ ۇجىمنىڭ جاۋاپتىسى دياۋ چاڭيۇي بىلاي دەپ تانىستىردى: گۇڭچىن كوپىرىنىڭ سيفرلاندىرىلعان جەتىستىكتەرى كەيىنگى زەرتتەۋ، قورعاۋ، الەۋمەتتىك تاربيە، كورمە ەتىپ اشۋ سياقتىلاردى عىلمي تىرەكپەن قامدايدى.

مادەنيەتتى سيفرلاندىرۋ سالاسىندا الدىمەن تاقىرىپ اشتى، جىجياڭ سيفرلى تەحنيكا ارقىلى مادەني مۇرالاردى قورعاۋ مەن كورمەگە قويۋ اراسىنداعى تەپە ـ تەڭدىكتى قاراستىردى. ۋىنجوۋ مادەني مۇرالاردى قورعاۋدىڭ بۇلتتىق تەرمينال قورعاۋشىسىنان“ پايدالانىپ، زاتتاردى بايلانىستىرىپ سەزىنۋ، جاساندى زەردەگە تالداۋ جاساۋ سياقتى تەحنيكالاردى توعىستىرىپ، بايىرعى ەسكەرتكىشتەردى جالپى بەتتىك كورۋ، حاۋىپسىزدىكتى باقىلاۋ ـ باسقارۋ، قورعاۋدى تياناقتاندىرۋ، جاندى پايدالانۋ سىندى 4 ەرەكشە مودەلدى قالىپتاستىردى؛ شاۋشيڭ بايىرعى قالاسىنىڭ ”سيفرلى ەگىزدەرى“ جۇيەسى نەگىزىندە جاسالعان ”شاۋشيڭ بايىرعى قالاسى“ قولدانىس جۇيەسى ۆيرتۋالدى رەالدىق سياقتى تەحنيكالار ارقىلى ساياحات بايلىعى، حالىققا قولايلى قىزمەت وتەۋ سياقتى مازمۇنداردى ۇزدىكسىز ەنگىزدى...

عىلىم ـ تەحنيكا مادەنيەت كاسىپ سالاسىنىڭ جاڭالىق اشا دامۋىنا قۋات ۇستەدى _

ايەل گەنەرالدىڭ اتقا ءمىنىپ شايقاس جاساعان كورىنىسىن سۋرەتتەپ، كەڭ بۇرىشتى كورىنىسكە رەتتەپ، انىقتىق دارەجەسىن ونان ارى جوعارىلاتتى... حاڭجوۋ لياڭجوۋ سيفرلى مادەنيەت الەۋمەتتىك اۋماعىندا حاڭجوۋ تەاتر ءتۇيىنى توراپ تەحنيكاسى شەكتى سەرىكتەستىگىنىڭ شەتەلدەگى قىسقا تەاترىنىڭ جارناماسى جاساندى زەردە قۇرالى ارقىلى قالىپتاسۋدا.

لياڭجوۋ سيفرلى مادەنيەت الەۋمەتتىك اۋماعىندا مادەنيەت پەن عىلىم ـ تەحنيكا ىشكەرىلەي توعىسقان وسى جارىس جولى ۇزدىكسىز كەڭەيدى. 2024 ـ جىلى الەۋمەتتىك اۋماققا ىرگە تەپكەن ويىن كارتون فيلمى، كينو ـ تەلەۆيزيا مەدياسى سياقتى سالالارداعى كاسىپورىنداردىڭ تيجارات كىرىسى 3 ميلليارد 500 ميلليون يۋانعا جەتتى.

تۇعىر قۇرۋ، قامال الۋ سياقتى جاقتاردان ىسكە كىرىسكەن جىجياڭ مادەنيەت عىلىم ـ تەحنيكاسىندا جاڭالىق اشۋ قابىلەتىن جاپپاي جوعارىلاتىپ، مادەنيەت جاسامپازدىعى، تاراتۋ جانە باستان كەشىرۋ دارەجەسىن جوعارىلاتۋدى ىلگەرىلەتىپ، مادەنيەت كاسىبىنىڭ جاڭالىق اشا دامۋىنا پارمەندى تىرەك ازىرلەدى.

عىلىم ـ تەحنيكا مادەنيەت تۇتىنۋىنىڭ تيپىن وزگەرتىپ، دارەجەسىن جوعارىلاتۋعا دەم بەردى _

حاڭجوۋدىڭ شيحۋ رايونىنداعى بايىرعى جانە تاۋ ەتەگىندەگى ”M511 جارىق جيناعىندا“ قالا تۇرعىندارى مەن ساياحاتشىلار ءبىر كۇن تولىق تۇرا الادى: تۇستەن بۇرىن عارىشكەرلەردىڭ تۇرمىسىن سەزىنەدى؛ تۇستەن كەيىن بايىرعى شاي دۇكەنىن ارالايدى؛ كەشتە ورتا عاسىرداعى ەۆروپانى ساياحاتتايدى... جاساندى زەردەنىڭ ناقتى ۋاقىتتاعى ءوزارا قارىم - قاتىناسى، لازەر نۇرىنىڭ ديناميكالىق ىزىنە ءتۇسۋ، كوپ دىبىس جولى كەڭىستىگىندەگى دىبىس ونىمدىلىگى سياقتى تەحنيكالار تۇرلىشە كورىنىستەردى قولجەتىمدى ەتتى.

”تاڭداۋلى مازمۇندى ءوندىرۋ + كورىنىستى زەردەلى جاساۋ + كۇردەلى مادەنيەت كەشىرمەلەرى تۇتىنۋدى اناعۇرلىم تىڭ ورلەۋگە كوتەردى“. نىساننىڭ جاۋاپتىسى حۋاڭ يۋەيىڭ بىلاي دەپ تانىستىردى: ”M511 جارىق جيناعىنىڭ“ توركىنى جىجياڭ كينو سەرىكتەستىگىنىڭ پليونكا قامباسى، قازىر ”فوتو سۋرەت + عىلىم - تەحنيكا + كوركەمونەر“ سىندى مادەنيەت كەشىرمەلەرىنىڭ جاڭا كورىنىسىنە اينالدى.

جىجياڭنىڭ كوپ جەرىندەگى سيفرلى مادەنيەتتى باستان كەشىرۋ زالى جالپى حالىقتىق كوركەمونەردەن ءلاززاتتانۋ رايونىن، ىقپالداستىق رايونىن جانە ىشكەرىلەي ۇعىنۋ فورماسىنداعى مادەنيەتتى باستان كەشىرۋ رايونىن قۇرۋ ارقىلى قالا تۇرعىندارىنا مادەنيەت كەشىرمەلەرىن سەزىنۋ ورتاسىن جاراتتى. سونىمەن بىرگە، جىجياڭ ءبىر بەكەتتىك جەلىدەگى مادەنيەت الەۋمەتتىك قىزمەت وتەۋ تۇعىرىن قۇرىپ، 140 مىڭنان استام الەۋمەتتىك مادەنيەت قۇرىلعىسىمەن، 14 مىڭعا جۋىق ”15 مينۋتتىق ساپالى مادەنيەت تۇرمىس شەڭبەرىمەن“، سونداي - اق قاتىستى كاسىپپەن شۇعىلدانۋشى 30 مىڭ ادامدى، 52 مىڭ مادەنيەت ءوندىرىسشىسىن جانە 2 ميلليون 340 مىڭ مادەنيەت ەرىكتىسىن ۇشتاستىردى.

”جىجياڭ شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، ’مادەنيەت + عىلىم ـ تەحنيكانى‘ ءبىر تۇتاس جوسپارلاپ ىلگەرىلەتىپ، مادەنيەت قۇرىلىسىنىڭ ’8 ينجەنەرياسىن‘ تەرەڭدەتىپ، جۇڭگو ۇلگىسىندەگى وسىزامانداندىرۋدا جىجياڭنىڭ جاڭا تاراۋىن قۇلشىنا جازۋعا پارمەندى يدەيالىق كەپىل، قۇدىرەتتى رۋحاني كۇش، ءتيىمدى مادەنيەت شارت ـ جاعدايىن ازىرلەيدى“ دەدى جىجياڭ ولكەلىك پارتكومداعى نەگىزگى جاۋاپتى جولداس.