ەل ءىشى - سىرتىنداعى تىلشىلەردىڭ جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ قيمىلىنا تىلشىلىك ىستەۋىن قارسى الامىز

شينحۋا اگەنتتىگى، 7 - ايدىڭ 14 - كۇنى، بەيجيڭ. جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ قيمىلى بەيجيڭدە سالتاناتپەن وتكىزىلەدى، قيمىل ەل ءىشى - سىرتىنداعى تىلشىلەردىڭ تىلشىلىك ىستەۋىن قارسى الادى.

شەتەل اقپارات قۇرالدارى تىلشىلەرى مەن شياڭگاڭ، اۋمىن، تايۋان اقپارات قۇرالدارى تىلشىلەرىنىڭ تىلشىلىك ءوتىنىشىن تاپسىرۋىنا قولايلى بولۋ ءۇشىن، تىلشىلەردىڭ تىزىمدەلىپ تىركەلۋ جۇيەسى ( http://kzjn80reg.zgjx.cn) اشىلادى، شەتەل اقپارات قۇرالدارى تىلشىلەرى مەن شياڭگاڭ، اۋمىن، تايۋان اقپارات قۇرالدارى تىلشىلەرىنىڭ وسى جۇيە ارقىلى تىزىمدەلىپ تىركەلۋ ءوتىنىشىن تاپسىرۋىن قارسى الامىز. تىلشىلىك ىستەۋگە تىزىمدەلۋ ءوتىنىشىن قابىلداۋ ۋاقىتى 2025 - جىلى 7 - ايدىڭ 15 - كۇنىنەن 2025 - جىلى 7 - ايدىڭ 29 - كۇنىنە دەيىن بولادى.

ەل ءىشى - سىرتىنداعى تىلشىلەردىڭ تىلشىلىك ىستەۋىنە قولايلى بولۋ ءۇشىن، ەسكە ءتۇسىرۋ قيمىلى كەزىندە بەيجيڭدە اقپارات ورتالىعى جۇمىس ىستەيدى. اقپارات ورتالىعى تىلشىلىكتى ەسكە ءتۇسىرۋ قيمىلىنا قاتىناسقان ەل ءىشى - سىرتىنداعى تىلشىلەردى قابىلداۋعا جاۋاپتى بولىپ، اقپار جاريالاۋ ءماجىلىسى مەن تىلشىلەردى قابىلداۋ ءماجىلىسىن ۇيىمداستىرىپ، ەل ءىشى - سىرتىنداعى تىلشىلەردىڭ تىلشىلىك قيمىلىنا بايلانىس جانە ورنالاستىرۋ جاساپ، اقپارات ورتالىعىنىڭ رەسمي توراپ بەكەتى مەن ۋيچات الەۋمەتتىك ءنومىرىن اشىپ، ينتەرنەت سياقتى تەحنيكالاردان تولىق پايدالانىپ، تىلشىلەردىڭ تىلشىلىك ىستەۋىنە، حابارلاۋىنا قاجەتتى ينفورماتسيالىق قىزمەت وتەپ، تەحنيكالىق جاقتان كەپىلدىك ەتەدى.