20 ـ كەزەكتى ورتالىق كوميتەتتىڭ 6 ـ رەتكى شارلاۋداعى جايعاسۋى اياقتادى

«حالىق گازەتى»، 7 - ايدىڭ 21 - كۇنى، بەيجيڭ (ءتىلشى جاۋ چىڭ). پارتيا ورتالىق كوميتەتىنىڭ شارلاۋ قىزمەتى جونىندەگى ءبىر تۇتاس ورنالاستىرۋىنا ساي، 7 - ايدىڭ 20 - كۇنىنە دەيىن 20 - كەزەكتى ورتالىق كوميتەتتىڭ 6 - رەتكى شارلاۋداعى جايعاسۋى اياقتادى. ورتالىقتىڭ شارلاۋ گرۋپپاسى بەيجيڭ، تيانجين، لياۋنيڭ، حيلۇڭجياڭ، شاڭحاي، جياڭسۋ، فۋجيان، شاندۇڭ، گۋاڭدۇڭ، گۋاڭشي، چۇڭچيڭ، گۇيجوۋ، شيزاڭ، شانشي، چيڭحاي، شينجياڭ قاتارلى 16 ولكەگە (اۆتونوميالى رايون، توتە قاراستى قالا) داعدىلى شارلاۋ جۇرگىزەدى ءارى قاتىستى ولكەلىك پارتكومنىڭ شارلاۋ قۇرىلىمدارىمەن بىرگە شىنياڭ، داليان، حاربين، نانجيڭ، شيامىن، جينان، چيڭداۋ، گۋاڭجوۋ، شىنجىن، شي - ان قاتارلى تەتە ولكە دارەجەلى 10 قالاعا بىرلەسىپ شارلاۋ جۇرگىزەدى.

شارلاۋ جۇرگىزىلەتىن رايوندار جەكە - جەكە شارلاۋ جۇرگىزۋگە جۇمىلدىرۋ ءماجىلىسىن اشتى. ورتالىقتىڭ شارلاۋ گرۋپپالارىنىڭ باستىقتارى جۇمىلدىرۋ ءسوزىن سويلەپ، پارتيا ورتالىق كوميتەتىنىڭ شارلاۋ قىزمەتى جونىندەگى ورنالاستىرۋلارىن، تالاپتارىن ىشكەرىلەي ۇيرەنۋ، دايەكتىلەندىرۋ، شارلاۋ قىزمەتىن تىڭعىلىقتى ورىستەتۋ جونىندە تالاپ قويدى.

ورتالىقتىڭ شارلاۋ گرۋپپالارىنىڭ باستىقتارى بىلاي دەپ اتاپ كورسەتتى: شارلاۋ − پارتيانى جاپپاي قاتاڭ جونگە سالۋداعى ستراتەگيالىق تۇزىمدىك ورنالاستىرۋ. ورتالىقتىڭ شارلاۋ گرۋپپاسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە پارتيا 20 ـ كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، 20 ـ كەزەكتى ورتالىق ءتارتىپ تەكسەرۋ كوميتەتى ءتورتىنشى جالپى ءماجىلىسىنىڭ ورنالاستىرۋلارىن مۇقيات تياناقتاندىرىپ، تۋدى ايقىن ۇستاي وتىرىپ ”ەكىنى قورعاۋدى“ ءتۇبىرلى مىندەت ەتىپ، وزەكتى ارقاۋ ەتۋگە، جالپى جاعدايعا قىزمەت وتەۋگە تاباندى بولىپ، ماسەلەنى باعدار ەتۋگە، قاتاڭ ارناعا تۇسىرۋگە تاباندى بولىپ، جۇيەلى كوزقاراسقا تاباندى بولىپ، جالپىلىق باقىلاۋ رولىن ساۋلەلەندىرىپ، شىندىقتى ءىس جۇزىنەن ىزدەۋگە، ەرەجە، ءتارتىپ، زاڭ بويىنشا ساياسي باقىلاۋدى دالمە ـ ءدال، ءونىمدى ورىستەتۋگە تاباندى بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى كەپىلدىك ازىرلەۋى كەرەك.

ورتالىقتىڭ شارلاۋ گرۋپپالارىنىڭ باستىقتارى مىنالاردى تالاپ ەتتى: ساياسي شارلاۋدىڭ باقىلاۋ ءتۇيىنىن ءداپ باسىپ يگەرىپ، پارتيا ورتالىق كوميتەتىنىڭ شارلاۋ جۇرگىزىلەتىن وڭىرلەر جونىندەگى فۋنكتسيالىق ورىن تۇراقتاندىرۋى مەن ستراتەگيالىق ورنالاستىرۋىن ارقاۋ ەتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، تياناقتاندىرىپ، رەفورمانى اناعۇرلىم جاپپاي تەرەڭدەتۋ ورنالاستىرۋىن تياناقتاندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، باسشىلىق القاسىن، كادرلار، دارىندىلار قوسىنىن جانە نەگىزگى ساتى پارتيا ۇيىمى قۇرىلىسىن، سونداي - اق شارلاۋ، رەتتەۋ - تۇزەتۋ جاعدايىن كۇشەيتىپ، ۇقىق پەن جاۋاپكەرشىلىكتى، ”ءبىرىنشى باسشى“ مەن باسشىلىق القانى، بۇقارانىڭ اڭىسى كۇشتى بولعان ماسەلەلەردى قاداعالاپ، ساياسي اعاتتىقتاردى كۇش سالا تاۋىپ، كورنەكتى ماسەلەلەردى شەشۋدى ىلگەرىلەتۋ كەرەك. ورنىقتىلىق بارىسىندا ىلگەرىلەۋگە تاباندى بولىپ، ۇقساس ماسەلەگە بىرگە جاۋاپ بەرۋگە ءمان بەرىپ، ءتارتىپ پەن ستيلدى قاتايتىپ، شارلاۋ مىندەتىن باتىل ورىنداۋ كەرەك.

شارلاۋ جۇرگىزىلەتىن پارتيا ۇيىمدارىنىڭ نەگىزگى جاۋاپتىلارى مىنالاردى ءبىلدىردى: پارتيا ورتالىق كوميتەتىنىڭ شارلاۋ قىزمەتى جونىندەگى ورنالاستىرۋلارىن، تالاپتارىن ىشكەرىلەي ۇيرەنىپ، دايەكتىلەندىرىپ، ساياسي دەڭگەيدى جوعارىلاتىپ، باقىلاۋدى سانالىلىقپەن قابىلداپ، شارلاۋعا ىرىقتىلىقپەن سايكەسىپ، رەتتەۋ ـ تۇزەتۋدى مۇقيات يگەرىپ، شارلاۋدى وراي ەتىپ، پارتيا ورتالىق كوميتەتى جۇكتەگەن مىندەت پەن بورىشتى اناعۇرلىم ويداعىداي اتقارىپ، جوعارى ساپالى دامۋدى ۇزدىكسىز ىلگەرىلەتىپ، ءىس جۇزىندىك ارەكەتىمىز ارقىلى ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىندايمىز.

ۇعىسۋعا قاراعاندا، ورتالىقتىڭ شارلاۋ گرۋپپالارى شارلاۋ جۇرگىزىلەتىن رايونداردا 2 جارىم اي شاماسىندا قىزمەت ىستەيدى ەكەن، شارلاۋ كەزىندە ارناۋلى كەزەكشىلىك تەلەفونى مەن پوچتا حات ساندىعىن ورناتىپ، نەگىزىنەن شارلاۋ جۇرگىزىلەتىن پارتيا ۇيىمىنىڭ باسشىلىق القاسى مەن ونىڭ مۇشەلەرىنىڭ، ءبىر دارەجە تومەن پارتيا ۇيىمىنىڭ نەگىزگى جاۋاپتىلارىنىڭ جانە ءتۇيىندى قىزمەت ورىندارىنداعى قىزمەتكەرلەردىڭ ماسەلەسى اڭىس ەتىلگەن حاتتاردى، تەلەفونداردى، ارىز - ارمانداردى قابىلدايدى ەكەن، مۇندا ساياسي تارتىپكە، ۇيىمدىق تارتىپكە، پاكتىك تارتىبىنە، بۇقارالىق تارتىپكە، قىزمەت تارتىبىنە، تۇرمىس تارتىبىنە قايشىلىق جاساۋ سياقتى جاقتارداعى اشكەرەلەۋ جانە اڭىس ەتۋ ماڭىزدى ءتۇيىن ەتىلەدى. شارلاۋ گرۋپپاسىنىڭ ارىز ـ ارمان قابىلداۋ ۋاقىتى 2025 ـ جىلى 9 - ايدىڭ 23 ـ كۇنىنە دەيىن بولادى.

كەلۋ قاينارى: حالىق تورابى