حان جىڭ ءۇندىستاننىڭ سىرتقى ىستەر مينيسترى سۋبەرمانياممەن كەزدەستى

شينحۋا اگەنتتىگى، 7 - ايدىڭ 14 - كۇنى، بەيجيڭ. 7 - ايدىڭ 14 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە ءۇندىستاننىڭ سىرتقى ىستەر مينيسترى سۋبەرمانياممەن كەزدەستى.

حان جىڭ مىنالاردى ءبىلدىردى: بىلتىر 10 - ايدا ءتوراعا شي جينپيڭ مودي زۇڭليمەن قازان قالاسىندا ءساتتى كەڭەس وتكىزىپ، جۇڭگو - ءۇندىستان قارىم - قاتىناسىنىڭ قايتا باستالۋىنا جەتەكشىلىك ەتتى. جۇڭگو مەن ءۇندىستان وركەندەپ كەلە جاتقان ءىرى ەلدەر، دۇنيە ءجۇزىنىڭ وڭتۇستىگىندەگى ماڭىزدى مۇشەلەر، ءوزارا تابىسقا جەتەتىن سەرىك بولىپ، ەكى ەلدىڭ سەلبەسىپ دامۋىن جۇزەگە اسىرۋ _ ەكى جاقتىڭ دۇرىس تالعامى. ەكى جاق ەكى ەل باسشىلارى كەلىسكەن ماڭىزدى ورتاق تانىمدى ونان ارى تياناقتاندىرىپ، جوعارى جىكتەگىلەردىڭ جەتەكشىلىك ەتۋىنە تاباندى بولىپ، ناقتى سەلبەستىكتى ورنىقتى ىلگەرىلەتىپ، ءبىر - ءبىرىنىڭ كوڭىل ءبولىپ وتىرعان ماسەلەلەرىنە قۇرمەت ەتىپ، جۇڭگو - ءۇندىستان قارىم - قاتىناسىنىڭ باياندى، اقاۋسىز، ورنىقتى دامۋىن ىلگەرىلەتۋى كەرەك.

سۋبەرمانيام مىنالاردى ءبىلدىردى: مودي زۇڭلي ءتوراعا شي جينپيڭمەن كەڭەس وتكىزگەننەن كەيىن ءۇندىستان - جۇڭگو قارىم - قاتىناسى ورنىقتى جاقساردى. ءۇندىستان جاق باسشىلاردىڭ ورتاق تانىمىن جەتەكشى ەتىپ، ءۇندىستان - جۇڭگو قارىم - قاتىناسىنىڭ دامۋ بەتالىسىن ساقتاپ، ءوزارا ءتيىمدى سەلبەستىكتى ىلگەرىلەتىپ، كوپ جاقتى مەحانيزمدەگى پىكىرلەسۋدى، سايكەسۋدى كۇشەيتۋدى قالايدى. ءۇندىستان جاق جۇڭگو جاقتىڭ كەزەكتى ءتوراعا ەل رەتىندە بيىلعى شاڭحاي سەلبەستىك ۇيىمىنىڭ باسشىلار ءماجىلىسىن ويداعىداي وتكىزۋىن قولدايدى.

كەلۋ قاينارى: حالىق تورابى