«تۇرعىن ءۇيدى مايعا بەرۋ ەرەجەسىن» جاريالادى

شينحۋا اگەنتتىگى، 7 - ايدىڭ 21 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويىپ، «تۇرعىن ءۇيدى مايعا بەرۋ ەرەجەسىن» جاريالادى (تومەندە قىسقاشا «ەرەجە» دەلىنەدى)، ەرەجە 2025 – جىلى 9 - ايدىڭ 15 – كۇنىنەن باستاپ اتقارىلادى.

«ەرەجەدە» تۇرعىن ءۇيدى مايعا بەرۋ - مايعا الۋ قيمىلىن ارناعا ءتۇسىرىپ، تۇرعىن ءۇيدى مايعا بەرۋ - مايعا الۋ قيمىلىنداعى ىسكە قاتىستى ادامداردىڭ زاڭدى ۇقىق - مۇددەسىن قورعاپ، تۇرعىن ءۇيدى مايعا بەرۋ قاتىناسىن ورنىقتىرىپ، تۇرعىن ءۇيدى مايعا بەرۋ بازارىنىڭ جوعارى ساپالى دامۋىن جەبەپ، مايعا بەرۋ مەن ساتىپ الۋ قاتار اتقارىلاتىن تۇرعىن ءۇي ءتۇزىمىن جەدەل ورناتۋ ماقسات ەتىلدى. «ەرەجە» جيىنى 7 تاراۋ، 50 تارماقتان قۇرالعان، وندا نەگىزىنەن مىناداي مازمۇندار بەلگىلەنگەن:

ءبىرىنشى، جالپى تۇلعالىق تالاپ ايقىندالدى. تۇرعىن ءۇيدى مايعا بەرۋ بازارىن دامىتۋدا پارتيا مەن مەملەكەتتىڭ لۋشيان، باعىت، ساياساتتارىن، شەشىمدەرى مەن ورنالاستىرۋلارىن دايەكتىلەندىرىپ، بازاردىڭ جەتەكشىلىگى مەن ۇكىمەتتىڭ جەتەكشىلىگىن ۇشتاستىرۋعا تاباندى بولىپ، مايعا بەرىلەتىن تۇرعىن ۇيمەن قامداۋدى كوپ ارنامەن ارتتىرۋعا دەم بەرىپ، بازارلانعان، ارنايىلانعان تۇرعىن ءۇيدى مايعا بەرۋ كاسىپورىندارىن جەتىلدىرۋ كەرەك.

ەكىنشى، مايعا بەرۋ، مايعا الۋ قيمىلى ارناعا ءتۇسىرىلدى. مايعا بەرىلەتىن تۇرعىن ۇيلەر ارحيتەكتۋرا، ورتتەن ساقتانۋ سياقتى جاقتارداعى زاڭ، ەرەجە، بەلگىلەمە جانە زورلاۋ سيپاتىنداعى ولشەمگە سايكەس بولۋى، جەكە باس حاۋىپسىزدىگىنە جانە دەنساۋلىققا حاۋىپ جەتكىزبەۋى كەرەك، قونىستان تىس ورتانى جەكەلەي مايعا بەرۋگە جانە وتىرۋعا پايدالانۋعا بولمايدى؛ مايعا بەرۋشى جانە مايعا الۋشى شىنايى ەسىمىمەن تۇرعىن ءۇيدى مايعا بەرۋ، مايعا الۋ توقتامىن جاساسۋى، سونداي - اق مايعا بەرۋشى جانە مايعا الۋشى بويسۇنۋعا ءتيستى ارەكەت ولشەمى سياقتىلارعا بويسۇنۋى كەرەك.

ءۇشىنشى، تۇرعىن ءۇيدى مايعا بەرەتىن كاسىپورىنداردىڭ ارەكەتى ارناعا ءتۇسىرىلدى. تۇرعىن ءۇيدى مايعا بەرەتىن كاسىپورىندار شىنايى، دۇرىس، كەمەلدى ءٷي قاينارى ينفورماتسيالارىن جاريالاپ، تۇرعىن ءۇيدى مايعا بەرۋ ارحيۆىن تۇرعىزىپ، ىشكى باسقارۋ ءتارتىبىن كەمەلدەندىرۋى؛ جوتكەپ مايعا بەرۋ ساۋداسىمەن شۇعىلداناتىندار بەلگىلەمە بويىنشا تۇرعىن ءۇيدى مايعا بەرۋ قاراجاتىن باقىلاپ - باسقارۋ ەسەبىن اشۋى كەرەك.

ءتورتىنشى، دەلدالدىق قۇرىلىمداردىڭ ارەكەتى ارناعا ءتۇسىرىلدى. تۇرعىن ءۇيدى مايعا بەرۋ - مايعا الۋ قۇرىلىمى ءۇي قاينارى ينفورماتسياسىن جاريالاۋدان بۇرىن مىندەتتەۋشىنىڭ سالاۋات ينفورماتسياسىن، تۇرعىن ءۇي ۇقىق قاراستىلىعى ينفورماتسياسىن سالىستىرىپ جانە ەستەلىككە الىپ، ءۇي قاينارىن ناق مايداندا تەكسەرۋ ءارى تۇرعىن ءۇي جاعدايى تۇسىندىرمەسىن جاساۋى؛ اقى الۋعا قىزمەت وتەۋ نىساندارىنا اشىق باعا قويۋى كەرەك.

بەسىنشى، باقىلاۋ - باسقارۋ كۇشەيتىلدى. رايونعا بولىنگەن قالا دارەجەلىدەن جوعارى جەرگىلىكتى حالىق ۇكىمەتتەرى تۇرعىن ءۇيدى مايعا بەرۋ باقىلاۋ - باسقارۋ مەحانيزمىن ورناتىپ، ماي اقى ورەسى ينفورماتسياسىن ۋاعىندا جاريالاۋى كەرەك؛ اۋدان دارەجەلىدەن جوعارى جەرگىلىكتى حالىق ۇكىمەتتەرىنىڭ ءۇي باسقارۋ تاراۋى قاتىستى تاراۋلارمەن جانە سالا ۇيىمدارىمەن بىرگە تۇرعىن ءۇيدى مايعا بەرۋشى كاسىپورىندارعا جانە ولاردىڭ قىزمەتكەرلەرىنە تۇرگە ءبولىپ باقىلاپ - باسقارۋى جۇرگىزۋى كەرەك؛ سالا ۇيىمدارى سالا جاعىنان تەجەمدى بولۋ باسقارۋىن كۇشەيتۋى كەرەك.

التىنشى، جاۋاپكەرشىلىك قاتاڭ قۋزالادى. مايعا بەرۋشىنىڭ، مايعا الۋشىنىڭ، تۇرعىن ءۇيدى مايعا بەرۋ كاسىپورنىنىڭ، تۇرعىن ءۇيدى مايعا بەرۋ دەلدالدىق قۇرىلىمىنىڭ، سونداي - اق ۇكىمەتتىڭ قاتىستى تاراۋلارىنداعى قىزمەتكەرلەردىڭ زاڭعا قايشى ارەكەتتەرى جونىندە جەكە - جەكە قاتاڭ زاڭدىق جاۋاپكەرشىلىك بەلگىلەندى.

كەلۋ قاينارى: حالىق تورابى