جەردى 2 - كەزەكتى كوتەرمەگە الۋدىڭ مەرزىمى تولعاننان كەيىن تاعى 30 جىل ۇزارتۋدى تۇيىندە سىناق ەتۋ كەڭەيتىلەدى

مەملەكەتتىك كەڭەستىڭ اقپارات كەڭسەسى 7 – ايدىڭ 17 - كۇنى تۇستەن كەيىن اقپار جاريالاۋ ءماجىلىسىن اشىپ، الدىڭعى جارتى جىلداعى اۋىل شارۋاشىلىعى جانە اۋىل - قىستاق ەكونوميكاسىنىڭ اينالىم جاعدايىن تانىستىردى. اۋىل شارۋاشىلىعى جانە اۋىل – قىستاق مينيسترلىگىنىڭ قاتىستى جاۋاپتىسى بىلاي دەدى: اۋىل – قىستاق رەفورماسى ءۇرتىس تەرەڭدەتىلدى، 2 – كەزەكتى جەردى كوتەرمەگە الۋ ۋاقىتى تولعاننان كەيىن تاعى 30 جىل ۇزارتىلادى، تۇتاس ولكە بويىنشا تۇيىندە سىناق ەتۋ كولەمى 7 ولكەگە كەڭەيتىلەدى، اۋىل – قىستاق كوللەكتيۆىنىڭ ”ءۇش قارجىسىن“ باقىلاپ – باسقارۋدىڭ باياندى مەحانيزمى ۇزدىكسىز كەمەلدەندىرىلەدى. جاڭاشا اۋىل شارۋاشىلىق تيجارات تۇلعالارى مەن قوعامدانعان قىزمەت وتەۋ تۇلعالارى جەتىلدىرىلدى جانە ۇلعايتىلدى، بۇكىل ەل بويىنشا 4 ميلليونعا جۋىق وتباسىلىق ەگىس الاڭى، 2 ميلليون 100 مىڭنان استام شارۋالار سەلبەستىك كووپەراتيۆى، ءبىر ميلليون 94 مىڭ تيجارات سيپاتتى نەگىزگى تۇلعا قوعامدانعان قىزمەت وتەۋدى ورىستەتتى.

كەلۋ قاينارى: حالىق تورابى