قازىنا مينيسترلىگى اۋىل شارۋاشىلىق وندىرىسىندە اپاتتان ساقتانۋ جانە اپاتتان قۇتقارۋ قارجىسىنان 197 ميلليون يۋان ءتۇسىردى

شينحۋا اگەنتتىگىنىڭ 7 - ايدىڭ 12 – كۇنى بەيجيڭنەن بەرگەن حابارى. ءتىلشىنىڭ 7 - ايدىڭ 12 - كۇنى قازىنا مينيسترلىگىنەن ۇعىسۋىنشا، تاياۋدا قازىنا مينيسترلىگى اۋىل شارۋاشىلىعى جانە اۋىل - قىستاق مينيسترلىگىمەن بىرگە ورتالىق قازىنانىڭ اۋىل شارۋاشىلىق وندىرىسىندەگى اپاتتان ساقتانۋ، اپاتتان قۇتقارۋ قارجىسىنان 197 ميلليون يۋان ءتۇسىرىپ، حۋبەي، حۋنان، گۋاڭدۇڭ، گۋاڭشي، چۇڭچيڭ، گۇيجوۋ، يۇننان قاتارلى 7 ولكەنىڭ (اۆتونوميالى رايون، توتە قاراستى قالا) اپاتقا ۇشىراعان رايوندارىنىڭ تاسقىن، تايفىڭ داۋىلى قاتارلى اپاتتاردىڭ ىقپالىنا بەلسەنە توتەپ بەرىپ، اۋىل شارۋاشىلىق وندىرىسىندە اپاتتان قۇتقارۋعا قاتىستى قىزمەتتەردى ورىستەتۋىنە قولداۋ كورسەتتى. بۇل قارجى ەگىس داقىلدارىن وزگەرتىپ ەگۋ، تولىقتاپ ەگۋ، اپات زيانىن ازايتۋ، اۋىل شارۋاشىلىق قۇرىلعىلارىن قالپىنا كەلتىرۋ، ەگىس اتىزدارىن ارشۋ، سۋ ىعىستىرۋ قاتارلى اپاتتان قۇتقارۋ شارالارىنا ءتۇيىندى تۇردە لايىقتى كومەك قاراجات بەرىپ، اۋىل شارۋاشىلىق ءوندىرىسىنىڭ زيانىن ازايتىپ، كۇزگى استىقتان مول ءونىم الۋ نەگىزىن بەكەمدەۋگە دەم بەردى.

كەلۋ قاينارى: حالىق تورابى